Fransua de Laroşfuko

Vikisitat saytından
Fransua de Laroşfuko
Doğum tarixi 15 sentyabr 1613
Doğum yeri Paris
Vəfat tarixi 17 mart 1680
Vəfat yeri Paris
Vikipediya məqaləsi

Laroşfuko Fransua de (1613-1680) - Fransız yazıçısı və maarifpərvəri.



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Adamları oxumaq kitabları oxumaqdan daha xeyirlidir.
  • Adamları öyrətmək, adamları öyrənməkdən asandır.
  • Adətən kiçik işlərdə həddən çox canfəşanlıq edənlər böyük işlərə yaramırlar.
  • Ağıllı adam axmaqların əhatəsində olmasaydı daha tez-tez çətin vəziyyətə düşərdi.
  • Aldadılmanın ən yaxşı yolu, özünü hər kəsdən hiyləgər sanmaqdır.
  • Az, amma dürüst bir zəka, zamanla çox amma pozğun bir zəkadan daha çox can sıxar.

B[redaktə]

  • Bağışlamaq istəyi ya qorxudan, ya gücsüzlükdən, ya da fədakarlıqdan irəli gəlir.
  • Baş həmişə ürəyə aldanır.
  • Başqalarının qüsurlarını ölçərkən barmağı ilə tərəzinin gözünü basmayan adam çox azdır. [1]
  • Bəzən sevdiyimizin bizə yanıldığımızı ifadə etməsi, bizi aldatmasından daha ağır gəlir.
  • Bəzən ağıllı fikir də insanı pis vəziyyətdə qoya bilər.
  • Bir adamın dəyəri, böyük qabiliyyətləri ilə deyil, onları necə istifadə etdiyinə baxılaraq ölçülməlidir.
  • Bir günəşə, bir də ölümə dimdik baxılmaz.
  • Bir halda ki, mən öz sirrimi saxlaya bilmirəm, başqası bu sirri necə saxlaya bilər.
  • Bir şey nə qədər ciddi-cəhdlə gizlədilsə, bir o qədər tez aşkar olar.[2]
  • Bir zamanlar sevilməyə layiq olmuş yaşlı kəslər üçün ən təhlükəli gülünclük, artıq elə olmadıqlarını unutmalarıdır.
  • Biz hər hansı şəxsi gələcəkdə ondan xeyir gözlədiyimiz üçün tərifləyirik.
  • Bizi nə qədər tərifləsələr də, özümüz haqqında bizə yeni bir şey öyrətmiş olmazlar.
  • Böyük adamların şöhrəti, bu şöhrətə yetmənin üsulları əsasında qiymətləndirilməlidir.
  • Böyük düşüncələr böyük hisslərdən yaranır.
  • Bütün ehtiraslar bizə cinayət törədir, amma, bizi ən gülünc səhvlərə salan eşqdir.
  • Bütün xətalarımızdan ən asan bağışladığımız tənbəllikdir.

C[redaktə]

  • Ciddilik, zehin əskikliklərini örtmək üçün icad edilmiş bir rəftardır.
  • Cinayət özünə daha asan himayədar tapa bilər, nəinki məsumluq.

Ç[redaktə]

  • Çaylar dənizdə itdikləri kimi, fəzilətlər də mənfəətdə itərlər.

D[redaktə]

  • Dinə möhkəm bağlı olmaq istəyən çoxdur amma, təvazökar olmağa kimsə yanaşmaz.
  • Dünya üzərində müvəffəqiyyətli ola bilmək üçün, müvəffəqiyyətli kimi görünməmizi təmin edən hər şeyi edərik.
  • Dünyada qoca olmaq məharətinə yiyələnən, əsl qoca olmağı bacaran çox az qoca var.
  • Düşmən istəsəniz dostlarınızı keçməyə çalışın. Dost istəsəniz, buraxın, dostlarınız sizi keçsin.
  • Düzəltmək istəmədiyimiz qüsurlarımızla öyünməyə çalışarıq.

