Azərbaycan atalar sözləri/S

←R

Azərbaycan atalar sözləri Müəllif: [[Portal: Şifahi xalq ədəbiyyatı|Şifahi xalq ədəbiyyatı]]

Ş→

Həmçinin baxın: Haqqında • < Mündəricat

• Sabun ilə üz yuyan bir gün göyçək olar.
• Sadağa qada qaytarar.
• Sadağa verən əllər dərd görməz.
• Saf armud sapdan düşməz.
• Sahibindən qabaq bostana girmə.
• Sahibsiz qoyunu qurd yeyər.
• Saxla gönü, gələr günü.
• Saxla samanı, gələr zamanı.
• Sakitlikdə olan iş qışqırıqla başa gəlməz.
• Saqqal feyz olsaydı, keçi şeyxlik elərdi.
• Saqqalım yoxdu, sözüm ötmür.
• Sağ əl verəni sol əl gərək bilməsin.
• Sağ əlin sol ələ ehtiyacı var.
• Sağ əlin sol ələ xeyri yoxdu.
• Sağ gözü sol gözə möhtac olmasın.
• Sağ gözü tut, sol gözdən ona işıq yoxdu.
• Sağ gözün sol gözə etibarı yoxdur.
• Sağalsa həkiməm, sağalmasa mən kiməm?.
• Sağlam ruh sağlam bədəndə olar.
• Sağlamlıq böyük nemətdir, qədrini bilmək gərək.
• Sağlamlığın qədrini xəstələr bilər.
• Sağlıq ən böyük varlıqdır.
• Sağlığında kor Fatma, öləndə badam gözlü?!
• Sağlığında nə idi ki, sayrılığında nola?!.
• Sağmal inək bizdə, satdıq yağ sizdə.
• Sağsağan kəkliyə baxar, öz yerişini itirər.
• Salam Allahın adıdır.
• Salavat gücə bağlıdır.
• Sallaqxana köpəyi arsız olar.
• Saman sənin deyil, samanlıq ki sənindir.
• Samanın tüstüsü göz çıxardar.
• Sambalı xoş, içərisi boş.
• Sap üzülən yerdən qırılar.
• sarala-sarala yaşamaqdan, qızara-qızara ölmək yaxşıdır
• Sarı it çaqqalın dayısıdır.
• Sarı yağdan tük çəkir.
• Sarı yağla yağlayar, sarımsağla dağlayar.
• Sarımsağı gəlin eləmişlər, qırx gün qoxusu çıxmamış.
• Sarsaqlar olmasaydı, yaltaqlar acından ölərdi.
• Satdığın kimi al.
• Savab tökülüb, yığanı yoxdur.
• Savadsız adam kor kimidir.
• Savaşanda barışmağa da üz yeri qoyarlar.
• Sayanın quluyam, saymayanın ağası.
• Saydığını qoy kənara, gör fələk nə sayır.
• Sayğısız igidi düşmən aldadar.
• Saymaz it adam tutar.
• Sel gətirən ucuz olar.
• Selbəni meyvəli ağaca atarlar.
• Sevənin gözü kor olar.
• Sevgi adamı selə verər.
• Sevgi od deyil, amma oddan yamandır.
• Sevindim - quşum var, quşum var! Aralığa çıxdı sərçə balası.
• Seyid cəddinə arxayın olar.
• Səbir acıdır, meyvəsi şirin.
• Səbir ağacı hər bağda göyərməz.
• Səbir Allahdan, səbirsizlik şeytandan.
• Səbir cənnət açarıdır.
• Səbir edən sevinər.
• Səbir edən səadətə yetər.
• Səbir eləyən muradına yetişər.
• Səbir eləyənin ağzı bal dadar.
• Səbir ilə halva bişər, ey qora, səndən. Bəsləsən atlas olar tut yarpağından.
• Səhər gedər naxıra, axşam gələr axıra.
• Səhər gününə qızınmayan, axşam gününə qızınmaz.
• Səhvsiz insan olmaz.
• Sən ağa, mən ağa, inəkləri kim sağa.
• Sən ağacı əlinə al, oğrunu it qapacaq.
• Sən baş vurdun, mən ayaq, gəl bunu ortalayaq.
• Sən doğru ol, əyri bəlasın tapar.
• Sən gördüyün ağaclar kürəkliyə kəsildi.
• Sən gündüz gedən yolları mən gecə ilə gəlmişəm.
• Sən haqnan ol, haqq da sənlə olar.
• Səndən hərəkət, məndən bərəkət.
