Nikola Şamfor

• Fürsət adamın qapısını iki dəfə döyməz.
• Kamil insan bu dəyişkən dünyaya nikbin nəzərlərlə baxır və onu olduğu kimi qəbul edir. Hətta köhnə adət və ənənələrin müasirliyə uyğun gəlmədiyini görsə belə, onlara hörmətlə yanaşır.
• Əqidə ağlın vicdanıdır.
• Dələduzlar həmişə təmiz adam kimi görünməyə çalışır və çox vaxt buna nail olurlar.
• Ən varlı adam qənaətcil, ən yoxsul adam isə xəsis adamdır.
• Cavanlıqda bilik ağacı əkməsək, qocalanda kölgəsinə sığınası ağacımız olmaz.
• Vüqar sanki insanın boyunu ucaldır, şöhrətpərəstlik isə üfürüb şişirdir.
• Çox böyük ləyaqətlər insanı cəmiyyət üçün faydasız edir: bazara qızıl külçəsi ilə getmirlər, bazar üçün kağız pul, ələlxüsus da xırda pul lazımdır.
• Üç növ yalançı var: xam yalançı, and içən yalançı və heç vaxt yalan söyləmədiyini iddia edən yalançı.
• Böhtan zəhlətökən eşşək arısına oxşayır: onu yerindəcə öldürəcəyinizə əmin deyilsinizsə, qovmağa da çalışmayın. Yoxsa o, yenidən, özü də daha böyük qəzəblə üstünüzə hücum edəcək.