Uinston Çörçill

Vikisitat saytından
Jump to navigation Jump to search
Uinston Çörçill

Ser Uinston Leonard Spenser Çörçill (ing. Sir Winston Leonard Spencer-Churchill; 30 noyabr 1874 - 24 yanvar 1965) — ingilis siyasi və dövlət xadimi, natiq və yazıçı, 1940-1945-ci və 1951-1955-ci illərdə Böyük Britaniyanın baş naziri və dünyanın bugünkü simasını müəyyənləşdirən əsas şəxslərdən biri. 1953–cü ildə ədəbiyyat üzrə Nobel mükafatına layiq görülmüşdür.



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Axmaq adam heç vaxt öz fikrini dəyişmir.
  • Ağıllı adam bütün səhvləri özü etmir və bu şansı başqalarına da verir.
  • Amerikalılar bütün qalan yolları yoxladıqdan sonra həmişə yeganə düzgün həll yolu tapırlar.
  • Allahın işi mənim işimdən də pisdir və təəssüf ki, o, istefaya da gedə bilmir.
  • Amma Türklər insan deyil ki! Mədəni olmayan millətlərə qarşı qaz istifadə edilə bilər. (Çanaqqalada zəhərli qaz istifadəsinin insanlıq günahı olduğunu söyləyənlərə)
  • Ardıcıl qalmağın ən yaxşı yolu vəziyyətə uyğun dəyişməkdir.
  • Arxasında qara bir kətan tutacaq bir adam tapılmayınca, heş bir ulduz parlamaz.
  • Atlardan zəhləm gedir: ortasında oturanda narahat, kənarlarında isə təhlükəlidir.

B[redaktə]

  • Başlamağa şübhə etməyimə əmin deyiləm; amma əminəm ki, dayanmamalıyam.
  • Bəşəriyyət fırtınada üzən gəmiyə bənzəyir. Kompas zədələnib, dəniz kartları köhnəlib, kapitan suda batıb, matroslar növbə ilə onu əvəz etməlidirlər. Üstəlik, sükanın hər vəziyyətini nəinki ekipaj üzvləri, eləcə də göyərtədəki sərnişinlərlə razılaşdırmaq lazımdır...
  • Bəzən anlaşılmazlıq birinin xəbər göndərməsindən və cavabı çox gözləməsindən yaranır.
  • Bilik nə qədər dövrlərə nəzər salmağa imkan yaradır.
  • Bir damcı neft bir damcı qandan daha qiymətlidir.
  • Bir məqsədə nail olmaq istəyirsinizsə, nəzakətli və ağıllı olmağa çalışmayın. Kobud fəndlərdən istifadə edin. Hədəfi dərhal vurun. Geri qayıdın və yenidən vurun. Sonra çiyninizlə ağır zərbə endirin.
  • Bir milləti idarə etmək dörd uşağı tərbiyə etməkdən daha asandır.
  • Bir saniyə itirmədən, dərhal və qətiyyətlə həyat adlanan döyüş meydanında yer tutmaq lazımdır. Sahib olduğunuz şeylə kifayətlənməyin, məğlubiyyətlə heç vaxt barışmayın. Çünki, dünya fəth edilməsi üçün mövcuddur.
  • Biz Avropanın içində yox, onunlayıq.
  • Biz binalarımıza forma veririk, sonra isə onlar bizə.
  • "Biz əlimizdən gələni edirik" demək faydasızdır. Lazım olanı etmək lazımdır!
  • Bizdən əvvəlki müdriklər deyib: "Köhnələri oxumamış təzə kitablar oxuma". Özüm yazıçı olaraq heç kimə məsləhət görmürəm ki, bu qaydaya ciddi əməl etsin.
  • Bizim həyatımız birtərəfli yol kimidir. Vacib olan odur ki, öz döngənizi qaçırmayasınız. Çünki, artıq geriyə yol olmayacaq.
  • BMT bizim "cənnətə" çatmağımıza kömək etmək üçün deyil, cəhənnəmdən qurtarmaq üçün yaradılmışdır.
  • Bolşeviklər özləri özlərinə çətinliklər yaradır və özləri də bu çətinlikləri uğurla dəf edirlər.
  • Böyüklüyün qiyməti məsuliyyətdir.
  • Bu hesabatın görünməmiş qalınlığı onu oxumaq təhlükəsindən qorudu.
  • Bütün qalanları nəzərə almasaq, demokratiya ən pis idarəetmə formasıdır.
  • Bütün möhtəşəm şeylər sadədir və bəzən bir sözlə ifadə oluna bilir. Azadlıq, şərəf, borc, mərhəmət, ümid.

