Rus atalar sözləri

Vikisitat saytından
Keçid et: naviqasiya, axtar



A B C Ç D E Ə F G H X  İ   J  K Q L M N O Ö P R S Ş T U Ü V Y Z

A[redaktə]

  • Axmaq adam özündən başqasını sevməz.
  • Axmaq cavan arvadı ilə fəxr edər, ağıllı doğma anası ilə.
  • Axmaq düzü damcı-damcı udar, yalanı - qaşıq-qaşıq.
  • Axmaq sözlər yoxdur, axmaq fikirlər var.
  • Axmaqla bir şey tapa bilərsən amma bölüşə bilməzsən.
  • Axmağın şirin qiymətindən, ağıllının acı töhməti yaxşıdır.
  • Ailə kifirsiz olmaz.
  • Ailə yekdirsə, xəzinə nə lazım.
  • Ağıl bir dağdır ki, oradan uzaqlar görünür.
  • Ağıl saqqalda deyil, başdadır.
  • Ağıllı ilə itirmək, dəli ilə tapmaqdan yaxşıdır.
  • Ağıllının söhbəti, ağılsızın höcəti.
  • Alçağın həyasını itlər yeyib.
  • Allah üç şər-xəta yaratdı: keşiş, şeytan və keçi.
  • Ana o deyil ki - doğub, ana odur ki - böyüdüb
  • Ancaq xərçənglər dal-dala gedərlər.
  • Arifə - işarə, qanmaza - dürtmə.
  • Arı uçur uzağa bir damcı üçün.
  • Arvad nə qədər ağıllı olsa, ailə o qədər güclü olar.
  • Arvadı qulaqla da, gözlə də seç.
  • At olsun, yüyən taparıq.
  • Ata-ana qızı toya qədər qoruyur, ər - axıra qədər.
  • Atalar sözü ilə həqiqətə məhkəmə yoxdur.
  • Atı qırmancla da yedirtmək olar, ancaq əvvəl yulaf ver.
  • Az bilərsən - daha asan yatarsan..

B[redaktə]

  • Balaca iş böyük işsizlikdən yaxşıdır.
  • Balacaları xortdanla, böyükləri - əziyyətlə qorxudurlar.
  • Balıq balığı yeyib tox olar.
  • Balıq dərin yer gəzər, insan - yaxşı yer
  • Barmağını ver, əlini dişləsin.
  • Baş düşünməsəydi ayaq getməzdi.
  • Başıaşağı olmaq qızların yaraşığıdır.
  • Başını sərin, mədəni yüngül, ayağını isti saxla.
  • Başlaya bildin, qurtara da bil.
  • Bekar olanda gecə gec düşər.
  • Beyin fikirləşəndə dil istirahət edər.
  • Bədənə öz köynəyindən yaxını yoxdur.
  • Bəxtli adamın xoruzu da yumurtlar.
  • Bəla əzab da verir, bəla - öyrədir də.
  • Bəla ki gəlir, ağıl ağıl dalınca gəlir.
  • Bilik xəzinədən irəlidir.
  • Bilik xoş gündə bəzəkdir - yaman gündə təskinlik.
  • Biliyin kökü acıdır, meyvəsi - şirin.
  • Bir ağıllı baş yüz başı saxlar.
  • Bir ananın yeddi uşağa çəkdiyi qayğı, yeddi uşağın bir anaya çəkdiyi qayğıdan çox olur.
  • Bir gün tez əkərsən - bir həftə tez biçərsən.
  • Bir köhnə dost, iki təzə dostdan irəlidir.
  • Bir qaranquşla bahar olmaz.
  • Bir qaşıq qətran bir çəllək balı korlar.
  • Bir yerdə qalsa daş da mamır bitirər.
  • Birinin acından gözü tutular, birinin qızıldan.
  • Bizim də küçədə bayram olar.
  • Bıçaqdan yox, dildən qorx.
  • Bu dərdi çörəklə yemək olar.
  • Buğanın nə yunu var, nə südü.

C[redaktə]

Ç[redaktə]

  • Çay nə qədər dərin olsa, o qədər sakit axar.
  • Çox bilərsən - tez qocalarsan.

D[redaktə]

  • Danışmağı da, susmağı da bacar.
  • Daşda qığılcım gizlənir, insanda - ağıl
  • Dost əlindən su içdim - baldan şirin idi.
  • Dünən aldadana sabah da inanmazlar.

E[redaktə]

Ə[redaktə]

  • Əkdiyini toplayacaqsan.
  • Əyri yolda irəli görünməz.

F[redaktə]

G[redaktə]

  • Gecikən nahaq yerə tələsir.
  • Göz uzağı görür, ağıl ondan da uzağı.
  • Güc də ağla təslim olur.
  • Güc yiyəsi haqlı deyil, düz yiyəsi haqlıdır.
  • Gülməklə qarın doymaz

H[redaktə]

  • Harada şeytan müvəffəqiyyətsizliyə uğrasa oraya qadın göndərərlər.
  • Həqiqət suda batmaz, odda yanmaz.
  • Həqiqəti hamı tərifləyir, amma hamı demir.

