Məzmuna keç

Aşanti atalar sözləri



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Adamı xəcalət qədər heç nə yaralamır.
  • Axmaq oynamağı öyrənincə, oyunçular dağılışar.
  • Axmağa atalar sözü deyiləndə onun mənasını ona izah etmək lazımdır.
  • Ağaca dırmaşmaq istəyən hər kəs yuxarıdan deyil, aşağıdan başlayır.
  • Ağaca çox qonan quşa daş atarlar.
  • Ağılsıza məsəl deyəndə gərək mənasını da başa salasan.
  • Artıq atəşə məruz qalmış ağacı yandırmaq çətin deyil.
  • Arvadı beş olanın dili də beş olar.
  • Atanın yolu ilə gedəndə onun kimi yeriməyi öyrənirsən.
  • Ay yavaş hərəkət edir, lakin şəhəri keçir.

B[redaktə]

  • Bəla gələndə xəbər eləmir.
  • Bəbir çox acanda ot da çeynər.
  • Bəzən bütöv bir fili yeyirsən, boğazında heç nə qalmır: balaca bir balığı yeyirsən, sümüyü qalır boğazında.
  • Bir kişi sənə tərəf gələndə “Bura gəl” deməyə ehtiyac yoxdur.
  • Bir insan üçün bədbəxtlik başqa bir insan üçün şansdır.
  • Bir millətin məhvi onun xalqının evindən başlayır.
  • Bir yalan min doğrunu korlayar.

Ə[redaktə]

  • Əgər gizlənirsənsə, odun yandırma.

G[redaktə]

  • Göz çıxara bilən ağacı itiləməzlər, sındırarlar.

H[redaktə]

  • Heç kəs çayın dərinliyini birdən-birə iki ayağı ilə ölçmür.

X[redaktə]

  • Xanım Qoca-Meymunla evlənən cənab Qoca-Meymundur.

İ[redaktə]

  • İki kiçik antilop böyük birini məğlub edə bilər.
  • İnsan həm ziyafət edə, həm də zəngin ola bilməz.
  • İnsanı boğan sakit və səssiz sudur.

K[redaktə]

  • Kasıbla zəngin bir yerdə oynamaz.
  • Kişi varlı olanda köhnə paltar geyə bilər.

Q[redaktə]

  • Qadın yayda yorğan kimidir, götürsən çox isti olar, atsan üşüyərsən.
  • Qoca güclü və ürəkli olsa da, əbədi yaşamayacaq.
  • Qul özünə yiyə seçmir.

M[redaktə]

  • Məsləhət eşitməyən pis uşaqdır.

N[redaktə]

  • Nifrətin müalicəsi üçün heç bir dərman yoxdur.

O[redaktə]

  • Od və barıt bir yerdə yatmaz.
  • Ordu hünər qabağında geri çəkilir, təhqir qabağında yox.
  • Otuz ildə əyri bitən ağac bir ildə düzəlməz.

Ö[redaktə]

  • Öz ürəyinin də borcunu verməsən, üzünə durar.
  • Özünə arvad axtaran adam arvadlar haqqında ehtiyatsız söz deməz.

P[redaktə]

  • Padşahın yaxşı məsləhətçiləri varsa, onun hökmranlığı sakit olur.
  • Pul da qul kimidir, gözün üstündə olmasa, çıxıb gedər.
  • Pul qılıncdan itidir.
  • Pul üçün işləmək heç də ayıb deyil.

S[redaktə]

  • Siçan lap inək boyda da olsaydı, yenə də pişiyin qulu olacaqdı.
  • Sizə sığınacaq verən meşəyə cəngəllik deməyin.

T[redaktə]

  • Timsah suda da yatsa, hava ilə nəfəs alır.

U[redaktə]

  • Uşaq pis oynayırsa, de ki, "pis oynayırsan", demə ki: "oyna əzizim, kefin necə istəyir".

Y[redaktə]

  • Yağış bəbirin dərisini döyər, amma ləkələri yumaz.
  • Yağış yağmazdan qabaq külək qalxar.
  • Yalnız çayı keçəndə deyə bilərsiniz ki, timsahın burnunda yumru var.
  • Yanğın söndürmək üçün suyun təmizini gəzməzlər.

Z[redaktə]

  • Zəngin olanda nifrət edərsən; kasıb olanda xor baxırsan.

Mənbə[redaktə]

  • Dünya xalqlarının atalar sözləri, Bakı, 2015.