Dünya

Vikisitat saytından
Jump to navigation Jump to search
Dünya



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • “Abırsız”- yunan sözüdür və sənin dilində tərcüməsi bütün dünyanın onun donuz olmasını bilməsini istəyən donuzu bildirir. Anton Çexov
  • Ac itin dünyada inandığı bir həqiqət varsa, o da ətdir. [1] Anton Çexov
  • Ağılım mənə deyil, dünyaya aiddir. Artur Şopenhauer
  • Alimlər - bunlar çoxlu kitab oxuyanlardır. Mütəfəkkirlər, dahilər, dünya maarifçiləri və bəşəriyyətin hərəkətverici qüvvələri bilavasitə Kainat kitabını oxuyanlardır. Artur Şopenhauer
  • Azadlıq gələcək ümidi deyil. O, bu saniyəyədir və insanlarla və bu saniyədəki dünyayla uyğundur. Alber Kamyu

B[redaktə]

  • Bazar günü həftədə yalnız bir gün olur və bu barədə təəssüflənirəm. İnsan elə qurulub ki, o, iki bazar gününə də dözə bilər. Mən bunun necə asan olduğunu, bu imkanın əldən verilməsini tez-tez düşünürəm. Dünyanı altı gündə yox, üç gündə yaratmaq qüdrətli Yaradan üçün heç nə idi və buradan sizin üçün həftədə iki bazar günü alınardı. Amma mən kiməm ki, Yaradanın müdrikliyini tənqid edəm?.. Mark Tven
  • Bədbinlik həmişə mənə sofizm, eyni zamanda axmaqlıq və əlavə olaraq pis maneranın axmaqlığı kimi görünürdü... Mən həmişə bədbinə demək istəyirəm: “Əgər dünya sənin ürəyincə deyilsə, o zaman öz narazılığınla lovğalanma, dünyadan əl çək və başqalarına mane olma”. Lev Tolstoy
  • Bilavasitə dərk edilən, dərinin hüdudları və ya daha dəqiq serebral əsəb sistemindən çıxan ən qıraq sonluqlarla ilə məhdudlaşır. Bu hüdudların kənarında yerləşən dünya barədə yalnız bizim beynimizdə əks olunan simalar vasitəsilə bilirik. Sual ondadır ki, bu simalar bizdən asılı olmayan mövcud dünyaya uyğun gəlirmi və nə qədər uyğun gəlir. Artur Şopenhauer
  • Biliksizlikdən yox, yalançı bilikdən qorx. Dünyadakı bütün pisliklər ondan törəyir. Lev Tolstoy
  • Bir-birinizi hər zaman ürəkdən sevin. Dünyada demək olar ki, sevgidən başqa bir şey yoxdur. Viktor Hüqo
  • Bir dəfə Məhəmməd peyğəmbər həsir üstündə yatmışdı və qalxanda üstbaşı çox çirklənmişdi. Kimsə ona dedi: “Ey Allahın elçisi! Əgər istəsəydin mən sənə yumşaq yataq göndərərdim”. Məhəmməd peyğəmbər cavab verdi: “Bu dünyada mənə nə lazımdır? Axı, mən burada ağacın kölgəsində dincələn və tezliklə gedəsi bir səyyah kimiyəm”. Məhəmməd peyğəmbər
  • Bir qum dənəsinin sirrini həll etməyi bacarsaydıq, bütün dünyanın sirrini öyrənmiş olardıq. Albert Eynşteyn
  • Bir polyakı eynilə bir fransız kimi qucaqlayıram, dünya ilə qohumluğumu öz xalqımla qohumluğumun üstündə tuturam. Mişel de Monten
  • Bir türk dünyaya əvəzdir. Mustafa Kamal Atatürk
  • Biz aramızda baş verən mübahisə, anlaşılmazlıqlar və s görə narahat olmamalıyıq. Hətta ulduzlar belə toqquşur. Və onların toqquşmasından yeni dünyalar yaranır. Bu gün bilirəm ki, buna — Həyat deyilir... Çarli Çaplin
  • Biz bu dünyada yalnız onu sevərkən yaşayırıq. Rabindranat Taqor
  • Biz qışqıraraq dünyaya gəlirik, inilti ilə ölürük. Yaşamaq üçün geriyə gülmək qalır. Viktor Hüqo
  • Böyük insanlar bu dünyada bütün iztirabları çəkmək məcburiyyətindədirlər. Fyodor Dostoyevski
  • Böyük insanlar bu dünyada bütün iztirabları çəkmək məcburiyyətindədirlər. Fyodor Dostoyevski
  • Bu dünya bir qızıl kuzəyə bənzər, Suyu gah şirindir, gah da ki zəhər. (Məhsəti Gəncəvi)
  • Bu dünya bizə atalarımızdan qalmadı. Biz onu uşaqlarımızdan borc aldıq. Afrika atalar sözləri
  • Bu dünya imkanla gerçəklik arasında qərar tutur. Biz sonsuz imkan dünyasında ancaq bir cığır seçib gedirik. Əbu Turxan
  • Bu dünyada ən böyük günah, insanların fikirlərindən qaçması deyilsə, nədir? Alber Kamyu
  • Bu dünyada həqiqəti deməkdən daha çətin və yalan danışmaqdan daha asan heç nə yoxdur. Fyodor Dostoyevski
  • Bu dünyadakı ən çətin iş, öz-özünə sadiq qalmaqdır... Fyodor Dostoyevski
  • Bu dünyanı Tanrı yaratdısa, onun yerində olmaq istəməm doğrusu. Çünki, dünyanın səfaləti ürəyimi parçalar. Yaradıcı bir ruh düşünülsə, yaratdığı şeyi göstərərək ona belə qışqırmaq haqqımızdır: "bu qədər bədbəxtliyi və bu kədəri ortaya çıxarmaq uğruna, heçliyin səssizliyini və tərpənməzliyini pozmağa necə cəhd etdin?" Artur Şopenhauer
  • Bütün dünya üçün yalnız bir adam ola bilərsən, lakin bəziləri üçün sən bir dünyasan. Qabriel Qarsia Markes

