Uorren Baffett

Uorren Baffett

Uorren Edvard Baffett (ing. Warren Edward Buffett [ˈbʌfɨt]; 30 avqust 1930, Omaha, Nebraska — Amerikalı sahibkar, dünyanın ən böyük və ən tanınmış investorlarından biri. Sərvəti 2018-ci ilin sentyabrında 108,4 milyard dollar 12 fevral 2019-cu ildə isə 84,9 milyard dollar qiymətləndirilərək onu dünyanın dördüncü ən varlı adamı etdi

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Ancaq qabarma-çəkilmə başa çatdıqdan sonra kimin çılpaq üzdüyünü anlaya bilərsiniz.
• Anlamadığım bir çox fərqli şeylər var. Amma bu, gecələr oyaq qalmaq üçün səbəb deyil. Sadəcə, o deməkdir ki, ertəsi gün özümü başqa bir işdə sınayacağam. Bu, hər bir investorun riayət etməli olduğu bir şeydir.
• Aşağı qiymətlərin ümumi səbəbi bədbinlikdir. Biz elə bir mühitdə iş görürük ki, səbəb pessimizmin özündə deyil. Biz yalnız onun yaratdığı qiymətləri bəyənirik. Yaxşı investisiya imkanları o zaman yaranır ki, imkanlı şirkətlər qəfil çətin vəziyyətə düşərək səhmlərinin qiymətlərinin aşağı düşməsinə səbəb olurlar.

B

• Başım çıxmayan işlərə sərmayə qoymaram.
• Bir balığa quruda gəzməyin nə olduğunu öyrədə bilərsinizmi? Quruda bir günlük gəzinti onun haqqında min il danışmaqdan daha gözəldir. Biznes də belədir.
• Bir nəfər bu gün kölgədə oturursa, uzaq keçmişdə başqa birisi ağac əkdiyinə görədir.

C

• Corab da olsa, aksiya da olsa, qiyməti enəndə alaram. Bəlkə də bacardığım yeganə şey budur.

Ç

• Çayın dərinliyini iki ayağınızla birdən ölçməyə çalışmayın.
• Çox istedadlı olsanız da, var gücünüzü sərf etsəniz də bəzi nəticələr əldə etmək üçün vaxt lazımdır.

D

• Daim özündən daha yaxşı mövqedə olan insanlarla birlikdə olmaq yaxşıdır, çalışın sizdən daha yaxşı tərzə malik olan insanlarla vaxt keçirin. Tədricən onlara bənzədiyinizi görəcəksiniz.
• Dünyada bir səhm almaq üçün ən axmaq və mənasız səbəb onun qiymətinin qalxdığını güman etməkdir.
• Dürüstlük çox bahalı bir hədiyyədir, onu ucuz insanlardan gözləməyin.

E

• Etibar qazanmaq 20 il çəkər, itirmək 5 dəqiqə.

Ə

• Əgər ehtiyacınız olmayan şeylər satın alsanız, bir müddət sonra ehtiyacınız olan şeyləri satmağa məcbur olarsınız.
• Əgər 10 il ərzində bir səhmə sahib olmaq fikrində deyilsinizsə, o zaman onu 10 dəqiqəyə almağın mənası yoxdur.
• Əlbəttə, sinfi mübarizə var, amma mübarizəyə rəhbərlik edən mənim sinfim, varlılar sinfidir. Və biz qalib gəlirik.

H

• Heç vaxt bilmədiyiniz bir işə investisiya qoymayın.
• Həqiqi dəyəri hesablamaq üçün heç bir düstur yoxdur. Sadəcə olaraq, pay alacağınız biznesi yaxşı bilməlisiniz.
• Hətta siz çox bacarıqlı olsanız və böyük səy göstərsəniz belə bəzi nəticələr üçün zaman lazımdır. Siz 9 qadını hamilə qoysanız belə heç vaxt bir aya uşaq dünyaya gətirə bilməzsiniz.

X

• Xərclədikdən sonra yerdə qalanı yığmayın, yığacağınızı kənara ayırdıqdan sonra yerdə qalanı xərcləyin.

Q

• Qiymət - ödədiyiniz; dəyər - isə əldə etdiyinizdir.

İ

• İnvestorun vəzifəsi münasib qiymətə, fəaliyyəti başa düşülən və gəliri 5-20 ildən sonra əhəmiyyətli dərəcədə artacaq bir şirkətin payını əldə etməkdir.
• İşə «rəqs edərək» getmirsinizsə o işi tərk edin. Böyük ehtimalla pul qazanmayacaq, sərvət yaratmayacaqsınız.

P

• Pul insanın əsas xarakterik xüsusiyyəti nədirsə onu üzə çıxarır.

R

• Reputasiya yaratmaq üçün 20 il, onu məhv etmək üçün isə 5 dəqiqə vaxt lazımdır. Bu barədə düşünsəniz, hər şeyə fərqli yanaşırsınız.

S

• Sadə olun! Elə danışın ki, 7 yaşındakı da, 77 yaşındakı da anlasın.
• Səhmlərinizin 50 faizə düşməsini panikaya qapılmadan izləyənə qədər birjaya girməməlisiniz.
• Siz çox istedadlısınız və çox səy göstərirsiniz, amma başa düşməlisiniz ki, bəzi nəticələri əldə etmək üçün vaxt lazımdır. Məsələn, siz hətta 9 qadını hamilə qoysanız, 1 aydan sonra ata olmağınız mümkün deyil.
• Sizə necə varlı olmağı deyəcəm. Qapıları bağlayın. Digərləri hirslənəndə bitərəf olun, digərləri bitərəf ikən hirsli.

Ş

• Şirkətin səhmlərinin alınması üçün əsas meyar 10 il ərzində şirkətin rəqabət qabiliyyətidir.

U

• Uşaq oyunlarını sevirəm; vedrədəki balığı ovlamağı sevirəm, ancaq vedrədəki su boşaldıqdan sonra.
• Uğurun 6 qaydasına ciddi riayət edin:

1. Kredit kartlarından uzaq olun.
2. Kapitalı özünüzə qoyun, unutmayın ki, pullar insanı yox, insanlar pulları yaradır.
3. Bacardığınız qədər sadə həyat tərzi sürün.
4. Başqalarının məsləhət verdiklərini etməyin. Sadəcə onları dinləyin və düz bildiyiniz kimi edin, hətta etdikləriniz heç bir məsləhətə uyğun gəlməsə belə.
5. Brendlərin dalınca qaçmayın. Özünüzü rahat hiss etdiyiniz paltarları geyinin.
6. Öz həyatınızı özünüz idarə edin. Bu sizin həyatınızdır, başqalarının yox!

Y

• Yaxşı işləyənlərə malik olan şirkət qurun.