E[redaktə]

  • Edilən iş nə qədər parlaq olursa olsun, yüksək bir məqsədin nəticəsi deyilsə, böyük sayılmamalıdır.
  • Elə göz yaşlarımız var ki, başqalarını aldatdıqdan sonra dəfələrlə bizi də aldadır.
  • Elə qüsurlar vardır ki, böyük qabiliyyətləri meydana gətirərlər.
  • Elə uğursuz vəziyyət yoxdur ki, ağıllı ondan nəsə bir xeyir götürməsin, elə uğurlu durum yoxdur ki, axmaq onu öz əleyhinə çevirməsin.
  • Elm mahiyyət etibarilə həqiqət axtarışıdır.
  • Eşqdə olduğu kimi dostluqda da, insan bildiyi şeylərdən çox bilmədikləri üzündən xoşbəxtdir.
  • Eşqdən müalicə edən bir çox dərman vardır, amma yaxşılaşdıracağı qəti olanı yoxdur.
  • Eşqbazlıqda ən az olan şey eşqdir.
  • Evlənmənin yaxşısı olar amma qüsursuzu olmaz.

Ə[redaktə]

  • Ədəb qanunların ən kiçiyi olsa da, ən ciddi əməl olunanı, riayət edilənidir.
  • Əgər başqalarını aşağı görməsəydik başqalarının yüksəkdən baxmalarından şikayətlənməzdik.
  • Əksər qadınlar ehtirasları güclü olduğu üçün deyil, zəiflikləri çox olduğu üçün imtina edirlər. Ona görə təşəbbüskar kişilər ümumiyyətlə belə uğur qazanırlar, baxmayaraq ki, onlar heç də ən cəlbedici deyillər.
  • Ən comərdcə verilən şey öyüddür.
  • Əsl dost yer üzünün əşrəfidir, ancaq çox az adam onu tapmağa çalışır.
  • Əsl dostluq paxıllıq hissi nə olduğunu bilməməkdir.
  • Əsl dostluğa əsl məhəbbətdən də az rast gəlinir.
  • Əsl həqiqətdə biz nə istədiyimizi, nə axtardığımızı heç vaxt axıra qədər dərk edə bilmərik.
  • Əsl sevgini tapmaq çox çətindir, amma əsl dostluğu əldə etmək ondan da çətindir.
  • Əsl məhəbbət xəyala bənzəyir; hamı onun haqqında danışır, lakin çox az adam onu görüb.

F[redaktə]

  • Fərqinə varmadan başqalarını aldatmaq nə qədər çətindirsə, fərqinə varmadan özünü aldatmaq o qədər asandır.

G[redaktə]

  • Gerçək eşq xəyalət kimidir. Hər kəs ondan danışır, amma görən çox azdır.
  • Gözəl qadınlar üçün ləl-cəvahirat nə isə, qabiliyyət üçün də yüksəklik odur.
  • Gözəl hərəkətləri tərifləmək, bunlarda bir növ pay sahibi olmaq kimidir.
  • Gözəl keyfiyyətlərə malik olmaq azdır, onlardan istifadə etməyi də bacarmaq lazımdır.
  • Günəşin və ölümün üzünə dik baxılmaz.

H[redaktə]

  • Hamı öz yaddaşından gileylənir, ancaq heç kəs ağlından şikayətlənmir.
  • Hamıdan ağıllı olmağı arzulamaqdan daha böyük axmaqlıq ola bilməz.
  • Hamımız yaltaqlığı pisləyib yamanlayırıq, ancaq özümüz bizə yaltaqlananlara, bizi öyənlərə nəinki dözür, hətta onlara rəğbət duyuruq.
  • Hamımızın başqalarının bədbəxtliyinə dözmək üçün kifayət qədər gücü var.
  • Heç kim başqalarına tənbəl insanlar qədər tələsməz: tənbəlliklərini qane edərək, çalışqan görünmək istəyirlər.
  • Heç vaxt sevgilisi olmayan qadınları tapa bilərsiniz; ancaq birinə sahib olanları tapmaq çətindir.
  • Həqiqi dostluq paxıllığın nə olduğunu bilmədiyi kimi, əsil məhəbbət də naz-qəmzənin nə olduğunu bilmir.
  • Həqiqi insan ləyaqətinin bir üstünlüyü də ondadır ki, hətta paxıl adamlar da onu tərifləməyə məcburdur.
  • Həqiqi sevgi kabus kimidir: hamı onun haqqında danışır, amma çox az adam onu görüb.
  • Həmişə hamıdan ağıllı görünmək istəyindən böyük axmaqlıq ola bilməz.
  • Hər kəs yaddaşından şikayətçi, lakin qərqrlqrından razıdır.[3]
  • Hiylə və xəyanət zəif adamlara xas olan əməldir.
  • Hiyləgərlik dayaz ağlın əlamətidir.

