Bulağın yer üzündə məkanına, zamanına, yeraltı suxurlardan yerüstü görüntüyə qovuşmaq üçün çəkdiyi əzabın ölçüsü nə qədərdisə, sıradan adamın "seçilmişliyə" gedən yolu da bir bu qədər çiləli olur. Hər millətin gizli bilgilərinin gizli də daşıyıcıları var. Ünlü astroloq, həkim, öncəgörmələri ilə dünya şöhrəti qazanmış Nostrodamusa həsr olunan əsərlərdə yəhudi gizli bilgisinin ona verildiyi yazılmaqdadır. Nə mutlu gizli bilgiləri olan millətlərə və bu bilgiləri estafet ağacı kimi gələcəyə ötürə bilən adamlara! Şübhəsiz ki, Rafiq Əliyev millətimizin gizli bilgilərini daşıyan, seçilmişlərindən biridir.
