Stanislav Eji Lets

Stanislav Eji Lets
Doğum tarixi	6 mart 1909
Doğum yeri	Lvov
Vəfat tarixi	7 may 1966
Vəfat yeri	Varşava
Dəfn yeri	Povonzki hərbi qəbiristanlığı
Vikipediya məqaləsi

Stanislav Eji Lets (6 mart 1909 – 7 may 1966) — yəhudi mənşəli görkəmli Polşa şairi.

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Abidələri yıxdığınız zaman onların əsaslarını dağıtmayın. Onlar həmişə lazımlı ola bilər.
• Adamlar qanunla hüququ tez-tez qarışıq salırlar.
• Adamyeyən bıçaq və çəngəl ilə yemək yeyirsə, bu, irəliləyişdirmi?
• Adamyeyənlər elmin tamına baxmaq istəyəndə alimlərin dilini qoparırlar.
• Ah, əgər düşmənlərimin ölümündən sonra yenidən dünyaya gələ bilsəydim.
• Axında kimin könüllü üzdüyünü təyin etmək çox çətin işdir.
• Axmaqlıq — insanı düşünmək zərurətindən xilas etmir.
• Amerika yolunu kəsməsəydi, kim bilir Kolumb nə kəşf edəcəkdi!
• Anonim yazı yalnız o halda məqbuldur ki, onu yazanın özü həqiqətən mövcud olmasın.
• Artıq labirintlərə də lövhə vurublar: "Yolu azmaq qadağandır"
• Ateistlər İsa peyğəmbərin anadan olduğu ddövrdən sonrakı zaman haqqında — "bizim era" deyirlər. Qəribədir.
• Azadlığı seçən bumeranqlar geri qayıtmırlar.

B

• "Başını dik tut" — deyə cəllad ilgəyi məhbusun boynuna keçirdi.
• Bataqlıq bəzən dərinlik təsəvvürü yaradır.
• Bayrağı elə yüksəkdə tutmuşdu ki, deyəsən, onu görən gözü yoxdur
• Bəzi adamların heç vaxt ümidləri olmayıb, bəziləri də elə hey onu itirirlər.
• Bir çox hallarda çıxış girişin olduğu yerdədir.
• Biz hökumət barədə nə qədər pis düşünürüksə, o bizim barəmizdə bundan da pis düşünür.
• Boğazdan asılanın evində kəndirdən danışmazlar. Bəs cəlladın evində necə?
• Boş başlarda əks-səda qoparmaq çox çətin işdir.
• Buqələmun hökumət başçısı olanda, yan-yörəsindəkilər rənglərini tez-tez dəyişirlər.
• Bütün allahlar ölümsüz olmuşlar.
• Bütün düşüncələr beyindən keçmir, bəziləri yalnız senzuradan keçir.

C

Cənnətə gedən yolu Allahdan istəmə; o sizə ən çətinini göstərəcək.

• Cəlladı məzəmmət etdilər ki, o bütün siyasi quruluşlarda cəlladlıq edib və sonralar əvvəl sərəncamı ilə edamları yerinə yetirdiyi şəxslərin özlərini edam edib. Cəllad deyir: Siyasi baxışların mənə dəxli yoxdur. Mən qarşımda yalnız insanı görürəm.
• Cənnətdə hər şey olmalıdır. Hətta cəhənnəm də.
• Cənnətə gedən yolu Allahdan istəmə; o sizə ən çətinini göstərəcək.

Ç

• Çörək istənilən ağzı açır.

D

Dünyanın sonu ilə bağlı çox şey gözləməyin.

• Desələr müqəddəs adam yoxdur, hətta ateistlər də inciyər.
• Dəlilər haqqındakı lətifələri dəlilərin öz dilindən eşitmək təşviş doğurur: onlar kifayət qədər ağıllı deyillərmi?
• Dissertasiya mövzusu: "İnsanlığın tarixində insanın rolu"
• Dişlər töküləndən sonra dil ağızda böyük azadlıq qazanır.
• Dövlətin konstitusiyası elə olmalıdır ki, vətəndaşın konstitusiyasını pozmasın.
• Dünyanın ilk bəndəsi say bilmədiyindən özünü tənha da hiss etmirdi.
• Dünyanın sonu ilə bağlı çox şey gözləməyin.
• Dünyaya cəmi-cümlətanı bircə sözüm vardı – o sözü söyləyə bilməməyim ucbatından yazıçı oldum.

E

• Ehtiyatlı olun, hər mifdə bir dəfə də gündəlik çörəyimizə çevrilə biləcək bir həqiqət var.
• Elə adamlar var ki, adam öldürməyə əlləri qalxmır, ona görə məcbur olurlar ki, öldürməzdən qabaq adamı adamlıqdan çıxartsınlar.