X[redaktə]

  • Xəyanətə çox vaxt düşünülmüş şəkildə yox, kortəbii halda, xarakterin zəifliyi üzündən yol verilir.
  • Xırda işlərə həddindən artıq meyl edən adamlar, adətən, böyük işlər görməkdən məhrum olurlar.
  • Xoşbəxtliyi öz daxilində tapa bilmirsənsə, onu başqa yerdə axtarma.

İ[redaktə]

  • İkinci bir sevgi tapa bilməzsək, birincisinə uzun müddət bağlı qalarıq.
  • İkiüzlülük rızalıtin ləyaqətə ödədiyi vergidir.
  • İlk istəkdən əl çəkmək nisbətən asandır, amma istəklər artdıqca nəfsə yiyə durmaq çətinləşir.
  • İlk sevdiklərində qadınlar, aşiqlərini sevərlər, o birilərdə isə sevdikləri eşqdir.
  • İnsan heç vaxt xoşbəxt yaxud da bədbəxt olmur, o həmişə özünü belə hiss edir.
  • İnsanı ümumilikdə tanımaq hər hansı bir fərdi ayrılıqda tanımaqdan çətindir.
  • İnsanın ən səxavətlə payladığı şey məsləhətdir.
  • İnsanın əsl ləyaqətinin əlaməti odur ki, hətta paxıllığını çəkənlər də onu tərifləməyə məcburdurlar.
  • İnsanların çoxu üçün təşəkkür, yalnız daha böyük köməklər üçün gizli bir ümiddir.
  • İnsanların xoşbəxtlikləri ya da bədbəxtlikləri, qədərin olduğu qədər də xarakterlərinin əsəridir.
  • İnsanların sahib olduğu deyil, iddiasında olduğu keyfiyyətləri maraqlıdır.
  • İşıq əşyanı necə aydınladırsa, gələcək də yaxşı və pis tərəflərimizi o cür aydınladır.

K[redaktə]

  • Kəbin yeganə müharibədir ki, həmin dövrdə siz düşmən ilə yatırsınız.
  • Kiçik qüsurlarımızı etiraf etməyimiz, böyük qüsurlarımız olmadığına hər kəsi inandırmaq üçündür.
  • Kim ki, daha qüvvətlə sevir, o, hiss etmir ki, artıq çoxdan bəri sevilmir.
  • Kim yüksək adı şərəflə daşıya bilmirsə, bu ad onu əsla yüksəltmir, daha da alçaldır.
  • Kin bəsləmək cılız adamların adətidir.
  • Kinimiz böyüdükcə, kin saxladığımız kimsədən daha kiçilərik.

Q[redaktə]

  • Qadın ilk dəfə sevəndə ancaq sevgilisini, daha sonra isə sevgisini sevir.
  • Qadınların cəhənnəmi qocalıqdır.
  • Qadınların çoxunun dostluqdan bir şey anlamamaları, eşqi daddıqdan sonra dostluğun yavan gəlməsidir.
  • Qısqanclıq sevgi ilə bərabər yaranır, amma onunla birgə ölmür.
  • Qısqanclıq şübhə ilə qidalanır; şübhələr güvənə çevrildikdən sonra ölür və ya qəzəblənməyə başlayır.
  • Qocaldığını bilən çox az adam var.
  • Qorxaqlar, adətən, öz qollarının gücünü dərk etmirlər.
  • Qorxu və ümid bir-birinə bağlıdır; qorxusuz ümid, ümidsiz də qorxu ola bilməz.
  • Qüsursuz olsaydıq, başqalarının qüsurlarını tapıb ortaya çıxarmağa bu qədər maraq göstərməzdik.

M[redaktə]

  • Müdriklikdən sonra insanlara edilmiş ən gözəl hədiyyə – məhz dostluqdur.
  • Müstəqil həyata qədəm qoyan gənclər utancaq və təvazökar olmalıdır, öünə arxayınçılıq və lovğalıq son nəticədə azğınlğa çevrilə bilər..

N[redaktə]

  • Nə günəşə, nə də ki, olümə gözlərini zilləyib baxmaq olmaz.
  • Nədənsə insanlar varlı və şöhrətli adamla rastlaşdıqda nəzakətli olur, lakin sevinmirlər. Yoxsul və məzlum adamla rastlaşdıqda isə sevinir, lakin nəzakətli olmurlar.
  • Nəsihət vermək asan, nümunə olmaq çətindir.
  • Nümayişkaranə sadəlik riyakarlıqdır.[4]

O[redaktə]

  • O qisim kinli adamlar daha qorxuludur ki, xeyirxahlıqdan heç də büsbütün xali deyillər.