X[redaktə]

İ[redaktə]

  • İki dovşan dalınca qaçsan, heç birini də tuta bilməzsən.
  • İnsanı tanımaq üçün onunla bir pud duz yemək lazımdır.
  • Işsiz qalanda soba da soyuq olar.
  • İt cəsarətliyə hürər, qorxağı qapar.
  • İt qadından ağıllıdır: sahibinə hürməz

J[redaktə]

K[redaktə]

  • Keçinin qabağından, atın arxasından, pis adamın hər tərəfindən qorun.
  • Keşiş diridən də dartar, ölüdən də.
  • Kişi dedi: "Baş mənəm". Arvad dedi: "Mən də boyunam, başçığazı hara istəsəm döndərərəm".

Q[redaktə]

  • Qabağa qaç, dala da bax.
  • Qalmaqallı məhəbbət yanğından betərdir.
  • Qardaş məhəbbəti, daş divardan möhkəmdir.
  • Qarğa qarğanın gözünü oymaz.
  • Qarsız qış çörəksiz yaydır.
  • Qələmlə yazılanı, baltayla pozmaq olmaz.
  • Qəm harada, sevinc orada.
  • Qəpiyi qorumayan, özü manata dəyməz.
  • Qəzəbdən qorxma, nəvazişə uyma.
  • Qızıl üzə çıxanda doğru batar.
  • Qızıl bağışlama, nəvaziş bağışla.
  • Qoca qurd xeyrini bilər.
  • Qocalana kimi öyrənmə, ölənə kimi öyrən.
  • Qonaq az qalar, çox görər.
  • Qonağı tanı, sonra salamlaş.
  • Qoyunun biri hara, sürü də ora.
  • Ququ quşunun oxuduğu budur: yuvam yoxdur.
  • Qurd kimi həris, dovşan kimi qorxaqdır.
  • Qurd ovlayar, qurdu da ovlayarlar.
  • Qurd sayılmış qoyunları da yeyir.
  • Qurda nə verirsən ver, gözü yenə meşədə olacaq.
  • Qurddan qorxan - meşəyə getməz.
  • Qurdu ona görə döymürlər ki, bozdur, ona görə döyürlər ki, qoyunu yeyib.
  • Qurdun gödəni yeddi qoyun dərisindən tikilib.
  • Qurdun yanında həmişə qoyun günahkardır.
  • Quş da fikirləşməmiş uçmur.
  • Quşlar nə əkir, nə biçir - tox da dolanır.
  • Quşu uçuşundan tanıyarlar.
  • Qürbət qəbir kimidir.

L[redaktə]

M[redaktə]

  • Məhəbbəti, atəşi və öskürəyi camaatdan gizlətmək olmaz.

N[redaktə]

O[redaktə]

  • Odla, su ilə, yağışla dostluq eləmə, torpaqla dostluq elə.

Ö[redaktə]

  • Özündən yaxşı dost axtar.

P[redaktə]

  • Pas dəmiri, dərd ürəyi yeyər.

R[redaktə]

S[redaktə]

  • Savaşa gedərkən bir, dənizə çıxarkən iki, evlənərkən üç dəfə düşünün.
  • Sağlam və pullu olmaq, xəstə və kasıb olmaqdan daha yaxşıdır.
  • Sözə inanma, işə inan.

Ş[redaktə]

T[redaktə]

  • Tələsərsən - adamları güldürərsən.
  • Tələsmə, amma tez elə.
  • Tənbəllik bütün eyiblərin anasıdır.
  • Tox adam işini fikirləşər, ac - çörəyini.
  • Tox acın halını qanmır, kasıb varlıya inanmır.
  • Torpaq hamını yedirəndir, amma o özü də yemək istəyir.
  • Tülkü bilir toyuğu harada axtarmaq lazımdı.
  • Tülkü qurddan tox yaşayır.

U[redaktə]

Ü[redaktə]

  • Üzülmüş başın saçı üçün ağlamazlar.

V[redaktə]

  • Vaxt qızıldan ibarətdir.
  • Var - dövlət məhv edər, ağıl - xilas.
  • Varlı pənqu döşək üstə də yata bilməz, amma kasıb saman üstə də yuxlayar.
  • Vay o halına o kəsin ki, heç kimə yaxşılıq eləmir.
  • Vəfalı dost yüz nökərdən irəlidir.
  • Vətəni olmayan insan nəğmə oxuya bilməyən bülbül kimidir.
  • Vurağan inəyə allah buynuz verməz.

Y[redaktə]

  • Yalan xəbərlə dünyanın o başına gedərsən, amma qayıda bilməzsən.
  • Yalanı necə istəsən dolandır, doğrunun yolu birdir.
  • Yeddi dəfə ölç, bir dəfə kəs

Z[redaktə]

Mənbə[redaktə]

  • Dünya xalqlarının atalar sözləri. Bakı,2015.