Məhəmməd Tağı Sidqi

Məhəmməd Tağı Sidqi
Doğum tarixi	1853
Doğum yeri	Ordubad
Vəfat tarixi	1903
Vəfat yeri	Qarabağlar
Dəfn yeri	Naxçıvan
Vikipediya məqaləsi

Məhəmməd Tağı Sidqi (1854-1903) - Azərbaycan maarif xadimi.

---

A

B

C

Ç

D

E

Ə

F

G

H

X

İ

J

K

Q

L

M

N

O

Ö

P

R

S

Ş

T

U

Ü

V

Y

Z

---

A

• Adamın yaxşı dostları olsa, ömrü zindanda da xoş keçər.
• Ağıllı idarə olunan insan həyatı - ən xoşbəxt, ən yüksək əxlaqlı həyatdır.

B

• Bədbəxtliyin çoxu aclıqdan və qəzəbdən, paxıllıqdan və qərəzkarlıqdan olur.
• Bir adama yaxşılıq edib əvəzini gözləmək, bu gün əkdiyin ağacı sabah çıxarıb atmaq kimidir.

D

• Dəliliyin ilk dərəcəsi özünü ağıllı bilməkdir.
• Dili doğruçu olanın ağzının xətası az olar.
• Dünyada əziz vaxtını bihudə keçirmək müsibətdir.
• Dünyada hər elmdən artıq elmi-əxlaqda çalışmaq insan üçün lazımlı bir şeydir. Çünki heyvanların cinsi elmi-heyvanat deyilən elm ilə bilinsə, insanların da yaxşısı elmi-əxlaq ilə məlum olur.
• Dünyada insanın əvvəlinci vəzifəsi elm təhsil etməkdir. Elmsiz insan ruhsuz cism kimidir. Elmə talib olan alim hesab olunur. Amma özünü elmə malik bilən cahil sayılır.
• Dünyada elmi təhsil etmək çətin olsa da, yaddan çıxarmağı çox asandır. Amma cəhalət və nadanlıq təhsili nə qədər asan olsa, zayil olmağı çox çətindir.

F

• Fəlakət bekarçılıqda isə, şəfqət səy və qeyrətdədir.
• Fəzilət, elm və mərifətdən məhrum olanlar üçün ölüm nemətdir.

X

• Xəyanət heç zaman gizlin qala bilməz, çünki o bir qəlp puldur, tanımayanların arasında xərclənər.
• Xoşbəxtlik dörd şeydən ibarətdir, əsli pak, ürəyi pak, əli pak rəyi doğru.

İ

• İnadın nəticəsi rüsvayçılıq, qəzəbin nəticəsi peşmançılıqdır.
• İnsan cəmiyyətdə yalnız hər kəsə yaxşılıq etmək, abadlıq işi görmək, xalqla yaxşı rəftar etməklə yüksəlir.
• İnsan əvvəl cəhalətinin və bilməməzliyinin dərəcəsini bilsə, ondan sonra bildiyini təkmil edib, bilmədiyinin təhsilinə çalışıb, çox şey öyrənər.
• İnsana ömrü olduqca yemək və içmək nə qədər lazım olsa, elm və tərbiyə və əxlaqi-həsənə təhsil etmək o qədər lazımdır. Amma insanın insaniyyəti oxumaqla və heyvaniyyəti yemək ilə qaimdir. Pəs dirilik yeməkdən ötrü deyil, bəlkə, yemək dirilikdən ötrü lazımdır.
• İnsanın bildiyi və öyrəndiyi şeylər bilmədiyinin müqabilində heç dərəcəsindədir.
• İnsanın elmi çoxaldıqca cəhaləti azalır. Cahil olan kimsə vaxtsız xoruza bənzər. Cahilə söz qandırmaq dəvəyə xəndək atılmaqdan çətindir.
• İnsanların ən qüvvətlisi qeyzli vaxtında özünü saxlayandır.
• İnsanların yaxşısına pislik edən şəxsin əməli günəşə tüpürən adamın vəziyyətinə bənzər, yenə axırda öz üzünə düşər.
• İşlək adama ən böyük cəza bekar qalmaqdır.

Q

• Qədirbilməzlik ruzi verən əli yandırmaq kimi bir şeydir.

M

• Meyvəli ağaca daş atan çox olduğu kimi, elm və mərifət sahibinə də zəhmət və əziyyət verən çox olur.

Ö

• Öz-özünü bəyənən özünü heç kimsəyə bəyəndirə bilməz.

S

• Səadət elə bir xəzinədir ki, səy və qeyrət onun açarıdır.
• Səhhəti yerində olan adam ziqiymət xəzinə sahibidir.
• Sirr insanda əmanət olduqdan can kimi gizlətmək lazımdır. Bir sirrə iki adamdan artıq xəbərdar olsa, tamam aləmə faş olmuş kimidir.

T

• Tənbəlliklə keçinən adam hər qüvvədən məhrum olur.
• Təzə əkilən tənəklərə və ağaclara su vermək nə qədər lazım olsa, uşaqlara da təlim və tərbiyə kiçiklikdə o qədər lazımdır.

V

• Vədəsinə vəfa eləməyən adamın dostları da ona düşmən olur.

Y

• Yalançılıq - insanın vicudunda bir ensiz örtüyə bənzər. Çünki bir tərəfini örtsən də, bir tərəfi örtülməz, açıq qalar.

Mənbə

• Aforizmlər və hikmətli sözlər. Bakı, 2005.