Tai atalar sözləri
| A | B | C | Ç | D | E | Ə | F | G | H | X | İ | J | K | Q | L | M | N | O | Ö | P | R | S | Ş | T | U | Ü | V | Y | Z |
A
[redaktə]- Ad batınca, var-dövlət batsın.
- Ağıl olmayanda gözdən də kömək olmaz.
- Ağacı elə kəsmə ki, başına düşsün.
- Arvad yaxşı bişirəndə ər onu ömrünün sonuna qədər sevəcək.
B
[redaktə]- Balığı tutanda başından yapış.
- Bambukun yaxşısını dələ yeyər.
- Bilib deməyin qiyməti iki biadır, bilib susmağınki — bir tamlınq qızıl. (Bia — Asiyanın cənubunda yayılmış pul vahidi; tamlınq — 60 qrama bərabər çəki vahidi)
C
[redaktə]- Cavanlıqda var-dövlət dalınca qaçma.
- Cəhd eləyən — var qazanar, tənbəl elə kasıb qalar.
Ç
[redaktə]- Çətin işi qabağa sal, asanı saxla sonraya.
- Çox bərk qaçarsan — büdrəyərsən, çox bərk əyilərsən — yıxılarsan.
D
[redaktə]- Dəniz dərinliyini ölçmək olar, insan ürəyi dibsizdir.
- Dəyib ötmüş meyvə turşuyar.
- Dörd ayaqlı heyvan da büdrəyir, alim də səhv edir.
- Düşmən yanında sayıq ol.
- Düşməni görəndə xoş üzlü ol.
- Düşmənin gücü sözlə azalmaz.
E
[redaktə]- Evin söhbətini çölə çıxartma, çölün qeybətini evə gətirmə.
- Evlilik, bir qala kimidir. Çöldəkilər oraya girmək üçün, içindəkilər də çölə çıxmaq üçün məşğul olar dayanarlar.
G
[redaktə]- Gizləmək gərəkdirsə, sonadək gizlə.
- Güclüyə hamı kömək eləyir, dara düşəndən hamı üz çevirir.
- Günəş gərək işıldaböcəyə baş qoşmasın.
F
[redaktə]- Fil hirslənəndə şıx yoldan.
- Fil sürəni fil öldürür, timsah öyrədəni — timsah, ovsunçunu — ilan.
- Filə qiymət vermək üçün gərək minib sürəsən.
- Fillər arasındakı döyüşdə qarışqalar əzilir.
H
[redaktə]- Hələ gözlə ki, Menamın suyu qurusun. (Menam (Çaurayya) — Tailandın ən böyük çayıdır).
- Həyəcanlananda həqiqəti görə bilməzsən.
İ
[redaktə]- İlanı qarğanın xatirinə öldürmə.
- İstiotun tumu xırda da olsa acıdır.
- İt səni qapıbsa, sən də əvəzində onu qapma.
K
[redaktə]- Kralın qəzəbinə qəzəblə cavab vermə.
- Küləyi sudan çox istəmə.
Q
[redaktə]- Qaçan fili quyruğundan saxlaya bilməzsən.
- Qızı tanımaq istəyirsənsə, gərək anasını görəsən,; lap yaxından tanımaq istəyirsənsə, gərək nənəsini görəsən.
- Qızılın saflığı məhək daşıyla bilinər.
L
[redaktə]- Lağ eləyəni lağa qoyarlar.
- Lələyi tökülmüş durnanın yeganə köməyi dimdiyidir, bir də caynağı.
M
[redaktə]- Məhəbbət birliyə aparar, yalan ölümə.
- Müəllimi üzə tərifləyərlər, dostu — arxada, işçini işdən sonra.
O
[redaktə]- On dil bir gözə dəyməz, on göz bir yoxlayan ələ dəyməz.
S
[redaktə]- Sənin balını yeyir, arxanca da deyir: "Güclə uddum, Borapet meyvəsi kimidir". (Borapet — çox acı meyvədir, Borapet bataqlığının adından götürülüb, orada çox bitir).
- Soyuq dağı-daşı çulğayar, amma ürəyə girə bilməz.
T
[redaktə]- Tamah bir qapıdan girəndə, xoşbəxtlik o biri qapıdan çıxır.
- Tək-təkinə qabağa can atma.
- Tək ucalan ağac hündürə qalxar.
- Təsirsiz söz yağışsız ildırım kimidir.
U
[redaktə]- Uşağı öpüb, ananın rəğbətini qazanarsan.
Ü
[redaktə]- Üzdə sənə "plab" deyir, arxada — "tako". (Plab — şirin meyvə, tako — acı meyvə).
Y
[redaktə]- Yaxşı atı ancaq kürəyinə əl vurub tanımaq olar.
Z
[redaktə]- Zahidlə danışan gündə min yol ölər.