Jan de Labrüyer

Jan de Labrüyer - Fransız yazıçısı və filosofu

A

• Ancaq o adamlar həqiqi dost ola bilərlər ki, kiçik çatışmazlıqları bağışlaya bilsinlər.

B

• Bir adamı unutmağa çalışmaq daima onu xatırlamaq deməkdir.
• Biri ölüb biri ölməsəydi, ölmək çox acı olardı.

C

• Cəzalandırılmış cinayətkar bütün canilər üçün ibrət dərsidir, günahsız məhkum edilmiş şəxs isə bütün namuslu adamlar üçün vicdan tənəsidir.
• Comərdlik çox verməkdən savayı, yerində və zamanında verməkdir.

D

• Dostlar bir-birinin nöqsanlarına göz yummasalar, dostluqları uzun sürməz.
• Dostluğun birinci şərti etibardır.

E

• Elm həyatı öyrənməyə kömək edir, amma yaxşı yaşaya bilmək ayrı hikmətdir.

Ə

• Əgər qadın tənbəldirsə, onun bu mərəzini yalnız sevgi sağalda bilər.

H

• Həyat duyğularla yaşayanlar üçün faciə, düşünənlər üçün isə məzhəkədir.
• Həyat əvvəldən axıradək öyrənməkdir.

İ

• İnsan öz-özündən həya edə bilsəydi, təkcə gizli qalmış yox, hətta hər kəsin içində açıq şəkildə törədilmiş nə qədər cinayət törədilməmiş olardı.
• İnsan yaranışdan gözəldir, sevəndə isə daha da gözəlləşir.
• İnsanın həyatında cəmi üç böyük hadisə var: doğulmaq, yaşamaq və ölmək. O necə doğulduğunu hiss etmir, insan kimi yaşamağı yadından çıxarır və əzablar içində ölür.

K

• Kişi özgəsinin sirrini öz sirrindən yaxşı saxlayır, qadın isə yalnız öz sirrini saxlaya bilir.
• Kişilər əmindilər ki, qadınlar zəif cinsdilər, ancaq nədənsə, özləri həmişə qadınlar qarşısında zəif vəziyyətdə qalmış olurlar.

Q

• Qadın ürəyi elə bir uçurumdur ki, onun dərinliyini ölçmək qeyri-mümkündür.
• Qadınlar kişilərin əksəriyyətindən güclü sevirlər, amma kişilər dostluqda daha möhkəmdirlər.

Ö

• Ölüm bir dəfə gəlir, amma biz onu ömrü boyu gözləyirik: ölüm qorxusu ölümün özündən də əzablıdır.
• Özünə qarşı səhlənkarlıq və güzəşt , başqalarına qarşı amansızlıq və günahın ayrı-ayrı tərəfləridi.

P

• Pis adamlar səninlə xeyir işlərdə deyil, şər işlərdə ünsiyyətə girirlər.
• Pis adamlarla oturub-durmayın, onlar sizi peşman etməsələr də, xoşbəxt də edə bilməzlər.

S

• Sevdiyin adamın həsrətini çəkmək nifrət etdiyin adamla yaşamaqdan qat-qat asandır.
• Səmimiyyətlə deyilən söz ürəklərə tez yol tapar.
• Səni əyyaşlığa və hoqqabazlığa sövq edən və çalışmaq əzmi səninkindən az olan adamla ünsiyyət saxlama.

V

• Vaxtdan istifadə edə bilməyən adam həmişə onun yel kimi uçmasından gileylənir.

Y

• Yaxşı iş gördüyün zaman mükafat gözləmə, Etdiyin yaxşılıq sənin üçün elə ən böyük mükafatdır.
• Yüksək əxlaq yüksək nəcabət göstərir.
• Yüksək yerlər yüksək insanları daha da yüksək, alçaq insanları isə daha da alçaq edir.

Z

• Zəka düşüncənin mikroskopudur.

Mənbə

• Ağıla və qəlbə işıq saçan sözlər. Bakı,2014