Teluqu atalar sözləri

Teluqular

Teluqular — Hindistanın Andhra-Pradeş ştatında Qodavari, Krişna, Tunqabhadra çaylarının vadisində, Tamilnad və Karnataka ştatlarının qonşuluğundakı rayonlarda kompakt şəklində yaşayırlar. Sayları təxminən 75 milyon nəfərdir (2004). Antropoloji baxımdan mezohind tipinə, müxtəlif varna və kastalara mənsubdurlar.

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Aclıq dad bilmir, yuxu səliqə-sahman, ehtiras — həya.
• Ağacın əyriliyi ancaq odda yox olar.
• Ağılsızlığın on min növü var.
• Allah müdafiəsizlərin sığınacağıdır.
• Anaya etibar edənlə, torpağa etibar edən uduzmaz.
• Arvadını istəməyən kişiyə lap milliküri də şit gələr. (Millikür — Hindistanda xörəyə qatılan duzlu ot)
• Atlı necədirsə, at da elədir.
• Ayaqqabılar qızıldan olsa belə, ayaqlara geyilir.

B

• Başmaq qızıldan da olsa, ayağa geyilər.
• Bir daş — bir daş götürsən, dağ da qurtarar.
• Bir kəndə min yol gedər.
• Bir yalanı gizləmək üçün, üstəlik min dəfə də gərək aldadasan.
• Borc verən borclunun sağlığını istər, borc alan — onun naxoşluğunu.

C

• Cavan öküzlə qoca sələmçiyə yaxın düşməmək daha yaxşıdır.

Ç

• Çay nə qədər kəməndə salına — dənizə töküləcək.
• Çaya yetmiş amada qalmış paltarını soyun. (Amada — 16 km-ə yaxın uzunluq ölçüsü).
• Çomağı olmasa adamı qoyun da qapa bilər.

D

• Daşın, ağacın və isanın taleyini qabaqcadan demək olmaz.
• Dəmirin sınığını qaynaq eləmək olar, dostluğun sınığını — yox.
• Dənizi üzüb keçsən də, ailə qalmaqalında bata bilərsən.
• Dil sümüksüzdür, hər cür fırlanır.
• Dilim, dilim! Mənim kürəyimə-kürəyimə vurdurma.
• Doğum ölüm üçündür.
• Dövlətlilər üçün qanun yoxdur.
• Duz yeyən su içər.
• Düzü deyirsən — narazı olurlar.

E

• Eşitdiyin hər şeyə inanma, inandığın hər şeyi demə.

Ə

• Əqrəbə imkan versən, bütün gecəni səhərə qədər sancar.

F

• Fil — boynunda oturana tabe olur.
• Fil uzandığı halda da atdan hündür olur.
• Filin boynunda oturan adamın it hürüşündən qorxysy olmaz.

G

• Gülər üz — yeməkdən qiymətlidir.
• Güləyən qadınla ağlağan uşağa etibar eləmə.
• Gündüz danışsan, ətrafına bax, gecə heç danışma.

H

• Həkim bir-iki xəstə öldürməyincə, həkim olmur.

İ

• İlan hər gün təhlükə içindədir, amma min ilə qədər yaşayır.
• İlan özü bilir ki, ayaqları haradadır.
• İnsan boyca balacadır, amma onda bir putti ağıl var. (Putti — təqribən 225 kq-a bərabər çəki vahididir).
• İştaha böyükdür — səma kimi, boğaz dardır — iynə ulduzu kimi.

K

• Kasıb dilənçidən pisdir.
• Kim ki, sənin səhvlərini deyir — sənə atadır, kim ki tərifləyir — paxıldır.
• Korlara güzgü vermək.

Q

• Qarğa dünyaya qara gələr, böyüyər də, qara qalar.
• Qarğa Qanqda çimməklə sonamı olur?
• Qaydasında yeməsən, bal şirəsi də zərər verər.
• Qəzəb — günahın səbəbidir.
• Qılınc zərbəsi dəyməyə bilər; qələm zərbəsi, çox güman ki, məğlub edər.
• Qoruqlu səbirlə tikilib. (Qoruqlu — indiki Varan qal — böyük şəhərdir, teluqu xalqının ən qədim mədəniyyət mərkəzlərindən biri).
• Qurd təklif elədi qoyunu havayı otarsın.
• Quru ayaq üstə içsə, şagird qaça-qaça içər. (Quru — müəllim, ruhani mürəbbi).
• Quyunun dibini görmək olar, ürəyin dibini yox.

M

• Müqəddəs inək səni buynuzlayırsa onu öldürmək günah deyil.

O

• Odu iki yerə bölmək olar, suyu yox.
• Oğru desəydi ki, nə vaxt gələcək, mən şahid hazır edərdim.
• Oğru hamıdan şübhələnər.
• On adamın arasına düşən ilan ölməz.
• Oynamaq bilmir, deyir ki, təbil bir şeyə dəyməz.

Ö

• Özgəsinin səadətinə küsəndi — bir gözü ağladı: o biri gözü də öz dərdinə ağladı.
• Özüm özümü tanımıram, səni necə tanıyım?

P

• Pişik gözünü yumub südü içir, elə bilir ki, onu heç kəs görmür.

R

• Ruzi qazanmağın on milyon çəmi var.

S

• Sevinc — qüvvətin yarısıdır.
• Səbirsiz adamın ağlı çatışmır.
• Sənə bir çimdik duz verilibsə, altı ay yadında saxla,
• Səni lap pələng də qovsa, padşah sarayının yanından keçmə.
• Sərvət arvad əlində, uşaq — kişi əlində məhv olar.
• Söyüşə adət eləyən ağzı tiksən də tutmaz.
• Söz-söhbətin gündüz işə zərəri dəyir, gecə — yuxuya.
• Süd əməndə döşü dişlədi.

Ş

• Şəkər qamışı şirindir, onu kök qarışıq yemək nə üçün?
• Şəkər qamışının əyrisi də şirindir.

T

• Tələyə düşən pələnglə kimin nə işi?
• Torpağı tanı, səp: adamın ləyaqətini bil, bağışla.

U

• Uzaqdan dağ da hamar görünür, yaxına gəlirsən — qayadır, daşdır.

V

• Varlılar üçün qanun yoxdur.

Y

• Yarpaq da tikanın üstünə düşəndə, tikan da yarpağın üstünə düşəndə, yarpaq yaralanır.
• Yeməkdə və işdə təvazökarlıq yersizdir.
• Yerin gücü insanın gücündən çoxdur.

Z

• Zorda həqiqət yoxdur, kor gözdə — işıq.

Mənbə

• Dünya xalqlarının atalar sözləri, Bakı, 2015.