C[redaktə]

  • Cəfəngiyatlar dünyada çox lazımdır. Dünya cəfəngiyatlar üzərində dayanır və ola bilsin ki, onlarsız dünyada heç nə baş verməzdi. Fyodor Dostoyevski

Ç[redaktə]

  • Çox vaxt, sözün həqiqi mənasında ağrıyla başa düşürəm ki, izah etmək istədiyimin iyirmidə birini belə izah edə bilmədim və hətta heç bir şey izah edə bilmədim. Məni rahatlaşdıran şey, Tanrının bir gün mənə o gücü və ilhamı göndərəcəyinə, mənim də özümü tamamilə izah edə biləcəyəimə, qısacası ürəyimdəki və xəyal dünyamdakı hər şeyi ortaya qoyacağaıma dair olan ümidimdir. Fyodor Dostoyevski
  • Çox təəssüf ki, dünya belə qurulub: kütbeyinlər özlərinə möhkəm əmindirlər, ağıllılar isə özlərinə şübhə ilə yanaşırlar. Mark Tven

D[redaktə]

Dünyadakı ən məsum məşğuliyyət riyaziyyatdır.
  • Danışsam, məni ancaq ingilis dili bilənlər başa düşəcək, amma səssiz bir filmi hamı anlaya bilər və dünya Amerikadan ibarət deyil. Çarli Çaplin
  • Daş üstünə daş qoya qoya, yaratdığın dünyanın çökdüyünü görmək bir yana, birdə altında qalmaq var! Barış Manço
  • Din elə bir qüvvədir ki, Həzrəti Məhəmməd (səlləllahu əleyhi və alihi vəsəlləm) onun vasitəsilə dünyaya yeni bir yön verdi.[2] Napoleon Bonapart
  • Dində məcburiyyət yoxdur. Əlbəttə ki, hər kəs azaddır. İstəyən dünyada bişər, istəyən axirətdə. Nəcib Fazil Qısakürək
  • Doğrudanmı bu gözəl dünyada, saysız-hesabsız ulduzlu səma altında yaşamaq insanlara dar gəlir? Doğrudanmı bu gözəl təbiətin qoynunda yaşayan insan ruhunda qəzəb, qisas hissi və özü kimilərini məhv etmək ehtirası qala bilər? Lev Tolstoy
  • Dünya axıb getmir, çünki ölüm yarğan deyil. Rabindranat Taqor
  • Dünya başdan-başa tamahdan ibarətdir, dünyanın ən gözəl matahı təmiz, yaxşı qadındır. Məhəmməd
  • Dünya başıma dolanmasın deyə, özüm dünyanı dolanmağa başladım. Xudu Məmmədov
  • Dünya belə qurulub: həmişə yaxşı bir işə lağ etməyə hazır olan insanlar tapılacaq. Çarlz Dikkens
  • Dünya bildiyimizdən artıq bizim ola bilməz. Xudu Məmmədov
  • Dünya bir birliyə, axirət bir birliyə sahib, Allah da bütün birliklərin sahibidir. Əbdülqədir Geylani
  • Dünya bir hüceyrədir səni təkliyə itələyən, lakin səni düşündürüb yetkinləşdirən mühit də ola bilər. Aristotel
  • Dünya bir şeydir ki, həmişə dövran edir və insan bu tövr dünyanın gərdişinə görə gərək habelə öz rəftarını da dəyişdirsin, necə ki, məsəldir deyərlər: Zəmanə sənə saz olmasa, sən zəmanəyə saz olginən. Həsən bəy Zərdabi
  • Dünya bir teatrdır, insanlar isə onun aktyorlarıdır. Uilyam Şekspir
  • Dünya böyük bir teatr səhnəsidir. Hər kəs öz rolunu oynayıb qurtarandan sonra bu səhnəni tərk edir. Uilyam Şekspir
  • Dünya bu yolda cəfa çəkənlərin sayəsində irəli gedir. Lev Tolstoy
  • Dünya dağdır, bizim etdiklərimiz səs. Səslərin əks-sədası yenə bizim səmtimizə gəlir. Mövlana Cəlaləddin Rumi
  • Dünya dağılsa belə, qoy ədalət zəfər çalsın. Mark Tulli Siseron
  • Dünya demək olar ki, burada nə dediyimizi görməyəcək və uzun müddət xatırlaya bilməyəcək, amma burada nə etdiklərini heç vaxt unutmayacaqdır...`Avraam Linkoln
  • Dünya dəyişir, çünki siz fil sümüyü və qızıldan yaradılırsınız. Dodaqlarınızın büküşü tarixi yenidən yazır. Oskar Uayld
  • Dünya duracaq yer deyil, ey can, səfər eylə!... İmadəddin Nəsimi
  • Dünya elə qurulub ki, bir adam bir şey barəsində narahat olmaq istəmirsə, başqa bir şey barədə narahat olmağa başlayır. Mark Tven
  • Dünya əhalisi artdıqca, insan sayı azalır. Çak Palanik
  • Dünya gözəl olsaydı, doğularkən ağlamazdıq. Yaşayarkən təmiz qalsaydıq öləndə yuyunmazdıq. Nəcib Fazil Qısakürək
  • Dünya hamıya çatacaq qədər böyükdür. Başqasının yerini tutmağa çalışmaqdansa, öz yerin haqqında fikirləş. Çarli Çaplin
  • Dünya hər kəsi boğacaq qədər böyük bir dənizdir. Əbdülqədir Geylani
  • Dünya hər şeyi öz ağuşunda saxlayır. Mark Tulli Siseron
  • Dünya hikmətdir, axirət isə qüdrət. Hikmət alət və səbəblərə ehtiyacı vardır, qüdrətin isə ehtiyacı yoxdur. Əbdülqədir Geylani
  • Dünya istəkli olanlarla dolu; bəziləri işləməyə istəkli, geri qalanlar da onları öz hallarına buraxmağa. Robert Li Frost
