Pifaqor

Vikisitat saytından
Keçid et: naviqasiya, axtar
Pifaqor

Pifaqor Samoslu (e.ə.570-500) - yunan riyaziyyatçısı və filosofu.

A[redaktə]

  • Ağıllı qadın! Əgər istəyirsən ki, ərin boş vaxtlarını səninlə keçirsin, elə elə ki, o səndə gördüyü həzzi və rahatlğı, etibarı və təvazökarlığı heç yerdə tapa bilməsin.
  • Az danış, ondan da az yaz.

B[redaktə]

  • Bədənini ruhunun tabutuna çevirmə.
  • Biliklə müdrikliyi eyni şey hesab etmə.
  • Biliksiz adam okeanda azan yelkənsiz gəmiyə bənzər: ya sahilə çırpılıb parçalanar, ya tufana düşüb batar.
  • Bir-biri ilə qarşılaşan ədədlər, fiqurlar və onların kombinasiyası bütün riyazi ideyaların mənbəyidir.
  • Böyük vədlər vermədən böyük işlər gör.

E[redaktə]

  • Elə ünsiyyət saxla ki, dostları düşmən, düşmənləri dost etməyəsən.
  • Ey insan! Qapını bədbəxtlik döyəndə, onu gülümsər üzlə qarşıla, gözləmə ki qapın ikinci dəfə döyülsün. müqavimət bədbəxtliyi bir az da qıcıqlandırar, itaət - zəiflədər.

Ə[redaktə]

  • Əgər istəyirsən ölümündən sonra da yaşayasan və gələcək nəslin hörmətini qazanasan, özündən xeyirxah ailə və yaxşı bir kitab yadigar qoy.
  • Əgər soruşsalar Allahlardan əzəl kim olub, Cavab ver: qorxu və ümid.

G[redaktə]

  • Günəş batanda uzanan kölgənə baxıb özünü böyük adam hesab eləmə.

H[redaktə]

  • Heykəli görkəmi, insanı isə əməlləri gözəlləşdirir.
  • Həyat tamaşaya bənzəyir: bəziləri ona yarışmağa, bəziləri alış-verişə, ən xoşbəxtləri isə baxmağa gəlirlər.

Q[redaktə]

  • Qoy sənin yeganə Allahın - Vicdanın olsun.
  • Qulaq asıb sən susa- susa müdrikləşirsən. Müdrikliyin başlanğıcı susmaqdır.

M[redaktə]

  • Mülkiyyəti olmayan vətəndaşın vətəni yoxdur!

N[redaktə]

  • Nə cür xoşbəxtliyə düçar olsan belə, göz yaşı axıtma. Gözünün yaşını insanların bədbəxtliyi üçün saxla.

Ö[redaktə]

Öz ehtiraslarının əsiri olan adam heç vaxt azad ola bilməz.

S[redaktə]

  • Sakit ölüm istəyirsənsə, sabit həyat keçir.
  • Səadət dalınca qaçma, o, sənin özündədir.
  • Səndən soruşsalar, xeyirxahlıq nədir, de ki, müdrikliyin əmələ keçirilməsi.
  • Səndən soruşsalar ki, müvəffəqiyyətin açarı nədədir? de ki özü-özünlə yola getməkdə.
  • Sənin haqqında nə fikiləşsələr də, ədalətli saydığını elə.
  • Sözündə və əməlində şitlikdən və təkrarçılıqdan qaç.

U[redaktə]

  • Uşaqlarınızın göz yaşını qoruyun ki, qəbrinizin üstündə axıtmağa göz yaşı qalsın.
  • Uşaqlarla, qadınlarla və xalqla fikrini bölüşmə.

V[redaktə]

  • Vaxtımı siyasətə və tənliklərə sərf edirəm.Zənnimcə tənliklər daha vacibdir,çünki siyasət yalnız həmin məqam üçün mövcud olduğu halda , tənliklər əbədidir.

Y[redaktə]

  • Ya sus, ya da susmaqdan daha dəyərli bir söz de.
  • Yalnız əsərlərində ağıllı görünənlərdən olma.


Məqalə ilə əlaqəli digər Vikimedia səhifələri:

Vikpediyada Pifaqor haqqında məqalə var.