Ə

• Əcnəbi dili bilmədən əcnəbilərin susmağını heç vaxt başa düşə bilməzsən.
• Əgər qəlb özünü hər dəfə bədənin hesabına xilas etməyə çalışırsa, onda qəlb ilə bədəni harmoniyasına necə nail ola bilərik ki?
• Əgər o ölübsə, bu hələ sübut etmir ki, həqiqətən yaşayıb.
• Əgər tarixdən bütün yalanları silsəniz, bu o demək deyil ki, yalnız həqiqət qalacaq — nəticədə ümumiyyətlə heç nə qalmaya bilər.
• Ən çətin iş – cəhənnəmi yandıra bilməkdir.
• Ən sərrast atəş – atıb insana dəyməməkdir.
• Ən yüksək mərtəbəyə ucalanlar özlərinə asanlıqla bəraət qazandıra bilərlər ki, daha bundan o yana yol yoxdur.
• Əsatir həqiqətə çevriləndə, bu, kimin qələbəsi olacaq: materialistlərin, yoxa idealistlərin?
• Əsl düşmən heç vaxt səni tərk etməyəcək.
• Əsl əzabkeş o adamdır ki, ona əzabkeş olmağı da çox görüblər.
• Əsl təlxək əsl təlxəyi ələ salırsa, deməli, onlardan hansısa əsl təlxək deyil.

F

• Fakt son dəblə geyinsə belə, yenə həmişə çılpaqdır.

G

• Gələcəyin elmi üçün bu dövrün axmaqlığı onun müdrikliyi qədər dəyərlidir.
• Gənclik təbiətin hədiyyəsidir, yaş isə sənət əsəridir.
• Görəsən, adamlar özgəsinin xatirəsində kimin hesabına yaşayırlar?
• Gücün zəif tərəfləri dəhşətlidir.
• Gülməyə səbəb olmayanda satiriklər doğulur.
• Gülməyin qadağan edildiyi yerdə, adətən, ağlamağa da içazə vermirlər.

H

Hər şey İnsanın əlindədir.

• Hakimiyyət tacı əksər halda bir başdan digər başa deyil, bir əldən digər ələ keçir.
• Heykəlləri uçuranda postamentlərini saxlayın. Lazımınız ola bilər.
• Həqiqi düşmən heç vaxt səni atmır.
• Həqiqətdə hər şey əslində olduğu kimi deyil.
• Hər bir əsrin öz orta əsrləri var.
• Hər hansı dövrün səfehliyi də müdrikliyi kimi növbəti dövr üçün qiymətli dərsdir.
• Hər şey çoxdan yazılıb qurtarıb. Ancaq xoşbəxtlikdən hamısının üzərində düşünülməyib.
• Hər şey İnsanın əlindədir.
• Hər şeyə göz yummaq üçün adamın gərək yüz gözü olsun.
• Hərdən kobudluq eləmək lazımdır ki, nəzakətli adam olduğunu qiymətləndirsinlər.
• Hərdən susmaq da lazımdır ki, sənə qulaq assınlar.
• Hətta bir dəyənək də yol göstərə bilər.
• Həyatın rəngsizliyi təhlükəsiz deyil, bəzən insanlar onu qanla rəngləndirmək arzusunda olurlar.

X

• Xalqımızın çəkdiyi əzablar sırasına icbari məktəb mütaliəsi də daxil edilməlidir.
• Xalqın bir qəlbi, bir ürəyi, bir köksü ola bilər. Bədbəxtlik orasındadır ki, onun bir beyni olsun.

İ

• İblisin gücü onun mələk səbrindədir.
• İblislər iki cür olur: cəzalandırılmış mələklər və özünə karyera qazanmış adamlar.
• İnsan dal ayaqları üzərində yeriməyə başlayandan hələ də öz tarazılığını düzəldə bilməyib.
• İnsan haqqında biliklərin zirvəsi — gizli polis arxividir.
• İnsanın fantaziyası nə qədər güclü olsa, özü öz gözündə bir o qədər acizləşəcək.
• İnsanları sevirəm. Elə ona görə də heç vaxt onları yaratmazdım.
• İştah yemək vaxtı gəlir, amma soyuq olan vaxt getmir.

K

• Kahinlərə bircə dəfə baş əymək, Allaha yüz dəfə baş əyməkdən daha çox fayda verir.
• Karyeranın eşafota aparan pillələri də var.
• Kiminlə yatdığını mənə de, yuxuda kimi gördüyünü sənə deyim
• Külək hardan əsdiyini hardan bilsin?

Q

• Qadın üçün Hitleri doğmaq Bethoven və Dostoyevskini doğmaq qədər əzablı idi.
• Qorxaqlığından öz fikirlərini də özgələrin başında gizlədib saxlayırdı.