C[redaktə]

  • Cavanlıqda özümə söz verdim ki, nahara qədər dilimə bir damla spirtli içki dəyməyəcək. İndi artıq yaşlanmışam və səhər yeməyinə qədər bir damla spirtli içki dilimə dəyməməlidir qaydasına əməl edirəm.
  • - Cənab Çorçill, deyə bilərsiniz, sizin bu uğurunuzun sirri nədədir? - Gücə qənaətdə: otura bilirsənsə durma, uzana bilirsənsə, oturma.
  • Cəsarət ayağa qalxıb danışa bilmək olduğu kimi; cəsarət eyni zamanda oturub dinləməyi də bilməkdir.
  • Cəsarət insan xarakterinin ən vacib xüsusiyyətlərindən biridir. Xarakterin digər xüsusiyyətləri cəsarətin sayəsində inkişaf edir.

Ç[redaktə]

  • Çox irəli baxmaq uzaqgörənlik deyil.
  • Çoxları yanğınla yanğınsöndürmə komandasını bərabərləşdirməyə hazırdır.

D[redaktə]

  • Demokratiyaya qarşı ən yaxşı arqument orta seçici ilə beş dəqiqəlik söhbət etməkdir.
  • Dəyişikliyinə əl qoymadığım statistikaya qətiyyən inanmaram.
  • Diktatorlar öz tərcüməçilərindən və diş həkimlərindən qorxmalıdırlar, çünki onlar diktatordan daha güclüdürlər.
  • Diplomat - heç bir şey söyləməmişdən əvvəl 2 dəfə fikirləşən şəxsdir.
  • Döyüşdə həmişə təbəssümlü olmaq lazımdır. Əgər bunu bacarmırsınızsa, dişinizi ağardın. Əgər bunu da bacarmırsınızsa, o halda bu cür işlərə soxulmayın.
  • Döyüşdə manevr etməyi bacaran qalib gəlir. Generalitet nə qədər ağıllı olarsa, o, manevrdən daha çox istifadə edər və bununla da qan tökülməsini azaldar.
  • Döyüşlər qətlin və manevrlərin vasitəsi ilə qazanılır. Təcrübəli general döyüşdə manevrlərdən istifadə edərsə, döyüş daha az qurban tələb edər.
  • Dövlət xadiminin siyasi xadimdən fərqi bundadır ki, siyasətçi gələcək seçkiləri, dövlət xadimi isə gələcək nəsilləri düşünmək üçün fəaliyyət göstərir.
  • Dövlətin daha dəqiq reputasiyası ala biləcəyi borcun miqdarı ilə müəyyən edilir.
  • “Dünən” ilə “bu gün” arasında dava düşsə, itirən “sabah” olar.
  • Dünyada dildən-dilə gəzən saysız-hesabsız yalanlar var. Ən dəhşətlisi də odur ki, bu yalanların yarısı doğrudur.
  • Dünyada ortalıqda gəzən bir çox bərbad yalan var, ən pisi də yarısının doğru olması.
  • Düşüncə ilə davranış arasında məsafə yoxdur.
  • Düşünmürəm ki, uzun müddət samanlıqda yatan itin bu samanlığa müstəsna hüququ olsun. Mən belə bir hüququ qəbul etmirəm. Mən, məsələn Amerikalı hindulara və ya Avstraliyadakı yerli əhaliyə hansısa haqsızlığın edildiyini də qəbul etmirəm. Mən, həmçinin daha güclü, daha inkişaf etmiş, daha ağıllı irqə mənsub insanların gəlib yerli əhalini sıxışdıraraq onların yerini tutmasını və nəticədə bu əhaliyə ziyan vurulması fikrini də qəbul etmirəm.
  • Düşünürəm ki, tarix mənə hörmətlə yanaşacaq. Belə ki, bu tarixi özüm yazmağa hazırlaşıram.