  • Dünya işıqlıq olsaydı, sənət olmazdı. Alber Kamyu
  • Dünya kiçik, insanlar qardaş. Barış Manço
  • Dünya qüvvələrindən daha böyük qüvvə vardır: O Vaxtı gəlmiş ideyadır. Viktor Hüqo
  • Dünya miqyasında dini azadlıqlar uğrunda mübarizə aparmalıyıq, dini azadlıqlar ən önəmli insan hüquqlarından biridir. Angela Merkel
  • Dünya möminin zindanı, kafirlərə behiştdir. Məhəmməd peyğəmbər
  • Dünya nəfslərin, axirət ürəklərin, Allah isə sirlərin sevgilisidir. Əbdülqədir Geylani
  • Dünya nizamı özünün ölçüyəgəlməz möhtəşəmliyi, hər yerdən parlayan sonsuz rəngarəngliyi və gözəlliyi ilə bizi səssiz təəccübə gətirir. Əbədi və ciddi nizama müvafiq olaraq vahid ümumi qanundan necə gözəlliklərin, necə möhtəşəmliyin çıxdığını görəndə isə ağıl bir başqa cür heyrətlənir. İmmanuel Kant
  • Dünya orqanizmi qırılmaz bir bütövlükdür.Mark Tulli Siseron
  • Dünya; pislik edənlər deyil, tamaşaçı qalıb heç bir şey etməyənlər üzündən təhlükəli bir yerdir. Albert Eynşteyn
  • Dünya öküzün üstündə deyirlər amma; dünyanın üstündə nə qədər öküz bilirəm. Nəcib Fazil Qısakürək
  • Dünya özünü təzə gəlin kimi göstərərək insanı aldadan, lakin həqiqətdə sehrbaz bir qarıdır. Mövlana Cəlaləddin Rumi
  • Dünya saxtakarların üstündə qurulmuşdur, bu səbəblə də çox ədalətsizdir. Bill Klinton
  • Dünya – sağalmaz xəstələrin müalicə aldığı yerdir. Artur Şopenhauer
  • Dünya səfehlik üzərində dayanır, onsuz Yer üzərində maraqlı heç nə baş verməzdi. Fyodor Dostoyevski
  • Dünya sıxıntı və avaraçılıqdan yox, hərəkətdən ibarətdir. Çarlz Dikkens
  • Dünya şər işlər törədən insanlara görə yox, bunu seyr edib heç nə etməyən insanlara görə təhlükəlidir. Albert Eynşteyn
  • Dünya tarixi, azadlıq şüurluğunun inkişafından başqa bir şey deyil. Georq Vilhelm Fridrix Hegel
  • Dünya tarixində ən böyük hünər və qəhrəmanlıqlar vətən naminə edilib. Jan Jak Russo
  • Dünya üzərində müvəffəqiyyətli ola bilmək üçün, müvəffəqiyyətli kimi görünməmizi təmin edən hər şeyi edərik. Fransua de Laroşfuko
  • Dünya vətənim; elm dinimdir. Xristian Hüygens
  • Dünya yaşamaq üçün təhlükəli bir yerdir; pislik edənlərə görə yox, dayanıb seyr edən və onlara səs çıxartmayanlara görə. Albert Eynşteyn
  • Dünya zalımların yox, onlara səsini çıxartmayanların ucbatından təhlükəli bir yerdir Albert Eynşteyn
  • Dünyada açıq ürəklilikdən çətin, yaltaqlıqdan asan şey yoxdur. Fyodor Dostoyevski
  • Dünyada bir nəfər dahi uşaq bədbəxt qaldığı müddətcə, böyük icadlar və irəliləmələr yoxdur. Albert Eynşteyn
  • Dünyada bizə yaxşı tərcümənin verəcəyi sıxıntı ilə müqayisə ediləcək başqa şey ola bilməz. Mark Tven
  • Dünyada bu qədər pislik haradandır? Axı, biz uşqalıqda möcüzəyə inanırdıq. Jan Jak Russo
  • Dünyada dildən-dilə gəzən saysız-hesabsız yalanlar var. Ən dəhşətlisi də odur ki, bu yalanların yarısı doğrudur. Uinston Çörçill
  • Dünyada din və etiqad azadlığı üçün mübarizə aparmalıyıq. Dini etiqad azadlığı ən vacib insan hüquqlarından biridir. Angela Merkel
  • Dünyada dostluqdan gözəl şey yoxdur, onsuz yer üzü sanki günəşdən məhrum olardı. Mark Tulli Siseron
  • Dünyada dörd cür insan var: aşiqlər, özünə vurğunlar, xəyalpərəstlər və dəlilər. (İ.Ten)
  • Dünyada elə ac insanlar var ki, Tanrı onlara ancaq çörək formasında görünə bilir. Çarlz Dikkens
  • Dünyada elə bir dağ, elə bir zirvə yoxdur ki, qətiyyət əvvəl-axır onu fəth edə bilməsin. Çarlz Dikkens
  • Dünyada ən böyük xoşbəxtlik, əmin olmaqdır ki, sizi sevirlər, sizin özünüzə görə sevirlər, daha dəqiq desək, sizə rəğmən sevirlər. Viktor Hüqo
  • Dünyada ən böyük səadət sevilməkdə əmin olmağındır. Viktor Hüqo
  • Dünyada ən yaxşı qılıncoynadan, ikinci yaxşı qılıncoynadandan qorxmamalıdır. Əlində heç vaxt qılınc tutmayan, ondan gözlənilən şeyi etməyən nadandan qorxmaq lazımdır. Ona görə də hər şeyi bilən adam onun qarşısında köməksizdir. Mark Tven
  • Dünyada haqqında danışılmaqdan daha betər şey, haqqında danışılmamaqdır. Oskar Uayld
  • Dünyada hamıdan tox olan, qiyamətdə hamıdan ac olacaq. Məhəmməd peyğəmbər