M

• Meymunun insana çevrilməsi prosesi nə qədər çox çəksəydi, insan qanı bir o qədər az axardı.
• Mələklərdən qorxuram. Onlar o dərəcədə mərhəmətlidirlər ki, şeytan olmaq üçün hamısını asanlıqla yola gətirmək mümkündür.
• "Mən sabahın şairiyəm", — o dedi. "Bu barədə birisi gün danışarıq", — cavab verdim.
• Mənbəyə çatmaq üçün — axına qarşı üzmək lazımdır!
• Mif bir miflə toqquşduqda çox real toqquşma olur.
• Mif qədim qeybətdən başqa bir şey deyil.
• Mif şüuru müəyyənləşdirir.
• Mifologiyada insanlar tanrı olsaydılar nə edəcəkləri barədə düşüncələrini bir kənara qoyurlar.
• Möhtərəm yazıçılar! Mürəkkəblə yox, qanla yazmaq lazımdır — bir şərtlə ki, özgə qanı olmasın.
• Müsibətə bax ki, adamın qəddi yalnız çarmıxda düzəlir.
• Müsibətə bax ki, Prometeyin allahlardan oğurladığı odda Cordano Bruno da yandırılmışdır!

N

• Nə qədər ki elm bizim nəsə ayrı bir şey olduğumuzu sübut etməyib – bəlkə o vaxta qədər adam olaq?
• Nə qədər ki yel əsmir – yelqovanın da xarakteri var.
• Nəsillərin zəif yaddaşını yalnız əfsanələr mühafizə edir.

O

• Onu yalnız çılpaq gördüyüm üçün haqqında heç nə danışa bilmərəm.
• Onun günahla dolu xeyirxah arzuları var idi.
• Onun üzərinə şübhə kölgəsi düşmüşdü və o bu kölgədə gizlənirdi.
• Optimistlər və pessimistlər yalnız dünyanın sonu tarixinə görə fərqlənirlər.
• Ot tayası sevgililər üçün bir cür, atlar üçün tamam başqa cür qoxuyur.

Ö

• Ölümdən sonra yaşamaq asan məsələ deyil: bəzən bundan ötrü bütün ömrü sərf etmək lazım gəlir.
• Ölümsüzlüyün birinci şərti – ölməkdir.
• Öz zamanını qabaqlamış adamlar onu hər cür rahatlıqdan məhrum sığınacaqlarda gözləməli olmuşdular.
• Özünüz haqqında miflər yaradın. Allahlar yalnız bu cür başlamışlar.
• Özünüz öyrənin — həyatın sizə öyrətməsini gözləməyin.

P

• Palçıq bəzən dərinlik təəssüratı yaradır.

R

• Realist ol – həqiqəti söyləmə!

S

• Sirrin özünü gizlətməyə ehtiyacı yoxdur.
• Sıfırlardan zəncir düzəltmək asan işdir.
• Sözsüz rolda da aktyorun deməyə sözü olmalıdır

Ş

• Şairlər də uşaqlar kimidir: yazı masasının arxasında oturanda ayaqları yerə çatmır.
• Şayiələr köhnələndə rəvayətlərə çevrilir.
• Şeytan – cəhənnəmdə müsbət surətdir.
• Şovinizm o qədər dayazdır ki, hər yerdə sürünür.

T

• Texnika elə bir inkişaf mərhələsinə yetişəcək ki, adam özü olmadan da keçinə biləcək.

U

• Uşaq valideynləri doğurur.

Ü

• Ürəklə baş arasında gedən mübarizədə ən son qazanan mədədir.

V

• Vətəndaşlarının ölüm tarixlərini əvvəlcədən bilən dövlət yüksək planlı iqtisadiyyat apara bilər.

Y

• Yadda saxlamaq lazımdır ki, insanın insan olmaqdan başqa özgə seçimi yoxdur.
• Yaxşı, tutaq ki, başınla vurub divarı deşdin. Bəs qonşu kamerada nə edəcəksən?
• Yalan doğrudan bircə şeylə fərqlənir: doğru olmamasıyla.
• Yalan həqiqət kimi ortaya çıxanda yalana çevrilir.
• Yalnız öllülər dirilə bilərlər. Dirilər üçün bu çətin işdir.
• Yaşamaq zərərli şeydir — yaşayanlar ölürlər.
• Yazıçılara məsləhət: son nöqtəni qoymağa heç vaxt gecikməyin. Bunu yazmağa başlamadan da etmək olar.
• Yer üzündə cənnəti axtaran coğrafiya dərsində yuxuya gedib.
• Yuxusuzluq o dövrlərin xəstəliyidir ki, insanlara bir çox şeyə gözlərini yummaq deyilir.
• Yüksək sürət götürüb bir ömrü bir günə də yaşamaq olar. Amma bəs qalan vaxtda neyləyəcəksən?

Z

• Zamanla ayaqlaşmağa çalış, yoxsa arxadan gələnləri basıb əzərsən.