Koreya atalar sözləri

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Aclıq çəkərsən - dünyanı öyrənərsən.
• Ağzın əyri də olsa, düz danış.
• Arvadı qırmızı tuman geyməmiş ələ al. (Qırmızı tuman Koreya qadınlarının toy paltarıdır).
• Arvadla küsüşmək bıçaqla su kəsmək kimidir.
• Atılan oxu qaytarmaq olar, deyilən sözü yox.
• Ayağını yorğanına görə uzat.

B

• Bal şirindir, amma arılar sancır.
• Balta kütləşər - itilərsən, insan ölər - qaytara bilməzsən.
• Barmaqlar dünyaya birlikdə gəlirlər, ancaq biri böyük, o biri balaca.
• Başlamaq işin yarısıdır.
• Bəd xəbəri eşitmək naxoşluqdur, eşitməmək - dərman.
• Bəzən siçan yuvasına da gün düşür.
• Bir balaca balıq bütün suyu bulandırır.
• Bir dəfə görmək on dəfə eşitməkdən yaxşıdır.
• Bir gün yubatsan, on gün uzanacaq.
• Bir qucaq samanla atəşə girməyin.
• Bişmiş toyuq qaqqıldamaz.
• Bıçaq öz sapını kəsməz.
• Bolluq ilində dilənçi lap çox yazıq olar.
• Borcu verəndə oturmuş olursan, alanda - durmuş.
• Boş araba bərk səs salar.
• Böhtan vaxtından tez ölər.
• Budaqlı ağacın küləksiz günü olmaz.

C

• Canavar canavara yaxın durar, cüyür cüyürə.
• Cüyür it yuxusu görməz.

Ç

• Çılpaq dilənçi sədəqə almaz.
• Çörək atarsan, çörək atarlar, daş atarsan - daş.

D

• Dağ yüksəkdir, amma yenə də Günəşin altındadır.
• Dağılan suyu yığmaq olmaz.
• Dəmirçixanada mətbəx böcəyiı tapmazsan.
• Dəniz suyunun şor olduğunu bilmək üçün vacib deyil ki, bütün dənizi içəsən.
• Dənizi səpələmək olar, amma insan tamahını söndürmək olmaz.
• Dərin suda balıq olar.
• Dostla istəyir lap Karrama get. (Karram - Cənubi Çin).
• Dul qadının kədərini yalnız dul qadın başa düşər.
• Duz yalamış inək quyuya baxan kimi baxır.
• Dülgər çox olan yerdə divar əyri olar.
• Düşmənlə həmişə tir körpü üstündə rastlaşarsan.
• Düyünü səpərsən - yığarsan, sözü deyətsən - geri qaytara bilməzsən.

E

• Eviniz yandısa, mismarları toplayın.
• Evlənmirsənsə, uşaq bezi hazırlama.

Ə

• Əgər bacarmazsa, əcdadlarını günahlandırır.
• Əgər balığı bir qab suya buraxsanız, ona azadlıq verdiyinizi düşünməyin.
• Əl çalmaq üçün iki əl lazımdır.

G

• Gün vuran öküz, ay görəndə titrəyər.

F

• Fələyi barmaqla hədələyir.

H

• Hər quşa öz yuvası əzizdir.
• Hətta göylər də uçulsa, çıxmağa yer tapılacaq.
• Hündür dağların kölgəsi də böyük olar.

X

• Xərçəng həmişə krabın tərəfində olar.

İ

• İnsan bambuq kimi düz olmalıdır, - o, sınar, lakin əyilməz.
• İnsan öləndə öz adını, pələng öləndə dərisini geridə qoyur.
• İşi yaxşı olanda yad olur, pis olanda - qohum.
• İynə oğurlayan, öküz də oğurlar.

K

• Kiminin iynəsi var, kiminin baltası var.
• Kor adam arxı günahlandırır.
• Kor öz toyuğunu oğurladı yedi.
• Kor yıxılar - əsa günahkar olar.
• Köhnə olmasa, təzə də olmaz.
• Köksüz ağacın meyvəsi olmaz.
• Külək yelkənləri qaldırır.

