Anatol Frans

Vikisitat saytından
Anatol Frans
Doğum tarixi 16 aprel 1844
Doğum yeri Paris
Vəfat tarixi 12 oktyabr 1924
Vəfat yeri Q22994052
Dəfn yeri Neuilly-sur-Seine Old Communal Cemetery
Vikipediya məqaləsi

Anatol Frans - (16 aprel 1844 - 12 oktyabr 1924) - fransız şairi, jurnalisti və yazıçısı. Fransız Akademiyasının üzvü (1896), ədəbi nailiyyətlərinə görə 1921-ci ildə Ədəbiyyat üzrə Nobel Mükafatını qazandı.



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Ağlın çevikliyi gözəlliyi də əvəz edə bilər.[1]
  • Alimlər adi insanlardan danışıq və mürəkkəb aldatmalara heyran olmaq qabiliyyəti ilə fərqlənirlər.
  • Analıq sənətinin ilk şərti uşaq yatdıqdan sonra yatmaqdır.
  • Atanın verdiyi tərbiyə uşaqların sərvətidir.
  • Ayaqsız bir uşağa rast gələn qədər ayaqqabısız olduğum üçün kədərlənirdim.

B[redaktə]

  • Bədbəxtliyin səbəbini başqa yerdə deyil, özümüzdə axtarmalıyıq.
  • Bircə ədalətli fikir bütün zəncirləri qıra bilər.
  • Biz dünyanı dəyişmədən onu xilas edə bilmərik. Mükəmməl təhsil almaq heç də mükəmməl həyat fəlsəfəsinə yiyələnmək demək deyil.
  • Bütün təbiət qanunlarını dərk etmədən biz onların heç birini dərk etməyəcəyik, çünki bunlar bir zəncirin halqalarıdır.

D[redaktə]

  • Dünya ikiyə bölündü, çatlar şairin ürəyindən keçdi.

E[redaktə]

  • Elm bütün qapıları açan açara bənzər.

Ə[redaktə]

  • Ədalət ancaq həqiqətdən, səadət ancaq ədalətdən əmələ gələ bilər.
  • Əgər gözəllik ilə gerçək arasından birini seçməm gərəksəydi, heç tərəddüd etmədən gözəlliyi seçərdim, çünki onun içində əsl həqiqətdən daha yüksək və daha dərin bir gerçək olduğuna inanıram.
  • Əgər yazıçı düşündüklərindən fərqli bir şey yazarsa, o yazı naqis olar.
  • Əsl bəşəri məhəbbət olmadan əsl vətən məhəbbəti ola bilməz.
  • Əslində mən heç bir şey bilmirəm. Xəyal qurmaq hər şeydir.

G[redaktə]

  • Gələcək bizim hələ yan almadığımız nəhəng bir qitədir.
  • Gəmi sükana tabe olmadığda sualti qayalara tabe olur.
  • Gəzmək, bir zamanlar insan və kainat arasında var olan uyğunluğu təkrar qurar.
  • Günahsızlıq çox vaxt xeyirxahlıqdır, fəzilət deyil.

F[redaktə]

  • Fizikada olduğu kimi, psixologiyada da bizi əvvəlki zəminimizə bağlayan cazibə qanunu var.[2]

H[redaktə]

  • Heç kimə kitab verməyin. Çünki mən kitabxanamı oxumaq üçün alıb qaytarmadığım kitablardan qurmuşam.
  • Həqiqi sevgi, hər kəsin danışdığı kimi bir gül, lakin çox az adamın gördüyü xəyalətlərə bənzər.
  • Hər şeydə, o cümlədən təvazökarlıqda da müəyyən bir hədd gözlənilməlidir.
  • Həyatdan baş aça bilmirik, amma yenə də sonsuz bir həyat istəyirik.
  • Həyatın məşəqqətlərinə dözmək üçün onları mütləq bir qadınla bölüşmək lazımdır.
  • Həyatla baş edə bilmirik, yenə də sonsuz bir həyat arzulayırıq.