  • Dünyada heç bir böyük iş ehtirassız görülə bilməz. Georq Vilhelm Fridrix Hegel
  • Dünyada heç bir şey insanı zəhmət qədər nəcibləşdirmir. İş gərməyən insan öz insanlıq ləyaqətini qoruyub saxlaya bilməz. Lev Tolstoy
  • Dünyada heç nə evli qadının sadiqliyinə bənzəmir, heç vaxt evlənməmiş kişilər bunu bilməzlər. Oskar Uayld
  • Dünyada hər pislik, demək olar ki, cəhalətdən gəlir. Alber Kamyu
  • Dünyada hər şey enerjidir. Enerji hər şeyin əsasını təşkil edir. Əgər siz özünüz üçün yaratmaq istədiyiniz reallığın enerji tezliyinə uyğunlaşarsınızsa, o zaman məhz uyğunlaşdırdığınız tezliyi alacaqsınız. Bu fəlsəfə yox, fizikadır. Albert Eynşteyn
  • Dünyada xeyir iş görməyən insan əbəs yerə yaşayır. Füller
  • Dünyada qoca olmaq məharətinə yiyələnən, əsl qoca olmağı bacaran çox az qoca var. Fransua de Laroşfuko
  • Dünyada məqamı bilməyən bir kəs,
    Pərdəli yolları düz gedə bilməz. Nizami Gəncəvi
  • Dünyada məni 3 şey sevindirir: qadınlar, gözəl rayihə və gözlərimizi işıqlandıran namaz. Məhəmməd peyğəmbər
  • Dünyada mövcud olan bütün günahların yarısı darıxmaqdan törənir. Mark Tven
  • Dünyada nə qədər kitab var belə,
    Çalışıb əlləşib gətirdim ələ.
    Oxudum, oxudum, sonra da vardım,
    Hər gizli xəznədən bir dürr çıxardım. Nizami Gəncəvi
  • Dünyada ortalıqda gəzən bir çox bərbad yalan var, ən pisi də yarısının doğru olması. Uinston Çörçill
  • Dünyada ölüm və vergi qədər real bir şey yoxdur. Bencamin Franklin
  • Dünyada özünü aldatmaqdan daha pis bir aldatma yoxdur. Çarlz Dikkens
  • Dünyada sülhə nail olmazdan əvvəl, küçələrdə sülhü təmin etmək lazımdır. Tupak Şakur
  • Dünyada tək zərər verməyən qadın, anadır. Mark Tven
  • Dünyada tikan toxumu əkən insanı gül baxçasında axtarma! Mövlana Cəlaləddin Rumi
  • Dünyada üç cür alçaq var: sadəlövh alçaqlar, yəni alçaqlıqlarını ən yüksək alicənablıq hesab edənlər, alçaqlıqlarına son qoymaq istəyərkən alçaqlıqlarından utanan alçaqlar, bir də sadəcə olaraq əsil alçaqlar. Fyodor Dostoyevski
  • Dünyada üç fəlakət var: yanğın, qadın, dəniz. Ezop
  • Dünyada üç şeyin üzərində işləmək çətindir: almaz, polad və insan ruhu. Bencamin Franklin
  • Dünyada yaxşı adam çoxdur. Xoşbəxt o adamdır ki, yaxşı adama lazım olan vaxt rast gəlib. Fyodor Dostoyevski
  • Dünyada yalnız gözəl olmağı bacaran qadının həyatından bədbəxt, işgəncəli həyat yoxdur. Bernar Fontenel
  • Dünyada yaşayan bütün varlıqlar içərisində yalnız insan cəfəngiyyat danışa bilir. Bunu edən insan bir gerçəyi göstərir: mən cəfəngiyyat danışıram, çünki mən insanam. Fyodor Dostoyevski
  • Dünyada yeganə təhlükəsiz qadın anadır. Mark Tven
  • Dünyada ziddiyyətlər aşkar etmək, deməli əsl kririsizmə malik olmamaq və iki şeyi bir şey kimi qəbul etmək deməkdir. Artur Şopenhauer
  • Dünyadakı bütün insanlar dünyanın təbii nemətlərindən istifadə etmək və hörmət edilmək kimi eyni hüquqa malikdirlər. Lev Tolstoy
  • Dünyadakı bütün peşələr insanlardandır. Və yalnız üçü Allahdandır - müəllim, hakim və həkim. Sokrat
  • Dünyadakı ən günahsız məşğuliyyət riyaziyyatdır. Godfrey Hardi
  • Dünyadakı ən məsum məşğuliyyət riyaziyyatdır. Mustafa Kamal Atatürk
  • Dünyadakı hər kəs bir vaxtlar uşaq olub. Uolt Disney
  • Dünyamız xəyallarımızın qırıldığı məyusluqlar dünyasıdır və bu məyusluqlar daha çox əzizlədiyimiz, bizə şərəf verən ümidlərdə gizlənir. Çarlz Dikkens
  • Dünyamızdakı bütün müdrikliklər və mülahizələr son nəticədə bizi ölümdən qorxmamağı öyrədir.[3] Mişel de Monten
  • Dünyanı, ağıllılar yaşasın deyə axmaqlar qurmuşdur. Oskar Uayld
  • Dünyanı anlama və islahat istəyi irəliləmənin iki böyük mühərrikidir. Bertran Rassel
  • Dünyanı anlamaq yetməz, onu dəyişdirmək lazımdır. Karl Marks
  • Dünyanı bürümüş qaranlıq zülmətə qarşı xəncər itiləmək kimə lazımdır? Uilyam Qoldinq
  • Dünyanı döyüş təhlükəsindən qoruyacaq tək bir yol vardır; dünya səviyyəsində səlahiyyətə sahib olacaq və dünyada bütün silahların təkəlini əlində tutacaq bir tək nüfuzun qurulması. Bertran Rassel
