Azərbaycan atalar sözləri/Ö

←O

Azərbaycan atalar sözləri Müəllif: Şifahi xalq ədəbiyyatı

P→

Həmçinin baxın: Haqqında • < Mündəricat

• Öküz altında buzov axtarır.
• Öküz cırıldamaqdan boyunduruq cırıldayır.
• Öküz deyər: - Mən ağama nökərəm.
• Öküz dəvəcan olanda, dəvə dağcan olar.
• Öküz əhildəməkdən, boyunduruq əhildəyir.
• Öküz kimi yeyir, dana kimi yatır.
• Öküz olacaq dana bugündən bilinər.
• Öküz öldü, ortaq ayrıldı.
• Öküz ölər gönü qalar, igid ölər ünü qalar.
• Öküz ölməyincə inəyə qiymət olmaz.
• Öküz özünə yonca əkəndə başı ağrıyar.
• Öküzlüyə gön borc verərlər.
• Öküzü buynuzundan, adamı sözündən tutarlar.
• Öküzü durğuzub altından buzov istəməzlər.
• Öküzü olana borc gön verərlər.
• Öküzü ölənə yol göstərən çox olar.
• Öküzün böyüyü pəyədə qalıbdır.
• Öküzün cütə getməyəni ətlik adına satılar.
• Öküzün qaşqasını döyərlər.
• Öküzün qocalanı dana-buzova qoşular.
• Öl mənim üçün, ölüm sənin üçün.
• Ölçməmiş biçmə.
• Öldü var, döndü yoxdur.
• Öldürən ox, günahkar oxatan.
• Öldürrəm deyəndən qorxma, ölləm deyəndən qorx.
• Ölən canını qurtarır, vay qalanın halına.
• Ölən görməyəcək, qalan görəcək.
• Ölən ilə ölmək olmaz.
• Ölən inək südlü olar.
• Ölən kim, öldürən kim?
• Ölən onlardan olsun, bel-kürək bizdən.
• Ölən öldü, diriyə dirilik gərək.
• Ölən öldü, vay dirinin halına.
• Ölənin borcunu baqqal dirilərə yüklər.
• Ölənin cibindən gedər.
• Ölər, Koroğlu getməz bu yurddan.
• Ölkə abad ikən dəyirman xaraba idi.
• Ölkə ki var, onun qabağında şah da acizdir, gəda da.
• Ölkə sahibsiz olmaz.
• Ölkə yansa canı yanmaz.
• Ölmə eşşəyim, ölmə, yaz gələr, yonca bitər.
• Ölmə, itmə, qapımızdan getmə.
• Ölmək istəyirsən, köç Mazandarana.
• Ölmək ölməkdir, xırıldamaq nə deməkdir?!
• Ölmək var, dönmək yoxdur.
• Ölməz, itməz Xədicə, görər nəvə-nəticə.
• Ölmüş aslandan diri köpək yaxşıdır.
• Ölmüş ata yük çatmazlar.
• Ölmüş dəvənin dərisi bir eşşəyə yükdür.
• Ölmüş eşşək axtarır ki, nalını çəksin.
• Ölmüş inək südlü olar.
• Ölü aslanın saqqalını yolarlar.
• Ölü bit deyil ki!.
• Ölü bit deyiləm ki, dırnaq altında qalım.
• Ölü cəhənnəmə, təki mollaya pul olsun.
• Ölü dağı çəkilər, diri dağı çəkilməz.
• Ölü dərdi dərd olmaz, haray dirinin dərdidir.
• Ölü gör necə ölüdür, Əzrail də halına ağlayır.
• Ölü kəfənsiz qalmaz.
• Ölü kimdir ki, gorun söyən kim ola?!
• Ölü kimi ölginən, mürdəşir kimi yuyum.
• Ölü kimi yatır.
• Ölü qəbristandan qayıtmaz.
• Ölü öldü, diriyə dirilik gərək.
• Ölü yerdə qalmaz.
• Ölüb ağlayanı yoxdur.
• Ölüb ölümdən qayıdıb.
• Ölüdən pay umur.
• Ölüdən şeytan da əl çəkib.
• Ölüm-dirim bizim üçündür.
• Ölüm gələndə "gəlirəm" deməz.
• Ölüm haqq, miras halal.
• Ölüm haqqdan, kəfən Məmməd Cəfər bəydən.
• Ölüm haqqdır.
• Ölüm qaş ilə göz arasındadır.
• Ölüm var ki, həyat qədər dəyərli, həyat var ki, ölümdən də betərdir.
• Ölüm var ölüm kimi, ölüm var zülüm kimi.
• Ölümdən başqa hər şeyə çarə var.
• Ölümə çarə yoxdur.
• Ölümə gedən gəldi, pula gedən gəlmədi.
• Ölülər elə bilir, dirilər halva yeyir.
• Ölümü görəcəksən ki, bayılmağa da razı olasan.
• Ölümün atı çaparaq olar.
• Ölünü öz xoşuna qoysan, vurar kəfəni batırar.
• Ölünü özbaşına qoysan, şıllaq atar, kəfəni çırar.
• Ölünü vaxtında ağla, el gələr tünlük olar.
• Ölünün böyüyü kiçiyi olmaz.
• Ölünün dalınca danışmazlar.