X[redaktə]

  • Xalqları yüksəldən zəngin kitablardır.
  • Xəyal gerçəklikdən qüdrətlidir, o hər şeyi canlandıra bilir.

İ[redaktə]

  • İncəsənəti iki qorxunc məxluq hədələyir; bunlardan biri ustalıqdan xali olan sənətçi, digəri sənətə yad olan ustadır.
  • İnsan gələcəkdə onu nələrin gözlədiyini bilsəydi, həyatı dözülməz olardı.
  • İnsanlar doğulur, acı çəkir və ölürlər.
  • İradə zəif olanda, ən güclü ağıl belə bir qara quruşa dəyməz.
  • İstedad pula bənzəyir–ya var, ya da yoxdur.

K[redaktə]

  • Keçmişlə bağlı boş peşmanlıqlardan yapışmağa və bizi narahat edən dəyişikliklərə görə kədərlənməyə ehtiyac yoxdur, çünki dəyişiklik həyatın əsasıdır.
  • Kitab xəyalən ən uzaq məsafələri belə qət etməyə kömək edir.

Q[redaktə]

  • Qadın kişinin dahi tərbiyəçisidir.
  • Qadının ən böyük cavahiratı onun namusudur.
  • Qısqanclıq kişidə zəiflik, qadında isə güc mənbəyidir.

M[redaktə]

  • Mənə kitablarını göstər, övladlarının kim olduğunu deyim.
  • Məntiqli düşünüb məntiqsiz hərəkət etmək insan quruluşunun xüsusiyyətidir.
  • Müəyyən zehni mədəniyyət olmadan nəcib hisslər də ola bilməz.

O[redaktə]

  • Oğlanlar öz analarının xoşniyyətli olduğuna qızlardan çox inanar
  • Oğullar analarının iffətli olduğuna inanarlar, qızlar da elə, amma onlar daha az inanarlar.
  • Otuz beş yaşına çatana qədər mən evə gəlməyincə anamın yatdığını görmədim.

Ö[redaktə]

  • Ömür qısadır, lakin insan onu öz uşaqlarının ömründə yenidən yaşaya bilər.

S[redaktə]

  • Sevgi! Bu mənada nə qədər hüdudsuzluq var! Bir göz yaşında necə okean! Bir baxışda necə səma! Bir nəfəs almada necə tufan! Bir toxunuşda necə ildırım! Bir anda necə əbədilik!
  • Sevgidə kişilərə formalar və rənglər lazımdır; kişilər obrazlar tələb edir. Qadınlar isə yalnız duyğuları tələb edirlər. Onlar bizdən yaxşı sevirlər: onlar kordurlar.
  • Səyahət etmək bir vaxtlar insanla kainat arasında mövcud olan orijinal harmoniyanı bərpa edir.
  • Səyahət sözünün əsl mənası nədir? Məkan dəyişdirilsin? Qətiyyən! Səyahət etmək fikirləri və qərəzləri dəyişdirir.

Ş[redaktə]

  • Şeirlə insan ruhu arasında qədim bir ünsiyyət var. Buna görə də insanın sevincli və kədərli anlarında şeir həmişə onunladır.

T[redaktə]

  • Təvazökarlıq öz gerçək dəyərini anlamaqdır.

Y[redaktə]

  • Yalnız qadınların maraqlandırmadığı kişilər qadın paltarı ilə maraqlanırlar.
  • Yaşamaq fəaliyyət göstərmək deməkdir.
  • Yol gözəlsə, hara çatdığının nə əhəmiyyəti var!
  • Yumorsuz dünya - quşlarsız meşəyə oxşayardı.

Mənbə[redaktə]

  • Ağıla və qəlbə işıq saçan sözlər. Bakı,2014

İstinadlar[redaktə]

  1. Aforizmlər və hikmətli sözlər. Bakı, 2005, səh.36
  2. Səlahəddin Xəlilov. Aforizmlər: seçilmişlərdən seçilmişlər. Bakı,2012,