  • Dünyanı gözəllik xilas edəcək. Fyodor Dostoyevski
  • Dünyanı güclə saxlamaq olmaz. Buna yalnız dərk etməklə nail olmaq olar. Albert Eynşteyn
  • Dünyanı ilahi qüvvə idarə edir (Stoiklərin fikri). Mark Tulli Siseron
  • Dünyanı istəyən elmə sarılsın, axirəti istəyən yenə elmə sarılsın. Məhəmməd peyğəmbər
  • Dünyanı olduğu kimi qəbul et. Gülümsəmələri və çətinlikləriylə, sevgisi, dostluğu, yalanı və gerçəyiylə, sabahın nəfsinə bağlı olan planlarıyla, gəncliyin xülyaları kimi gəlib keçən ümidləriylə… Çarlz Sveyn
  • Dünyanı sadəcə sevgi xilas edəcək. Tereza Ana
  • Dünyanı səhv oxuyar, sonra da bizi aldadır deyərik. Rabindranat Taqor
  • Dünyanı təxəyyül çevirər. Albert Eynşteyn
  • Dünyanı yaradanlar əsrlər boyu yatıb yuxuya qaldıqdan sonra, qəflətən niyə ayıldılar? Axı heç bir dünya olmasa da, əsrlər ki, var idi. Ona görə də ağla sığışdırmaq olmur ki, heç bir vaxt yox idisə, bir müddət nə olmuşdu? Mark Tulli Siseron
  • Dünyanın ali mənası onun ayrı-ayrı hissələrinin mənasından hasil ola bilməz. Əbu Turxan
  • Dünyanın böyük adamları məktəblərinin ən böyük şagirdləri deyildi; çox vaxt ən böyük məktəbləri bitirənlər də həyatın böyük adamları olmamışlar. Avraam Linkoln
  • Dünyanın bütün elementləri bir-biri ilə harmonik şəkildə bağlıdır. Mark Tulli Siseron
  • Dünyanın bütün işçiləri, birləşin! Zəncirlərinizdən başqa itirəcəyiniz bir şeyiniz yoxdur! Karl Marks
  • Dünyanın bütün problemi, axmaqlar və fanatiklər bu qədər özündən əminkən, ağıllı insanların şübhələrlə dolu olmasıdır. Bertran Rassel
  • Dünyanın əxlaqsız adlandırdığı kitablar,dünyanın özünün utanclarını göstərən kitablardır. Oskar Uayld
  • Dünyanın ən böyük qorxağı olduğumu etiraf edirəm, çünki pis bir iş görməyə cəsarət edə bilmirəm. Ksenofont
  • Dünyanın ən müdrik insanları ilə gündəlik ünsiyyətdən qiymətli nə ola bilər? Lev Tolstoy
  • Dünyanın ən uzun gecəsi 21 dekabr yox, məni tərk etdiyin gecədir. Kiçik İsgəndər
  • Dünyanın ən yoxsul insanı, puldan başqa heç bir şeyi olmayandır. Artur Şopenhauer
  • Dünyanın harasında olursa olsun, haqsız yerə birinin sifətinə atılan şilləni öz sifətində hiss etməyən adamın insanlığından şübhə edərəm! Ernesto Çe Gevara
  • Dünyanın heç bir neməti insanı sevgi qədər doydura bilməz. Aristotel
  • Dünyanın hər yerində həqiqi hökmdar olan elm vaxtaşırı öz paytaxtını dəyişmiş, gah Şərqdən Qərbə, gah da Qərbdən Şərqə köçmüşdür. Cəlaləddin Əfqani
  • Dünyanın içində ola-ola dünyadan azad olmaq ən böyük məharətdir. Məhəmməd İqbal
  • Dünyanın istilası haqqında danışanda, torpağın 1/6 hissəsini unutmamalıyıq. (SSRİ haqqında) Adolf Hitler
  • Dünyanın qurtuluşu sosializmdədir. Karl Marks
  • Dünyanın mənə necə yüksək qiymət verdiyini bilirəm, bununla belə, özümü qumluqda oynayan uşaq kimi hiss edirəm. İsaak Nyuton
  • Dünyanın misli bərabəri olmayan varlığı, yaranışın əsl möcüzəsi anadır. Lüdviq van Bethoven
  • Dünyanın üzündə gördüyümüz hər şey qadının işidir.[4]Mustafa Kamal Atatürk
  • Dünyanın sizə sanki borcu var kimi fikirlər düşünməyin, o sizdən əvvəl movcüd olmuşdur və sizə heç nə verə bilməz. Mark Tven
  • Dünyanın şirinliyi axirətin acılıgı və dünyanın acılığı axirətin şirinliyidir. Məhəmməd peyğəmbər
  • Dünyaya ağlaya-ağlaya gəlirik deyə ömür boyu ağlamayacağıq ki! Alfred Kapus
  • Dünyaya gəldiyiniz gün bir tərəfdən yaşamağa, bir tərəfdən ölməyə başlarsınız. Mişel de Monten
  • Dünyaya gələn günü mən ölməli idim, belə olan halda indi bu əziyyəti çəkməzdim. Tupak Şakur
  • Dünyaya gələrkən ağlamağımız bu cəfakeş səhnəyə gəlişimizi bildirmək üçündür. Uilyam Şekspir
  • Dünyaya qalib çıxmaq istəyirsənsə, əvvəl özünə qalib ol. Fyodor Dostoyevski
  • Dünyaya necə göründüyümü bilmirəm ; amma mən özümü, hələ kəşf edilməmiş gerçəklərlə dolu bir okeanın sahilində oynayan, düz bir çay daşı ya da gözəl bir dəniz qabığı tapdığında sevinən bir uşaq kimi görürəm. İsaak Nyuton
  • Dünyaya nizamsız şəkildə nizamlı formalar səpilib. Pol Valeri
  • Dünyaya sahib olmaq istəyiriksə, xoşniyyətli,iradəli və dözümlü olmalıyıq. Çarlz Dikkens