• Sənə tut dedilər, ud demədilər.
• Sənə vur dedilər, öldür ki, demədilər.
• Sənət insan üçün xəzinədir.
• Sənətə gəc baxan ac qalar.
• Sənətinə kim xor baxar, boynuna torba taxar.
• Sərçə deyil budunu verim, bir dəvənin nəyini verim.
• Sərçə qazan doldurmaz, qaz vur, qazan dolsun.
• Sərçə nədir ki, bozbaşı nə ola?!
• Sərçə olsun əlimdə olsun, göydə uçan qazı neylərəm.
• Sərçədən qorxan gərək darı əkməsin.
• Sərçəni bülbül adına satır.
• Sərçənin cib-cibindən toyuğun qaqqıldaması yaxşıdır.
• Sərçənin nəğməsi yox, cib-cibi çox.
• Sərçəyə cib-cib öyrətməzlər.
• Sərnic gətir, süd axtar.
• Sərv ağacı nə qədər uca olsa, əsli yoxdu, budağında bar olmaz.
• Siçan görəndə pələngə oxşayan pişik, pələng görəndə siçana dönər.
• Siçan olmamış dağarcığı dəlir.
• Siçana dedilər: - Bu deşikdən çıx, gir o deşiyə, beş min altun verək sənə! Siçan dedi; - Bunda nə var, mənzili yaxın, pulu çox?!.
• Sirkə nə qədər tünd olsa öz qabını sındırar.
• Sıxıla-sıxıla cənnətə getməkdənsə, oynaya-oynaya cəhənnəmə get.
• Sınan gəmiyə nə külək.
• Sonalayan ya kora, ya keçələ
• Sonrakı peşmançılıq fayda verməz.
• Sonsuz adam dövləti çox istər.
• Söhbət dananı qurda verər.
• Söhbət ki var, bulaqdır, kəsilməsə axacaq.
• Söymə qul atamı, söyməyim bəy atanı.
• Söz danışıqdan keçər.
• Söz gəzdirən mərd olmaz.
• Söz haqdan gəlir.
• Söz sözü çəkər.
• Söz vaxtına çəkər.
• Söz var - gələr keçər, söz var - dələr keçər.
• Sözü asta, ürəyi tasvasda.
• Sözü at yerə, gedər yerin tapar.
• Sözü yerində söylə.
• Sözün düzünü zarafatla deyərlər.
• Sözün ilə işin bir olsun.
• Sözün uzunu adamı yorar.
• Sözün yanlışı olar, yalanı olmaz.
• Söyüd ağacı bar verməz.
• Su axar, çuxurun tapar.
• Su axdığı yerdən bir də axar.
• Su başdan aşanda ya bir qarış, ya yüz qarış.
• Su başdan bulanıqdır.
• Su bulandırmaqla balıq tutulmaz.
• Su bulanmayınca durulmaz.
• Su çıxmaz arxa cuvar qoydular, adımı da qoydular yarıtmaz.
• Su da bir yerdə qalanda iylənər.
• Su gəldiyi arxa bir də gələr.
• Su girdi qaba - oldu içməli.
• Su ilə odun nə oyunu var?!
• Su kiçiyindir, yol böyüyün.
• Su meymunun boğazına çıxanda balasını ayağı altına alar.
• Su murdarlıq götürməz.
• Su özünə yol elər.
• Su sənəyi suda sınar.
• Su yatar, düşmən yatmaz.
• Subay adamın yaxasını bit yeyər, çörəyini – it.
• Subay adamın gözü ilə qız alma, gəlin gözü ilə bez.
• Subay idim, sultan idim, adaxlandım, xan oldum, evləndim, xəndan oldum.
• Suda boğulan ilana sarılar.
• Sudan boğulan saman çöpündən yapışar.
• Sudan ayrılan balığın oddan nə qorxusu?
• Susmaq da bir cavabdır.
• Susuz it kəhrizə baxar.
• Süd igidə halaldır.
• Süd ilə girən sümüklə çıxar.
• Süd verən inəyi kəsməzlər.
• Süddən ağzı yanan qatığı üfləyə-üfləyə içər.
• Südlə gələn sümüklə çıxar.
• Südlü inək ol, vur dolu sərnici dağıt.
• Südlü qoyun sürüsündən ayrılmaz..
• Sürmə yüz,yaşa 100
• Sürüdən ayrılan qoyunu qurd yeyər.
• Sürüyə qurd gələndə vay bir keçisi olanın halına.