• Ölünün vəsiyyəti özü ilə gedər.
• Ölürsə yer bəyənsin, qalırsa el bəyənsin.
• Ölüsü bir gün şivəni min gün.
• Ölüsü olan bir gün ağlar, dəlisi olan hər gün.
• Ölüsü olən kiridi, yasa gələn kirimədi.
• Ölüyə də yiyə lazımdır, diriyə də.
• Ömrün bərəkəti yaxşı əməl ilədir.
• Ömrünə qəbalə alıb.
• Ömür bir iynədir, sapı çox qısa.
• Ömür boyu lampa qayırdım, hələ də qaranlıqda qalmışam.
• Ömür deyir qocalmışam, ürək deyir: - yaşa hələ.
• Ömür edən yaşa dolar.
• Ömür qarısa da, könül qarımaz.
• Ömür vəfasızdır, bizi tərk edir.
• Ömürlər örtülüdür, həm qocaya, həm cavana.
• Ördək ətin, qaz ətin, yeyən bilər ləzzətin.
• Ördək gəlib qaz olmaz, gəlin gəlib qız olmaz.
• Ördək qaz yerişi yeriyəndə paçası aralı qalar.
• Ördək öldü - qaz qaldı, sim qırıldı - saz qaldı.
• Ördəkdən qaz yerişi tələb eləmək olmaz.
• Ördəyi bağlamağa ipək gərək, yar ilə oynamağa ürək gərək.
• Ördəyi su ilə qorxutmazlar.
• Örkən nə qədər uzun olsa, yenə dolanar doğanaqdan keçər.
• Örkən üstə darı səpib.
• Örtülü bazar - dostluğu pozar.
• Örtülü süfrənin bir eybi var, açıq süfrənin min eybi.
• Ötüb keçən ömürdür, qocalan insan.
• Övlad ata-ananın ürəyidir.
• Övlad bir turş almaya bənzər, yeyənin dişi qamaşar, yeməyənin könlü istər.
• Övlad can yanğısıdır.
• Övlad insanın məbədidir.
• Övlad ki var, nəvə - məğz badamdır.
• Övlad könül meyvəsidir.
• Övlad pəncərədən düşən işıqdır.
• Övlad sərmayədir.
• Övlad tapılar, ata-ana tapılmaz.
• Övlad ya ataya oxşar, ya anaya.
• Övladda atadan nişanə olmalıdır.
• Övladda nəvə, dövlətdə dəvə.
• Öyrənən ağız çərəzsiz qalmaz.
• Öyrənməyə ar olmaz.
• Öyüdü anlayana verərlər.
• Öyündə yox urvalıq, könlündən keçir koyxalıq.
• Öz adını özgələrə qoyma.
• Öz ağam, öz qulum.
• Öz ağlını özgə ağlına vermə.
• Öz anasını sevən, özgə anasını söyməz.
• Öz anasını sevməyən, özgə anasını sevməz.
• Öz arşını ilə ölçür.
• Öz atının noxtasından yapış.
• Öz ayağı ilə ölümə gedir.
• Öz ayağı ilə sallaqxanaya gedir.
• Öz bəxtindən küs.
• Öz burnundan uzağı görmür.
• Öz çörəyini özgə süfrəsində yemə.
• Öz çulunu sudan çıxarda bilmir.
• Öz daş - tərəzisi ilə çəkir.
• Öz duzunuzla yeyin.
• Öz evimin nökəriyəm, özgə evinin-ağası.
• Öz evində öz başını bağlaya bilmir, özgə evində gəlin başı bağlayır.
• Öz eybini bilməmiş, özgəyə rişxənd eləmə.
• Öz əli ilə öz ayağına balta çalır.
• Öz əli ilə öz gözünü çıxarır.
• Öz əli ilə özünə quyu qazır.
• Öz əlim, öz başım.
• Öz gözündə bayquşun balası tavus quşundan da gözəldir.
• Öz gözündə tiri görmür, özgə gözündə qıl axtarır.
• Öz ipini özü eşir.
• Öz işini özün gör.
• Öz kölgəsindən uzağı görmür.
• Öz kövşənində otla.
• Öz kövşənində otlayan mal ac qalmaz.
• Öz qabağından ye.
• Öz qədrini bilməyənin qədrini özgəsi də bilməz.
• Öz quru çörəyim özgənin plovundan yaxşıdır.
• Öz oduna da məni yandırma.
• Öz örüşündə Muradalı da bəydir.
• Öz örüşündə otlayan mal ac qalmaz.
• Öz-özünü bəyənən ağam vay!...
• Öz rahatlığını istə.
• Öz rahatlığını istə, özgənin narahatlığını istəmə.
• Öz səsi özünə xoş gəlir.
• Öz sözü ilə tutulur.
• Öz sözünü eşit, özgə sözünü danışanda.
• Öz sözünü özgənin ağzından danışma.
• Öz ssözünü özün danış.
• Öz yağı öz başına.
• Özgə ağzına baxan ac qalar.
• Özgə atına minən tez düşər.
• Özgə bağından gül dərməzlər.