E[redaktə]

  • Elmin ayağı dünyadan kəsildiyi vaxt savaşma başlanacaqdır. Məhəmməd

Ə[redaktə]

  • Ədəbiyyat dünyanı insan qəlbinin işığı ilə nurlandırdı. Rabindranat Taqor
  • Əgər dünya tək bir ölkə olsaydı, paytaxtı İstanbul olardı. Napoleon Bonapart
  • Ən önəmlisi dünyanın harasında olursa olsun istənilən haqsızlığı özünüzə qarşı edilmiş haqsızlıq kimi qəbul etmətinizi qorumağı bacarmaqdır. Bu bir inqilabçının ən önəmli özəlliyidir. Ernesto Çe Gevara
  • Əsl sevgi - bu kor sədaqətdir, cavabsız itaətkarlıq, özünü alçaltma, özünə və bütün dünyaya sual vermədən ruhunu əzab verənə verməkdir. Çarlz Dikkens
  • Əslində ağıllı bir insan, bunu siz də çox yaxşı bilirsiniz, quldur olub cəmiyyətə yalnız şiddətlə hökm etmənin xəyalini qurar. Bu da bəzi romanlarda oxuduğumuz qədər asan olmadığından, ümumiyyətlə siyasətə girilər, ən zalım partiyaya qaçılır. Ağılımızı ayaq altına alırmışıq, nə əhəmiyyəti var, deyilmi? Beləcə dünyaya hökm edə bildikdən sonra.. İçimdə zülmlə əlaqədar şirin xəyallar tapırdım. Alber Kamyu
  • Əzab- bu dünyada olan qiymətli şeylərin əvəzidir: gücün, müdrikliyin, sevginin. Rabindranat Taqor
  • Əzab və ağrı böyük ürəkləri və dərin ağılları həmişə müşayət edir. Odur ki, həqiqətən böyük adamlar bu dünyada daha çox qəmli olurlar. Fyodor Dostoyevski
  • Əziyyət qapısından çatılacaq dünyanı bilsəydin, yatağını yorğanını satardın. Nəcib Fazil Qısakürək

F[redaktə]

  • Fəlsəfə dünyaya yol göstərə bilməz. O bunu etmək istədikdə gerçəklikdə proses artıq başa çatmış olur. Georq Vilhelm Fridrix Hegel

G[redaktə]

  • Geri dön, Berqman! Kinofilm hərəkəti dünyada hadisəni və icrasını uzun dörd ildir ki, gözləmişdir! Avropa 51 (film, 1952)
  • Gözünə görüş gücü verdimi, gözündə bu aləm kimi yüzlərlə aləm peydahlanar. Sənə görə bu dünya çox böyükdür, sonsuzdur, amma bil ki, Allahın gücünə qarşı bir zərrə belə deyildir. Mövlana Cəlaləddin Rumi

H[redaktə]

  • Hamı dünyanı dəyişməyi düşünür, amma heç kəs özünü dəyişməyi düşünmür. Lev Tolstoy
  • Həqiqət və gözəllik insan həyatında, ümumiyyətlə bütün dünyada başlıca rol oynayıb. Anton Çexov
  • Həqiqətən göylərin və yerin yaradılmasında, gecə ilə gündüzün bir-birini əvəz etməsində (bir-birinin ardınca gəlib getməsində) ağıl sahibləri üçün (Allahın varlığını, kamalını və əzəmətini sübut edən açıq) dəlillər vardır. Qurani-Kərim
  • Hər bir insanın ölümü ilə bərabər ona məxsus hansısa dünyası da dağılır. Sağlığında insan nə qədər ziyalı, ağıllı idisə, dünya da bir o qədər aydın, dəqiq və əhəmiyyətli, onun yox olması isə acınacaqlı idi. Heyvanın ölümü ilə isə yalnız miskin rapsodiya (rapsodiya-qədim Yunanıstanda xalq mahnıları) və hansısa dünyanın eskizi yox olur. Artur Şopenhauer
  • Hər bir varlığın dünyadakı yerini ona göstərən bir üzvü var. İnsanda bu üzv ağıldır. Lev Tolstoy
  • Hər insan öz fikir sahəsinin sərhədlərini dünyanın sərhədləri kimi qəbul edir. Artur Şopenhauer
  • Hər kəs üfüqlərinin sonunu dünyanın sonu üçün alır. Artur Şopenhauer
  • Həyat dünyadan öz sərvətini alır, ona qiyməti isə sevgi verir. Rabindranat Taqor
  • Həyatda hər bir insanın qapısını Fortuna bir dəfə döyür. Amma insan həmin vaxt yaxınlıqdakı pivəxanada əyləşdiyindən, heç nə eşitmir. Dünyada ən miskin şey kütlədir. Ordu da kütlədir. Onlar döyüşə cəsarətli olduqlarına görə getmirlər. Onlara cəsarət verən çox olmaları və onlara əmr verilməsidir. Mark Tven
  • Həyatda olduğunuz müddətcə, ömürü fürsət bilin. Bir müddət sonra həyat qapısı bağlanacaq, bu dünyadan ayrılacaqsınız. Gücünüz çatdığı müddətcə xeyirli işlər etməyi qənimət bilin. Tövbə qapısı açıqkən və əlinizdə bu imkan varkən bunu fürsət bilin. Tövbə edin. Dua etməyə imkanınız varkən, dua edin. Saleh kəslərlə birlikdə olmağı fürsət bilin. Əbdülqədir Geylani
  • Həyatın insanı öyrətməsinin əsasını dünyadakı əzablara qatlaşmaq yox, bu iztirabları. əzabları sevincə , öz xeyrinə çevirmək təşkil edir. Rabindranat Taqor
  • Həyatın mənasının qısa ifadəsi bu cür ola bilər: dünya hərəkət edir və təkmilləşir. Əsas vəzifə bu hərəkətə tövhə vermək, ona tabe olmaq və onunla əməkdaşlıq etmək. Lev Tolstoy

