Cübran Xəlil Cübran

Vikisitat saytından
Keçid et: naviqasiya, axtar

Cübran Xəlil Cübran - Livan yazıçısı və rəssamı.

A[redaktə]

  • Ağaclar torpağın göyə yazdığı şeirlərdir. Bizlər onları baltalayıb öz boşluğumuzu qeyd etmək üçün kağıza çeviririk.
  • Anlaşılmazlıq bəlkə də iki zehin arasındakı ən qısa yoldur.
  • Arxanı Günəşə çevirsən, kölgəndən başqa heç nə görə bilməzsən.

B[redaktə]

  • Bəlkə də balıqqulağına görə dəniz inci deməkdir.
  • Bəlkə də kömür parçasına görə zaman demək, almaz deməkdir.
  • Bir-birinizi sevin, amma məhəbbəti buxova çevirməyin. Qoy o, könüllərinizin sahilləri arasında axan dəniz olsun.
  • Bir dəfə kiçik bir çaya dənizdən bəhs etdim. Çay mənim şişirtməyi sevən xəyalpərəst olduğumu düşündü. Və bir dəfə də dənizə kiçik çaydan danışdım. Dəniz mənim hər şeyi kiçik görən yalançı olduğumu düşündü.
  • Bir növ qovuşmaqdır xatırlamaq; unutmaq - azadlıqdır.
  • Bir zamanlar çox sevdiyi və çox sevildiyi üçün çarmıxa çəkilmiş bir adam vardı. Bəlkə çox qəribə gələcək sizə amma dünən onu üç dəfə gördüm. Birincidə bir fahişəni həbs etməsinlər deyə polislə danışırdı, ikinci dəfə görəndə səfilin biri ilə şərab içirdi. Və üçüncüdə onu kilsədə gördüm, bir kilsə xidmətçisi ilə yumruqlaşırdı.
  • Böyük insanın iki ürəyi var: birindən qan axır, o biri dəyanətlə dözür.
  • Bu dünyada ən dəyərli qabiliyyət bəlkə başqa bir dünyada işə yaramaz.

D[redaktə]

  • Dostum, Günəşə bax, torpağa bax, suya bax, buluda bax; fəqət, arxana baxma. Kimin gəldiyi əhəmiyyətli deyil, kimin gəlmədiyi də.

Ə[redaktə]

  • Əgər ağırlıq və uzunluq ölçüləri mövzusunda qavrayışımız fərqli olsaydı, Günəşin önündə ehtiramla durduğumuz kimi atəşböcəyinin də önündə də eyni ehtiramla dayanardıq.
  • Əgər qış, “Bahar mənim qəlbimdədir” desəydi, kim inanardı qışa?
  • Ən zəngin adamla ən kasıb adam arasındakı fərq bir günlük aclıqla bir saatlıq susuzluqdan başqa bir şey deyildir.
  • Əsl böyük insan odur ki, nə idarə edər, nə də idarə olunar.

G[redaktə]

  • Gözəllik aynada özünü seyr edən sonsuzluqdur.

H[redaktə]

  • Həqiqət parçalanmaz.
  • Həqiqəti eşidən bu həqiqəti söyləyən qədər dəyərli insandır.
  • Həqiqəti həmişə bilmək və yalnız hərdən söyləmək lazımdır.
  • Hər qışın ürəyində titrəyən bir bahar vardır. Hər gecənin örtüyünün arxasında təbəssümlə gözləyən bir şəfəq vardır.
  • Həyatın qəlbinə çatanda sən gözəlliyi hər şeydə görəcəksən, hətta gözəlliyə kor olan gözlərdə belə.

İ[redaktə]

  • İki qadın danışanda heç bir şey danışmazlar; bir qadın danışanda bütün bir həyatı açıqlayar.
  • İlham, daim mırıldanar, əsla açıqlanmaz.
  • İnsan öz xəyalı və çatmaq istədiyi aləm arasında olan böyük məsafəni yalnız öz iradə və biliyinin köməyi ilə keçə bilər.

K[redaktə]

  • Kimyaçı qəlbindən şəfqət, hörmət, həsrət, səbr, peşmanlıq və əfv etmək kimi elementləri çıxarıb onları birləşdirərək sevgi adlı bir atoma çevirə bilər.
  • Kök, şöhrəti heç sayan bir çiçəkdir.

Q[redaktə]

  • Qarışqanın işgüzarlığını çəyirtkənin nəğməsindən üstün tutan baxış bucağı necə də dardır.
  • Qəlbimin möhürü necə açıla bilər, qırılmadan?
  • Qonaq-qara olmasaydı, hər bir ev qəbirstanlığa dönərdi.

M[redaktə]

  • Mələklər və şeytanlar məni də ziyarət edirlər, amma mən onları başımdan edirəm. Əgər gələn mələkdirsə ona köhnə bir dua oxuyuram, bezib gedir. Yox, əgər gələn şeytandırsa ona köhnə bir günahı təkrarlayıram, məndən tez uzaqlaşır.
  • Mənə qulaq verin ki, sizə səs verə bilim.
  • Mənim içimdəki həyatın səsi, sənin içindəki həyatın qulağında eşidilməz; amma yenə də biz özümüzü yalnız hiss etməmək üçün danışaq.

N[redaktə]

  • Necə də nəcib bir davranış olardı qəlbi sevinclə dolu birinin oxuduğu şərqini kədərli birinin müşayiət etməsi.
  • Necə qəribədir ki, bir cəmiyyət olaraq, ağlı yavaş olana deyil, ayağı yavaş olana; ürəyi kor olana deyil, gözü kor olana yazığımız gəlir.

O[redaktə]

  • Optimist insan gülün tikanlarını deyil, gülü görür; pessimist isə, gülü unutmuş kimi, gözlərini tikanlara zilləyir.

S[redaktə]

  • Sadəcə böyük kədər və ya böyük sevinc sənin həqiqətini ortaya çıxara bilər. Bunun üçün ya Günəşin altında çılpaq rəqs edəcəksən, ya da öz çarmıxını daşıyacaqsan.
  • Sahibsinizsə ona sahib çıxmağınıza gərək yoxdur.
  • Sən eşitdiklərinə inanırsan; söylənməyənə inan! Çünki insanın səssizliyi, sözlərdən daha yaxındır həqiqətə.
  • Sənət-təbiətdən sonsuzluğa atılan addımdır.
  • Sfinks mənimlə sadəcə bir dəfə danışdı və dedi: “Bir qum dənəsi çöldür və çöl bir qum dənəsidir və indi təkrar hamımız birdən səssizliyə qərq olaq”. Sfinksi eşitdim, amma nə demək istədiyini anlaya bilmədim.
  • Sirrini küləyə açırsansa, küləyi, sənin sirrini açdığına görə günahlandırmamalısan.

Ş[redaktə]

  • Şeir qanı axan yaranın və ya gülümsəməyən dodaqların nəğməsidir.
  • Şöhrət gün işığında dayanmış ehtirasın kölgəsidir.

V[redaktə]

  • Var-dövlət insan münasibətlərinin mənbəyidir, əmək və səyin nəticəsində əldə edir.

Y[redaktə]

  • Yalnız sirr saxlayan ürəklər ürəklərimizin sirrini dərk etməyə qadirdir.