• Özgə buzovu çatı qırar.
• Özgə buzovunu güdənin çatısı əlində qalar.
• Özgə evində kovxalıq etmə.
• Özgə evində qonaqdan borc istəməzlər.
• Özgə evində tülküdür, öz evində aslan.
• Özgə əli ilə ilan tutur.
• Özgə əlində kömbə böyük görünər.
• Özgə gözü yaxşı görər.
• Özgə kisəsindən pul bağışlamazlar.
• Özgə qapısını bağlı istəyənin öz qapısı bağlı qalar.
• Özgə malına dəymə, özününü bərk saxla.
• Özgə malına göz tikən malsız-davarsız qalar.
• Özgə özgənin namazını dəstəmazsız qılar.
• Özgə özgənin ölüsün holavarnan ağlar.
• Özgə plovundan bizim şorba yaxşıdır.
• Özgə uşağından oğul olmaz.
• Özgə yerin halvasını hövla ilə çalarlar.
• Özgənin qarğası özgəyə qırğı görünər.
• Özgənin malı-mülkü, bizim də Qənbərimiz.
• Özgənin sözünü özgəyə deməyə nə var?
• Özgəyə bel bağlama.
• Özgəyə it hürər, bizə Mazandaran çaqqalı.
• Özgəyə kömək et, sənə də kömək edərlər.
• Özgəyə quyu qazan özü düşər.
• Özgəyə ümid olanac qalar.
• Özgəsinə göz qoyan özünkünü itirər.
• Özü balaca, sözü böyük.
• Özü bişirib, özü yeyir.
• Özü danışar, özü də qulaq asar.
• Özü deyir, özü də gülür.
• Özü eşşək, tükü məxmər.
• Özü etdi özünə, külü tökdü gözünə.
• Özü ədalətli olanın qazıya ehtiyacı olmaz.
• Özü əkir, özü də biçir.
• Özü getdi, sözü qaldı.
• Özü kəsir, özü də tikir.
• Özü qazanmayan mal qədri bilməz.
• Özü qoca olsa da, könlü cavandır.
• Özü ölçür, özü biçir.
• Özü öz ağasıdır.
• Özü özünə eyləyənə çarə yoxdur.
• Özü özünə elədiyini, el yığıla eyləyə bilməz.
• Özü özünə qəbir qazır.
• Özü üçün əriştə kəsə bilmir, özgəyə umac ovur.
• Özü üçün yatır, özgələr üçün yuxu görür.
• Özü üçün yeyir, özgəsinə minnət qoyur.
• Özü yazır, özü oxuyur.
• Özü yeməz, özgəyə də verməz.
• Özü yəhər qaşında, gözü ocaq başında.
• Özü yıxılan ağlamaz.
• Özü yıxılan özü də qalxar.
• Özüm qoturam, keçim ki qotur deyil.
• Özüm qürbətdəyəm, gözüm vətəndə.
• Özüm öz ağamam.
• Özüm özümə elədim, külü gözümə elədim.
• Özümə yer eylərəm, gör bir sənə nə eylərəm.
• Özümüz bir şey deyilik, adımız təbildə döyülür.
• Özümüz evdə, sözümüz çöllərdə.
• Özün burda qalansan?
• "Özün bil"lə qal olmaz.
• Özün bişirdin özün də dad.
• Özün etdin özünə, külü səpdin gözünə.
• Özün fil olsan da, qarışqanı yaddan çıxartma.
• Özün üçün yatıb, özgələr üçün yuxu görmə.
• Özündə olmayanda qonşuya gedərsən, qonşuda olmayanda hara gedərsən?
• Özündən böyüyə qabarma, bəlkə atandır.
• Özündən dövlətli ilə ayaq çəkmə.
• Özündən güclü ilə vuruşma.
• Özündən qolu güclüyə rast gəlməmisən.
• Özündən yuxarı baxanda, özündən aşağı da bax.
• Özünə baxma, sözünə bax.
• Özünə bir iynə, yoldaşına çuvalduz.
• Özünə düşmən öz dostunu itirəndir.
• Özünə hörmət qoymayan, özgəyə də hörmət qoymaz.
• Özünə qıymadığını, özgəyə də qıyma.
• Özünə umac ova bilmir, özgəyə əriştə kəsir.
• Özünə yeyər, özgəyə minnət qoyar.
• Özünü alim istəyən, cahildən uzaq olar.
• Özünü atan da birdir, özünü dartan da.
• Özünü atan dizinə döyər.
• Özünü başqasına nərdivan eləmə.
• Özünü böyük göstərmək kiçikliyin ən kiçiyidir.
• Özünü gözə soxur.
• Özünü günə verir.
• Özünü qələmə verən axmaqdır.
• Özünü öyən dizini döyər.
• Özünü tanımayan Allahını da tanımaz.
• Özünü tülkülüyə qoyub.
• Özünün yavan çörəyi özgənin plovundan yaxşıdır.
• Özünü yorulmuş bilsən, yoldaşını ölmüş bil.