X[redaktə]

  • Xoşbəxtliyin sirri, dünyanın qorxunc, çox qorxunc bir yer olduğu gerçəyiylə üzləşməkdir. Bertran Rassel
  • Xristian dini deyir: “Günahlar vasitəsi ilə dünyaya ölüm daxil oldu”. Ancaq, dünyanın özü ilə müqayisədə ölüm ifadəsi şişirdilmiş, kəskin, səsini ucaldan, ağırçəkili bir ifadədir. Ona görə də, dünya başdan ayağa günahlardan ibarətdir ifadəsi daha düzgündür. Artur Şopenhauer

İ[redaktə]

  • İki barmağını gözünün üstünə qoy. Dünyanı görə bilirsənmi? Görmürsən deyə bu dünya yoxdurmu? Bax Rəbbim də belədir. Mövlana Cəlaləddin Rumi
  • İki şey dünyaya hökm edər; biri qılınc, digəri düşüncə. Qılınc, sonunda düşüncəyə məğlub olar. Napoleon Bonapart
  • İnsan bütün ömrü boyu yuxular görür. Düzdür, bəzən o bir dəqiqəliyə oyanır, süst halda dünyaya baxır, sonra yenidən şirin yuxuya gedir. Mark Tven
  • İnsan hər yerdə insandır və yaradılışında əsilzadəlik olmasa, dünyanın tacını qoysa da, libasını geyinsə də, yenə çılpaq qalar. Mişel de Monten
  • İnsan nəsli təbiətin səhvidir. Onsuz dünya daha gözəl olardı. Mark Tven
  • İnsan həyatının bir dövründə aldanır, o biri dövründə aldadır. Başqa sözlə desək, dünyaya quzu kimi gəlir, tülkü kimi gedir. Volter
  • İnsanın öz dünyasını genişləndirməsi təkcə öz şəxsi həyatı sayəsində deyil, həm də başqa insanların yaşantılarını da öz dünyasına qatması sayəsində mümkün olur. Əbu Turxan
  • İnsanlara nümayiş üçün əməl edib, sonra da bunu Allahu təalanın qəbul etməsini istəmək yaraşarmı? Ehtirası, ərköyünlüyü, azğınlığı və dünyaya düşkünlüyü burax. Sevincini və sevinci bir az azalt. Bir az hüznlü ol. Peyğəmbər əfəndimiz başqasının ürəyini fərahlandırmaq üçün təbəssüm buyurardılar. Əbdülqədir Geylani

K[redaktə]

  • Kimin tərbiyə etməsindən asılı olmayaraq, uşaqlar haqsızlığı çox ağrılı qarşılayırlar. Haqsızlıq kiçik olsa da, uşağın özü də, dünyası da kiçikdir. Onun üçün yırğalanan oyuncaq at, bizim üçün ucaboy İrlandiya atı kimidir. Çarlz Dikkens
  • Kommunistlər hakimiyyətin bütün təsisatlarını, bütün hökumətləri, dünyanın bütün dövlətlərini məhv etmək üçün sivilizasiyaya qarşı sonsuz bir müharibə aparırlar. Onlar bütün dünyanı əhatə etməli olan dilənçilərin, cinayətkarların, fərsizlərin, üsyançıların, xəstələrin, gicbəsər və axmaqların beynəlxalq ittifaqını yaratmağa çalışırlar. Uinston Çörçill
  • Kosmik çevirilişlər nəticəsində neçə dəfə məhv olmasından asılı olmayaraq yer səthi dünya səhnəsində bütün canlılarla, yeni-yeni növlərlə birlikdə dəyişən dekorasiyalardır. Artur Şopenhauer

Q[redaktə]

  • Qəlb dünya arzularından birinə bağlı qaldığı və keçici ləzzətlərdən birinin arxasına ilişib getdiyi müddətcə, mümkün deyil, axirəti sevə bilməz. Əbdülqədir Geylani

M[redaktə]