E[redaktə]

  • Elədiyin şey özünə qayıdacaq.

Ə[redaktə]

  • Ədalət-qaliblərin düşərgəsindən əbədi qaçışdır.
  • Əgər adam öldürməyi qərara almısınızsa, nəzakətli olmaq sizin üçün heç nədir.
  • Əgər cəhənnəmin içi ilə gedirsənsə, dayanma. (Əgər cəhənnəmə düşdünsə, dayanma, yoluna davam et).
  • Əgər Hitler cəhənnəmə getsə, mən şeytanın şərəfinə mədhiyyə oxuyaram.
  • Əgər insan oğurluq etməyi bacarmırsa, o böyük işləri də həyata keçirməyə qadir deyil.
  • Əgər qəzetlər siqareti atmaqdan yazmağa başlasalar, mən siqareti atmaqdansa, qəzet oxumağı ataram.
  • Əgər mübahisədə sizin sözünüzün son söz olmasını istəyirsinizsə, oppenentə deyin: "Deyəsən, siz haqlısınız".
  • Əgər neft kraliçadırsa, Bakı onun taxtıdır.
  • Əgər nəyəsə təəccüblənə bilirsinizsə, deməli, hələ cavansınız.
  • Əgər siz gününüzə kofeinsiz başlayırsınızsa, həmişə şən olursunuzsa, ağrılara, nasazlıqlara məhəl qoymursunuzsa, öz problemlərinizlə insanları narahat etmirsinizsə, şikayət etmirsinizsə, hər gün eyni yeməyi yeyirsinizsə və buna görə minnətdarsınızsa, sevdiyiniz insanın sizə baxmağa vaxtı olmayanda onu başa düşürsünüzsə, sizin heç bir günahınız olmadığı halda sevdiyiniz insanın ittihamlarını qulaqardına vura bilirsinizsə, tənqidi sakit qəbul edə bilirsinizsə, kasıb dostunuzla, zəngin dostunuzla eyni cür rəftar edirsinizsə, yalandan və aldatmadan uzaq dura bilirsinizsə, stresslə dərmansız mübarizə apara bilirsinizsə, özünüzü içkisiz yaxşı hiss edirsinizsə, dərmansız yuxuya gedə bilirsinizsə, səmimi olaraq dəri rənginə, dini inanclara, cinsi oriyentasiyaya və siyasətə qarşı qərəziniz olmadığını söyləyirsinizsə, deməli siz itinizin inkişaf səviyyəsinə çatmışınız.
  • Əgər şərəfinizə və sağlam düşüncənizə zidd deyilsə, heç vaxt təslim olmayın - heç vaxt, heç vaxt, heç vaxt, heç vaxt, nə böyükdə, nə kiçikdə, nə iridə, nə xırdada. Heç vaxt, gücə, rəqibinizin gücündən açıq-aşkar üstün olan gücə təslim olmayın.
  • Əminəm ki, bu gün biz öz taleyimizin sahibiyik, biz öz payımıza düşən sınaqlardan üstün ola bilərik; mən zəhmətin, iztirabların yükünü daşıya bilərəm. Nə qədər ki, biz öz işimizə inanırıq, qələbəyə əzmimiz sarsılmazdır, qələbəni bizdən ala bilməzlər.
  • Ən parlaq nailiyyətim arvadımı evlənməyə razı salmağımdır.
  • Ən yaxşı investisiya körpə uşağın südünə qoyulan investisiyadır.
  • Əsəbi olduğum vaxtlarda heç bir qərar qəbul etmirəm.

F[redaktə]

  • Fanatik, baxışlarını, mövzunu dəyişə bilməyən insandır.
  • Faşizm kommunizmin kölgəsi və eybəcər yetişdirməsi idi.

