Stendal

Vikisitat saytından
Jump to navigation Jump to search

Stendal (Anri-Mari Beyl- 1783 - 1842) -Fransız yazıçısı, psixoloji romanın banilərindən biri.



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Ağlın çevikliyi gözəlliyi əvəz edə bilər.
  • Ağlın ən gözəl üstünlüklərindən biri də qocalıqda insana hörmət bəxş etməsidir.
  • Axmaq üçün xoşbəxtlik olan qələbə olmasaydı, mənim xoşbəxtliyim tam olardı.
  • Aşiq olana qədər çox miskin idim. Çünki, bəzən özümü böyük hesab etməyi çox istəyirdim.
  • Aşiq olanın dostları olmur.
  • Aşiqlər çox vaxt ən çox inandıqlarına şübhə edirlər.
  • Avaraçılıq sıxıntının anasıdır.

B[redaktə]

  • Baxışlarla hər şey demək olar. Buna baxmayaraq, baxışı inkar etmək də olar. Çünki, o, əvvəlki dəqiqliklə təkrarlana bilməz.
  • Bəli, həyatın yarısı və üstəlik, ən gözəl yarısı - qadını ehtirasla sevməyən insan üçün qadın gizli qalır.
  • Bəşər övladının xoşbəxtliyi üçün hər şeyi qurban verməyi öyrədən gözəl ideyaları insanlara aşılamaq sənəti böyük sənətdir.
  • Bir ehtirasın gücü bunun üçün qurban verilmiş digərinin gücü ilə qiymətləndirilməlidir.
  • Bir insana özündə bütün istedadları birləşdirməyə imkan verilməmişdir.
  • Bir kişi incə bir qadının qəlbində baş verənlər haqqında demək olar ki, ağlabatan bir şey deyə bilməz; cilvəli qadın isə başqa məsələ: hissiyyatlılıq və şöhrətpərəstlik bizə də xasdır.
  • Biz bir qadının sevgisinə əmin olduqda bizi onun gözəllik dərəcəsi maraqlandırır. Əksinə, onun sevgisinə şübhə edəndə onun üzü barədə düşünmürük.
  • Bizim üçün yalnız qısqana biləcəyimiz adamların qısqancı xoşdur.
  • Böyük məhəbbət kiçik qığılcımlardan doğur.

D[redaktə]

  • Danışıq aparmaq qabiliyyəti istedaddır.
  • Dilin əsas üstünlüyü onun səlis olmasındadır.
  • Düşünməkdən iztirab doğar.

E[redaktə]

  • Ehtirasları gözlə, məsələn, yanğın və ya dəfn mərasimi kimi gözlə görmək olmaz. Onların yalnız təzahürləri görünür. Bunları isə öz ürəyində tapa bilərsən.

Ə[redaktə]

  • Əgər dünya daha əxlaqlı olarsa, daha ədalətli olar.
  • Əgər səbir və qəzəbini cilovlamaq qabiliyyətinə malik deyilsənsə, siyasətçi ola bilməzsən.
  • Əmək ballastı olmayan həyat gəmisi bütün küləklərə və fırtınalara təslim olur.
  • Əmək həzzin atasıdır.
  • Əsgər kimi yazıçıya da eyni cəsarət lazımdır: birinci xəstəxana haqqında, ikinci isə tənqid haqqında az düşünməlidir.

G[redaktə]

  • Gənclik - cəsarət dövrüdür.
  • Göz yaşlarıı təbəssümün ən yüksək dərəcəsidir.
  • Gözəllik yalnız xoşbəxtlik vədidir.

H[redaktə]

  • Heç vaxt həqiqi ehtirasla sevməmiş insan həyatının yarısını, həm də gözəl yarısını yaşamamışdır.
  • Hər bir məntiqə uyğun dəlil inciklik yaradır.
  • Hər hansı bir müstəsna hallarda dost üçün ölmək, gündəlik və gizli olaraq özünüzü onun üçün qurban verməkdən daha az mənəvidir.
  • Hər hansı bir partiyada insan nə qədər ağıllı olarsa, partiyasına bir o qədər az aid olur.
  • Hər iki cinsdən olanların qocalıq taleyi gəncliklərini nəyə xərclənmələrindən asılıdır.
  • Həya insan qəlbinin bütün ehtiraslarının ən gözəli olan məhəbbətin anasıdır.
  • Həyatda demək olar ki, bütün bədbəxtliklər başımıza gələnlər barəsində yanlış təsəvvürlərdən irəli gəlir. Deməli, hadisələr haqqında insanların dərin bilikləri və sağlam düşüncələri bizi xoşbəxtliyə yaxınlaşdırır.
  • Həyatı sevdirmək üçün çox kiçik bir ümid kifayətdir. İki-üç gündə ümid yox ola bilər; buna baxmayaraq, sevgi artıq doğulub.
  • Hisslər aləminin ancaq bir qanunu var: gərək sevdiyin adamı xoşbəxt edəsən.

İ[redaktə]

  • İnsan xarakteri nə qədər güclü olarsa, o, sevgidə bir o qədər qeyri- sabitliyə meyilli olar.
  • İnsan yer üzündə zəngin olmaq üçün deyil, xoşbəxt olmaq üçün yaşayır.

K[redaktə]

  • Kişilərin əksəriyyəti bütün şübhələri dağıda biləcək sevginin sübutlarını xahiş edirlər. Bədbəxtlikdən, qadınlar üçün belə sübutlar yoxdur.