Ö[redaktə]

  • Öz qüsurlarımızın tam ziddləriylə öyünərik: İradəsizikmi, inadçı olmaqla öyünərik.
  • Özünü hamıdan hiyləgər bilən adamı tez aldatmaq mümkündür.

P[redaktə]

  • Paxıllıq nifrətdən də barışmazdır.

S[redaktə]

  • Sevən qadın qəlbi böyük kobudluğu asanlıqla bağışladığı halda, kiçik bir vəfasızlığı heç cür bağışlaya bilmir.
  • Sevgi alov kimidir, sakitlik bilmir; o, yalnız ümidi itirdikdə və qorxmadıqda yaşaması dayanır.
  • Sevinci bizə ətrafımızdakılar deyil, bizim ərtafımızdakılara olan münasibətimiz bəxş edir.
  • Sevmək, sevməmək insanın əlində olmadığına görə, nə aşiq sevgilisinin vəfasızlığından, nə də sevimli aşiqinin qeydsizliyindən şikayətdə haqlıdır.
  • Sevməkdən usandığımız zamanlar, sevgilimizin sədaqətsizliyi bizi sədaqət zəruriliyindən qurtardığı üçün, xoşumuza gedər.
  • Səhv etdiyini qəbul etməyənlər ən çox səhv edənlərdir.
  • Səmimilik tək-tük adamlarda aşkar oluna bilər və çox vaxt fəndlərdən ən ağıllısıdır - səmimiyyətə, çox vaxt başqalarından açıq etirafları çəkib çıxarmaq məqsədilə əl atırlar.[5]
  • Söhbəti ağıl yox, qarşılıqlı inam canlı edir.

Ş[redaktə]

  • Şərin də xeyir kimi öz qəhrəmanları var.

T[redaktə]

  • Tale, əsasən, bəxti gətirməyənlər tərəfindən kor sayılır.
  • Taleyin bizə göndərdiyi hər şeyi əhval-ruhiyyədən asılı olaraq qiymətləndiririk.
  • Təbiət bizə fəzilətlər bəxş edir və tale onları göstərməyə kömək edir.
  • Təvazökarlıq ləyaqət artırır.

U[redaktə]

  • Uğuru gizlətmək ən böyük uğurdur.

Ü[redaktə]

  • Ümidlərimizə görə söz verər və qorxularımıza görə hərəkət edərik.
  • Üstün xüsusiyyətlərlə doğulmuş olmanın ən gerçək əlaməti, qısqanclıq duyğusundan məhrum doğulmuş olmaqdır.

V[redaktə]

  • Vicdanlı qadınların çoxu qapalı xəzinələrdir, ancaq hələ heç kim onları axtarmadığı üçün toxunulmazdır.

Y[redaktə]

  • Yaxşı bir nəsihətdən faydalanmaq, ən az onu vermək qədər sağlam fikirə ehtiyac duyar.
  • Yalançı başqalarını aldatdığını zənn edir, əslində isə o özünü aldadır.
  • Yanıldığını əsla qəbul etməyənlər, ən çox yanılanlardır.
  • Yaşadığımız illərin sayına baxmayaraq, çox vaxt təcrübəmiz çatışmır.
  • Yaşlanmasını bilən çox az insan vardır.
  • Yoxluq kiçik sevgiləri azaldır və böyük sevgiləri artırır, çünki külək şamı söndürür və tonqal yandırır.

Z[redaktə]

  • Zəif xarakterli adamlar səmimi ola bilməzlər.

Mənbə[redaktə]

  • Aforizmlər və hikmətli sözlər. Bakı, 2005.
  • Ağıla və qəlbə işıq saçan sözlər. Bakı, 2014

İstinadlar[redaktə]

  1. Aforizmlər. Bakı, 2013. səh.51.
  2. Xəzinə. Bakı, 1997. səh.56
  3. Ağıla və qəlbə işıq saçan sözlər. Bakı, 2014, səh. 281
  4. Ağıla və qəlbə işıq saçan sözlər. Bakı,2014. səh.357
  5. Robert Qrin. Hakimiyyətin 48 qanunu.Bakı,2014. səh.83