  • Mən belə qərara gəldim ki, əgər mənim dünyam sizin dünyanınız ola bilmirsə, o zaman sizin dünyanızı özümünkü edərəm. Çarlz Dikkens
  • Mən dünyada kimi təmsil etdiyimi bilmirəm. Özümü həmişə dəniz sahilində gah hamar daşlar, gah qeyri-adi gözəl balıqqulağı taparkən əylənən oğlan uşağı kimi hiss edirəm, qarşımda isə həqiqətin sirli okeanı uzanıb gedir. İsaak Nyuton
  • Mən hara, dünya hara?! Mənim dünyadakı vəziyyətim bir ağacın kölgəsində oturan, sonra onu orada qoyaraq durub gedən müsafir kimidir. Məhəmməd
  • Mən inanıram ki, əsl sevgi və sədaqət son nəticədə dünyadakı hər cür pisliyə və müsibətlərə qalib gələcək. Çarlz Dikkens
  • Mən möhkəm əminəm ki, dünyanı axmaqlar idarə edir. Lev Tolstoy
  • Mən, Müqəddəs Kitabda, doğruluğun əlaməti olan daha çox sübutlar görürəm, nəinki hər hansı dünyəvi tarix üzrə əsərlərdə.[5] İsaak Nyuton
  • Mən təkəm. Öz ürəyimə və insanlara bələdəm. Mən gördüklərimdən fərqli şəkildə yaradıldım; cəsarətlə deyə bilərəm ki, mən dünyada heç kimə bənzəmirəm. Əgər mən başqalarından yaxşı olmasam da, heç olmasa onlar kimi deyiləm. Jan Jak Russo
  • Mənim dindarlığım haqqında xəbərlər ağ yalandır. O yalan ki, inadla təkrarlanır! Mən şəxsi Allaha inanmıram. Allaha olan münasibətimi aydın şəkildə ifadə etmişəm və heç vaxt da sözlərimdən imtina etmirəm. Əgər mənim fikirlərimdən nəsə dini görünürsə, bu, elmin bizə açdığı dünya və onun quruluşuna sonsuz heyranlığımla izah edilə bilər. Albert Eynşteyn
  • Mömin dünyada, zahid axirətdə qəribədir. Arif isə Allahın xaricindəki hər yerdə qəribədir. Əbdülqədir Geylani
  • Möminin çətinliyi hamıdan çoxdur, çünki o həm dünya, həm də axirət işləri ilə məşğul olmalıdır. Məhəmməd
  • Musiqinin əsl gücü dinləyicisini bəstəkarın xəyal dünyasına aparmasıdır. Lüdviq van Bethoven
  • Müasir dünyanın problemlərinin fundamental səbəblərindən biri odur ki, ağıllı insanlar şübhələrlə mübarizə apararkən sarsaqlar özündən əmindirlər. Bertran Rassel
  • Müsəlman öz ruhunun xilası naminə su quyusu qazır. Yaxşı olardı ki, hər bir rus da özündən sonra dünyada bu sayaq xeyirxah bir iz, əməl qoyub gedərdi. Anton Çexov
  • Müstəqil dövləti saxlamağın yeganə yolu kənd təsərrüfatıdır. Dünyanın bütün sərvətinə malik olsanız da, amma yeməyə bir şeyiniz yoxdursa, başqalarından asılı olursunuz... Ticarət sərvət yaradır, lakin kənd təsərrüfatı azadlığı təmin edir. Jan Jak Russo

N[redaktə]

  • Nə vaxta qədər dünyanı zəbt edəcəm, varlığımla bu dünyanı dolduracam deyəcəksən? Dünya, başdan başa qarla dolsa da günəş bir baxdı mı, hərarətlə hamısını əridib gedər. Mövlana Cəlaləddin Rumi

O[redaktə]

  • O şəxs bədbəxtdir ki, onun özəl hissi dünyası özgələşir; yəni ağıl və fikri həyatla, inamla, məhəbbət və etimadla birləşdirən ilməklər qırılır! Georq Vilhelm Fridrix Hegel
  • On dərviş bir kilimdə yatarkən iki padşah bir dünyaya sığmaz. - Sədi

Ö[redaktə]

  • Ölümün zəruriliyini bilərək yaşamağa davam etmək üçün iki vasitə var: birinci vasitə -daima arzu etmək və dünya sevinclərinə qoşulmağa cəhd etməklə ölüm haqqında fikirləri daima boğmaq, ikinci vasitə bu müvəqqəti dünyada ölümlə məhv edilə bilməyən qısa,yaxud uzun bir məna tapmaq. Lev Tolstoy

R[redaktə]

  • Ruhani və cismani dünya həyatın özü yox, qütbləridir. İnsan bu iki qütb arasında yaşayır. Əbu Turxan

S[redaktə]

  • Sizin ən yaxşınız dünyada daha rəğbətsiz, axirətdə isə daha rəğbətli olanınızdır. Məhəmməd
  • Sufilər axirətə görə ağıllı, dünyaya görə dəlidirlər. Əbdülqədir Geylani

T[redaktə]

  • Texnologiyaların sadə insan ünsiyyətini üstələyəcəyi günün mütləq gələcəyindən qorxuram. O halda dünya yaramazlardan, gicbəsərlərdən ibarət bir nəsildən ibarət olacaq. Albert Eynşteyn

U[redaktə]

Ü[redaktə]

  • Üçüncü dünya müharibəsində hansı silahdan istifadə ediləcəyini bilmirəm, amma dördüncü dünya müharibəsində dəyənək və daşlardan istifadə ediləcək. Albert Eynşteyn

V[redaktə]

  • Volter, Yum, Kant sonda hansı nəticəyə gəldilər? O nəticəyə ki, dünya sağalmaz xəstələr üçün hospitaldır. Artur Şopenhauer

Y[redaktə]

  • Yalanla dünyanı gəzərsən, amma geri qayıda bilməzsən. Fyodor Dostoyevski
  • Yalnız hamımıza bir xas olan bir səhv var - xoşbəxt olmaq üçün dünyaya gəldiyimizə inam. Artur Şopenhauer
  • Yaşamaq dünyada ən nadir şeydir. Çoxları sadəcə mövcuddur, vəssalam. Oskar Uayld
  • Yer üzündə təkəbbürlə gəzib dolanma. Çünki sən nə yeri yara bilər, hə də (boyca) yüksəlib dağlara çata bilərsən. [6] Qurani-Kərim

İstinadlar[redaktə]

  1. Xəzinə. Bakı, 1997, səh.131.
  2. Ağıla və qəlbə işıq saçan sözlər. Bakı, 2014. səh.84
  3. Xəzinə. Bakı, 1997. səh.8
  4. Afet İnan, Tarih boyunca Türk Kadının Hak ve Görevleri, Millı̂ Eğitim Basımevi, s. 159.
  5. Two Apologies, by Richard Watson, 1820, p. 57
  6. Ağıla və qəlbə işıq saçan sözlər. Bakı,2014