Q[redaktə]

  • Qadın gözəlliyi cəhalətdən irəli gəlmir.
  • Qadın üçün tam səmimi olmaq, çılpaq gəzməyə bərabərdir.
  • Qocalığın aqibəti gəncliyin nəyə sərf edilməsindən asılıdır.

M[redaktə]

  • Məhəbbət ehtirasının şövqü cismani ləzzət hissini kölgədə qoyur.
  • Mən kimlərinsə gözündə pis görünməkdən əzab çəkməyimə son qoymamış öz şəxsi xoşbəxtliyim üçün heç nə etməyəcəm.

N[redaktə]

  • Notlar- ideyaları yazmaq məharətidir. Əsas onlara malik olmaqdır.

Ö[redaktə]

  • Özünü təslim edə bilməyən qadın özünü satmağı bacarar.
  • Özünüz olmağa çalışmaq, uğur qazanmağın yeganə yoludur.
  • Özünüzdən başqa hər şeyi dərk edə bilərsiniz.

P[redaktə]

  • Parisdə dəbə uyğun geyinməyə çalışan əyalət qadını özünü yöndəmsiz şəkildə təklif edir və bununla da gülünc vəziyyətə düşür. Parisə gələn əyalət qadınları əvvəlcə elə geyinməlidirlər ki, sanki onların otuz yaşı var.

R[redaktə]

  • Rəsm – bu, rəssamın üz cizgiləri və bədənin vəziyyəti ilə ehtirası təsvir etdiyi, süjetə canıyananlığı və istehzalı münasibətilə tamaşaçını həyəcanlandırdığı incəsənətdir.
  • Rəsm çəkməyi öyrənmək yox, düşünməyi öyrənmək əsas şərtdir.
  • Rəssam nə qədər böyükdürsə, o, bir o qədər müdafiəsinə xidmət edən rütbələri və ordenləri arzulamalıdır.
  • Rəssamın şəxsi fayda güdməsi sənətini öldürür.
  • Roman- böyük yolla getdiyin güzgüdür. O gah göy qübbəsini, ya da çirkli gölməçələri və çala-çuxurları əks etdirir.
  • Romantizm xalqlara adət və inanclarının hazırkı vəziyyətini nəzərə alaraq ən böyük zövq verə biləcək bir ədəbi əsər vermək sənətidir.

S[redaktə]

  • Sevən insan bir predmetdən artıq bir şey görə bilmir. Adi qadın isə, əksər hallarda tanınmaz hala gəlir və müstəsna bir varlığa çevrilir.
  • Sevərkən sevimli mənbədən başqa mənbədən su içmək istəmirsən. Sədaqət bu halda təbii şeydir.
  • Sevgi ehtirasında mükəmməl xoşbəxtlik yaxınlıq etməkdən yox, ona son yanaşmadan ibarətdir.
  • Sevgi gözəl bir çiçəkdir, ancaq onu dəhşətli uçurumun kənarından qoparmaq üçün cəsarət lazımdır.
  • Sevgi, yeganə ehtirasdır ki, dəyəri kəsdiyi sikkə ilə ödənilir.
  • Sevgililər yaxşı geyinmək barədə düşünərək çox ağılsız olurlar. Qadın sevimli kişinin yanında olanda o, kişinin geyimi barədə yox, tamamilə başqa şey barəsində düşünür.
  • Sevgisiz evlilikdə iki aydan az müddətdən sonra mənbənin suyu acı olur.
  • Sevimli qadının sərtliyi sonsuz cazibədarlıqla doludur və biz ən xoşbəxt dəqiqələrimizdə bunu digər qadınlarda tapmırıq.
  • Sevmək, deməli sevdiyini və səni sevəni ən yaxın məsafədən görəndə, bütün hiss orqanlarınla hiss edəndə həzz almaq deməkdir.
  • Səbri olmayan və hirsini boğa bilməyən adamdan siyasətçi olmaz.
  • Sizi böyük edə biləcək şeylərə xor baxmayın.
  • Son dərəcə gözəl qadınlar ikinci görüşdə adamı daha valeh etmir.

T[redaktə]

  • Tənhalıqda xarakterdən başqa hər şey əldə edə bilərsiniz.
  • Təyinatına uyğun bizdə müəyyən hiss oyadan binanın memarlıq siması elə üslubun özü deməkdir.

U[redaktə]

  • Utancaqlıq — geyimlərə sevginin mənbələrindən biridir; məhz bu cür yox, başqa cür geyinən qadın çox və ya az miqdarda özünü təklif edir.Ona görə də geyimlərin qocalıqda yeri yoxdur.
  • Utancaqlıq, insan qəlbinin bütün ehtiraslarının ən gözəli olan sevginin anasıdır.

Y[redaktə]

  • Yadelli işğalçılara qarşı üsyana qalxmaq qanunidir və hər bir xalqın birinci borcudur.
  • Yazı qaydaları dahilər yaratmır.
  • Yeniliyə can atmaq, insan təxəyyülünün birinci tələbatıdır.

Z[redaktə]

  • Zəhmətə qatlaşmalıyıq, çünki, əmək həzzin atasıdıır.
  • Zəif ehtiras ağlı itiləşdirir, güclü ehtiras isə kütləşdirir.
  • Zövq ala bilmədiyin xoşbəxtliyi şişirtməmək çətindir.

Mənbə[redaktə]

  • Ağıla və qəlbə işıq saçan sözlər. Bakı, 2014