Q

• Qabağa gedənin qisməti var, yatanın yox.
• Qadın nifrət edəndə həyatı ölümdən ayıra bilmir.
• Qanun uzaqdadır, yumruq yaxında.
• Qanunlar oğrular olduğu üçün yazılır.
• Qaraquş milçək ovlamaz.
• Qaranquşu qocalıqda qırqovul da haqlayır.
• Qardaşa verməyə heç nə yoxdur, oğru götürməyə bir şey var.
• Qarğa əti yeyib. (Huşsuz adam haqqında. Etiqada görə kim qarğa əti yesə huşsuzluq bəlasına tutular).
• Qarğa qaradır, amma əti ağdır.
• Qarğa on iki hava qarıldayar: hamısı da bir cür - zəhlə tökən.
• Qəzəblə daş təpikləyirsən və öz ayağını zədələyirsən.
• Qızı gözəl olsaydı, kürəkən seçərdik.
• Qızı ölmüş kişi odsuz manqal kimidir.
• Qoca at daha çox lobya istəyir.
• Qonağı ötürdü, yeməyə oturdu.
• Qonşu həmişə bərk xoruldar.
• Quruşu da sıxsan, əlinin içi tərləyəcək.
• Quş hara qonursa, orada lələyindən qalar.
• Quyudakı qurbağanın dənizdən heç xəbəri də yoxdur.

L

• Lampanın öz dibi qaranlıq olar.
• Lalın ürəyi anasına da qaranlıqdır.

M

• Meymunlar da bəzən ağaclardan düşürlər.
• Məhəbbət bir gecədə Böyük Çin Səddini tikmək üçün kifayətdir.
• Mənbə təmiz olduqda, aşağı axarlarda su şəffaf olur.
• Milçək atın quyruğunda min verst də gedər.
• Müdir nə desə düzdür.

O

• Oğru da suya gedərkən qapısını bağlayır.
• Oğrunu özün buraxsan, it də qapmaz.
• Oğrunun ayı görməyə gözü olmaz.

Ö

• Öküz kimi işlə, siçan kimi ye.
• Öküzə de - heç kim bilməyəcək, arvadına pıçılda - hamı biləcək.
• Özgənin oduyla krab tutur.

P

• Pələng dişi ilə parçalayar, ona buynuz nə lazım?
• Pələng olmayan dərədə dovşan da şahdır.
• Pul yığma, uşağına savad öyrət.
• Pula kim tüpürər.
• Pulu olsa, it də olar "hav-hav ağa"

S

• Sevilməyən uşaq həmişə çox yeyər.
• Sərt tutsan qırılacaq, boş tutsan uçacaq.
• Sıldırımın başında ağac olmaz, lovğanın başında ağıl.
• Soya soyadan, qırmızı lobya qırmızı lobyadan yetişir.
• Sözün ayağı yoxdur, amma min liyə bərabər yol gedir. (Lİ - 0,5 km-ə yaxın uzunluq ölçüsü).
• Su üzdən şəffaf olsa, dibdən də şəffaf olacaq.
• Suda boğulan xilas ediləndə tələb edir ki, batan şeylərini də çıxarsınlar.
• Suyun dərinliyini bilərsən, qadın ürəyini yox.
• Sünbülün dəni çox olduqca, aşağı əyilər.
• Sürünənlərin üstündə uçuşanlar var.

Ş

• Şəhər xəbərini bilmək istəyirsənsə, əyalətə get.
• Şirin soyası olanı başa çək, şirin dilə tutanın yanına getmə. (Soya - paxla fəsiləsindən bir illik bitki).

T

• Tortu öz xalan satsa da, ondan ancaq ucuz olsa alırsan.

U

• Uçmağı bacaran, sürünməyi bacarmaz.
• Utancaqlıq insanı məhv edir.
• Uşağı yandırıb, göbəkbağısını əzizləyir. (Adətə görə, uşaq doğulandan sonra göbəkbağısını yandırılar).

Ü

• Üç gün ac qal, dördüncü gün oğurlayacaqsan.
• Üç il xəstə yat - ən istəkli oğlun da sözünə baxmayacaq.
• Üç yaşlının adəti səksən yaşına qalar.
• Üzə güzgüdə baxırlar, ürəyi də şərabla açıb baxırlar.

V

• Varlanan dilənçi sədəqə verməz.
• Vəhşi qabanın dalınca qaçarsan, evdəki donuz da əlindən qaçar.

Y

• Yaxşı danışarsan - yaxşı da cavab verərlər.
• Yaxşı qidalanan pişik siçan tutmaz.
• Yanban yatar, amma it kimi hürməz. (Yanban - dvoryan)
• Yayda bir gün boş gəzərsən - qışda on gün ac qalarsan.
• Yazda çıxan cücəni, payızda sayarlar.
• Yeməyi xoşlamırsan - at itə, adamı xoşlamırsan - döz.
• Yolu tanısan da bir dəfə soruş.