G[redaktə]

  • Generallar həmişə keçmiş müharibəyə hazırlaşırlar.
  • Gələcəkdən qorxmayın. Ona baxın, onun hesabına aldanmayın, lakin qorxmayın. Dünən mən kapitan körpüsünə qalxdım və dalğaları inamla yaran gəmini gördüm. Və mən özümdən soruşdum ki, niyə gəmi dalğalara qalib gəlir, baxmayaraq ki, dalğalar çoxdur, amma gəmi birdir? Və başa düşdüm ki, gəminin məqsədi var, dalğaların isə yox. Əgər məqsədimiz varsa, biz həmişə istədiyimiz yerə gələcəyik.
  • Gözəl qadını acılamaq asan məsələ deyil. Çünki, o sizin sözlərinizdən çirkinləşməyəcək.
  • Güclü, susqun adam ona görə susur ki, onun deməyə heç bir sözü olmur.

H[redaktə]

  • Hamı ilə razılaşanla heç kim razılaşmır.
  • Həddindən artıq üzvü olan klub daha klub deyil.
  • Həqiqət çox şaxəlidirsə, yalan çox səslidir.
  • Həqiqət şalvarını geyincə, yalan dünyanın yarısını dolaşar.
  • Hər bir insan bütün həyatı boyu özünün “böyük şans” ı ilə üzləşir. Bədbəxtlikdən, bizim əksəriyyətimiz bu üzləşmədə yıxılmayıb ayağa qalxır, silkələnib və heç nə olmamış kimi yolumuza davam edirik.
  • "Hər şeydən əvvəl ehtiyatlılıq" şüarı altında müharibəni udmaq olmaz.
  • Hərbi əsir- səni öldürmək istəyən, amma nail olmayan, sonra səndən onu öldürməməyi xahiş edən adamdır.
  • Həyat yolu ilə addımladıqca öz kainatınızı yaradırsınız.
  • Həyatda sənə güllə atılarkən güllənin boşa çıxması qədər ruhlandırıcı heç nə ola bilməz.
  • Hindistan coğrafi bir termindir. Onu millət adlandırmaq, ekvatoru millət adlandırmaq kimi bir şeydir.
  • Hitlerin sisteminə nifrət etmək olar, amma onun vətənpərvərlik naliyyətlərinə heyran qalmamaq olmaz. Əgər bizim ölkəmiz məğlub olsa, ümid edirəm ki, bizdə də belə bir heyranedici, layiqli lider tapılacaq və o bizə yenidən cəsarət verəcək, başqa millətlər arasında yerimizi bizə qaytaracaqdır.

X[redaktə]

  • Xalçanın altında buldoqların boğuşması.
  • Xaricdə olarkən ölkəmin hökumətini heç vaxt tənqid etmirəm, ancaq geri qayıtdıqdan sonra bunun əvəzini artıqlaması ilə çıxıram.
  • Xəbərlər etmək onu danışmaqdan yaxşıdır.
  • Xoşbəxtlikdən, həyat hələlik çox sakitdir, əks halda, beşikdən qəbirə qədər yolu çox sürətlə dəf edərdik.

İ[redaktə]

  • İndiki vaxtla keçmiş arasında mübahisə yaratsaq, gələcəyimizin itirildiyini görəcəyik.
  • İngilislər antisemit (antisemit-yəhudiləri sevməyən adam) deyil, çünki biz özümüzü yəhudilərdən axmaq hesab etmirik.
  • İnsanların sülh istəyi müharibə qorxusundan doğur.
  • 20 yaşında sosialist olmayanın ürəyi yoxdur, 40 yaşına qədər sosialist qalanın isə ağlı.

K[redaktə]

  • Kapitalizmin anadangəlmə qüsuru- maddi nemətlərin qeyri-bərabər bölünməsi; sosializmin anadangəlmə üstünlüyü- yoxsulluğun bərabər bölünməsi.
  • Keçmişə nəzər salanda, ölüm yatağında olan bir qocanı xatırlayıram. O deyirdi ki, onun həyatı xoşagəlməz hadisələrlə dolu olub, amma onların əksəriyyəti baş tutmayıb.
  • Kifayət qədər erkən, öyrənilməsi mümkün olan səhvlər edən böyük üstünlüyə malik olur.
  • Kimin ki, 20 yaşı var və hələ sosialist deyil - onun ürəyi yoxdur. Kimin ki, 40 yaşı var və hələ sosialist olaraq qalır - onun ağlı yoxdur.
  • Kommunistlər hakimiyyətin bütün təsisatlarını, bütün hökumətləri, dünyanın bütün dövlətlərini məhv etmək üçün sivilizasiyaya qarşı sonsuz bir müharibə aparırlar. Onlar bütün dünyanı əhatə etməli olan dilənçilərin, cinayətkarların, fərsizlərin, üsyançıların, xəstələrin, gicbəsər və axmaqların beynəlxalq ittifaqını yaratmağa çalışırlar.

