Xaqani Şirvani

Vikisitat saytından
(Əfzələddin Xaqani səhifəsindən yönləndirilmişdir)



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Ağlın varsa, gücə, qızıla, nüfuza tabe olma! Qoy sənə rəhbərlik edən ancaq təmiz vicdanın olsun.

B[redaktə]

  • Bəzən dil sıyrılmış qılınca bənzər,
    Sərvaxt ol, başını bədəndən üzər.

C[redaktə]

  • Cahildir özünü tərif edənlər, "Çox bilirəm" demə, bilsən də əgər.
  • Cavanlara qocalıq yaraşmadığı kimi, qocalara da cavanlıq yaramaz.

D[redaktə]

  • Dostluqda və düşmənçilikdə ifratlığa varma.

E[redaktə]

  • Eşqdir könüldən hər dərdi silən,
    Eşqdir dünyada hər dərdi bilən.
    Eşqdir eyləyən varlığı yoxluq,
    Hər şey dərk edilirancaq eşq ilə.

Ə[redaktə]

  • Ədalət də eşq və şərab kimi ürəklərin pasını silər.
  • Əgər istəyirsən qəmini çəksinlər, başqalarının qəmini çək.

G[redaktə]

  • Gözəllik bir qızıldır, ömrün əlindən,
    Düşərək torpağa yox oldu birdən.
    Tapmaq həvəsilə həmin qızılı,
    Torpağı yuyuram göz yaşımla mən.

H[redaktə]

  • Heç vaxt ümidsizliyə qapılmayan adam üçün dünyada qeyri-mümkün iş yoxdur.
  • Hər bədbəxtliyə döz, ancaq kədər qarşısında baş əymə.
  • Həyat diləyirsənsə, hərəkət et. Sükut - ölümdür.

X[redaktə]

  • Xəsis yemək zamanı toyuğu hinə salar, pişiyi evdən qovar.
  • Xudpəsənd olmasan, xalq səni sevər,
    Təvazökar olan daim yüksələr. [1]

İ[redaktə]

  • İçkinin başlanğıcı günah, ortası sərxoşluq, sonu fəlakətdir.
  • İnsaflı cəza yersiz təltifdən yaxşıdır.
  • İstəsən güzgütək saf olsun ürək,
    Sinəndən on şeyi atasan gərək:
    Haram, qeybət, kin, paxıllıq, tamah,
    Kibr, riya, həsəd, ədavət, kələk.[2]

K[redaktə]

  • Keçmişdir o günlər çörək üzündən,
    İkidilli olum bilə-bilə mən.
    İndi qılınc kimi kəskin dilim var,
    Qılınc sıyrılanda kəsərli olar.
    Daha məddahlıqla olmaram
    Göstərməz doğrunu əyri bu aynam.

M[redaktə]

  • Mənəm, mənəm deyib öymə özünü,
    Həmişə müxtəsər eylə sözünü. Cahildir özünü tərif edənlər,
    Çox bilirəm, - demə, - bilsən də əgər.
  • Məntiqsiz, dəlilsiz yalan danışmaq,
    Nadan adamların işidir ancaq.

N[redaktə]

  • Nə pis adamlardan yaxşılıq gözlə, nə də yaxşı adamlardan pislik
  • Nəcibdən ayrılıb nanəcibə qoşulma.

O[redaktə]

  • O insan ki, dözər dərdə, baş əyməz mərdə, namərdə,
    Onu diz çökdürə bilməz tutan dörd əllə dünyanı.

Ö[redaktə]

  • Özgənin əlilə adam olanlar,
    Dost qədri bilməzlər, nankor olarlar.[3]

S[redaktə]

  • Sədəf ol ki, üzün sadə ola, qəlbin gövhər kanı.
  • Sən məzlumların qayğısını çəkməsən, sənə də kimsə qayğı bəsləməz.

T[redaktə]

  • Tamah zəncirini ancaq sağlam ağıl qıra bilər.
  • Tamahını azalt hörmətin artsın.
  • Təmkinli insanlara səbir çox yaraşır.

U[redaktə]

  • Uşağa xoş gələr qırmızı, sarı,
    Kişi cummaz lələ, qızıla sarı.

Xarici keçidlər[redaktə]

Vikianbarda Xaqani Şirvani ilə əlaqəli mediafayllar var.

İstinadlar[redaktə]

  1. Ağıla və qəlbə işıq saçan sözlər. Bakı, 2014. səh.212
  2. "Hikmət xəzinəsindən incilər" Bakı, 2009.
  3. Aforizmlər və hikmətli sözlər. Bakı, 2005. səh.82