Q[redaktə]

  • Qartallar susanda tutuquşular danışır.
  • Qatili öldürməklə qatillərin sayı dəyişməyəcək.
  • Qəhvə çox fərdi içkidir. Onu konyak kimi krujkalarla içmək olmaz!
  • Qərbdə ordular bu ölkələr üçün çox böyük idi. Ölkənin şərqi isə ordu üçün həddindən artıq böyükdür.

L[redaktə]

  • Liberalizm sosializm deyil və heç vaxt da olmayacaq. Sosializm zənginliyi, liberalizm isə yoxsulluğu aradan qaldırmağa çalışır. Sosializm şəxsi marağı məhv edir, liberalizm onu cəmiyyətin hüquqları ilə ölçərək qoruyur. Sosializm sahibkarlığı məhv edir, liberalizm yalnız onu imtiyazlar boyunduruğundan azad edir. Sosializm tənzimləni, liberalizm isə insanı. Sosializm kapitalı, liberalizm isə inhisarçılığı tənqid edir.

M[redaktə]

  • Məktəb müəllimləri baş nazirin yalnız xəyal edə biləcəyi hakimiyyətə malikdirlər.
  • Məktəbin təhsillə heç bir əlaqəsi yoxdur. Bu, uşaqlara yataqxana şəraitinin əsaslarını öyrədən bir nəzarət institutudur.
  • Mən artıq bu yaşımda özümü pis hiss edə bilmərəm.
  • Mən çox asanlıqla ən yaxşıya qane oluram.
  • Mən çoxdandır ki, hamının məni günahlandırmağa çalışdığını müşahidə edirəm. Görünür, onlar düşünürlər ki, günah hissi məni bəzəyir.
  • Mən donuzları sevirəm. İtlər bizə aşağıdan yuxarıya, pişiklər yuxarıdan aşağıya baxırlar. Donuzlar isə bizimlə bərabər baxırlar.
  • Mən gənc olanda inqilabçı idim. Ancaq siz yetkin və müdrik olanda mühafizəkarlar olmağa borclusunuz.
  • Mən həmişə belə bir qaydaya əməl etmişəm: dura bilirsənsə qaçma, otura bilirsənsə durma, uzana bilirsənsə, oturma.
  • Mən içkidən içkinin məndən aldığından daha çox şey almışam.
  • Mən nikbinəm. Başqa bir şey olmağın xüsusi bir faydasını görmürəm.
  • Mən öyrənməyə həmişə şadam, amma başqalarının məni öyrətməsi ürəyimcə deyil.
  • Mən öyrənməyi çox sevirəm, ancaq başqa birisinin mənə nəsə öyrətməsinə dözə bilmirəm.
  • Mən sizə Rusiyanın necə hərəkət edəcəyini qabaqcadan deyə bilmərəm. Bu sirr dolu tapmacadır. Amma mümkündür ki, onun açarı var. Bu açar rus milli marağıdır.
  • Mən Tanrı ilə görüşə hazıram. Bəs Tanrı bu çətın sınağa hazırdırmı?
  • Mən vəkilə həkimdən iki dəfə çox pul ödəyirəm. Çünki həkim məni dinləyib bir resept yazır və gedir. Ağrını, sancını mən tək çəkirəm. Amma vəkilimə dərdimi danışandan sonra sanki üstümdən ağır bir yük götürülür. Çünki danışdığım şey artıq vəkilin problemidir və bu problemi yalnız o həll etməlidir.
  • Məndən tez-tez soruşurlar: “Biz nə üçün vuruşuruq?” Cavab verə bilərəm: “Vuruşmağı dayandıraq, onda bilərsiniz”.
  • Mənə deyirlər ki, ruslar insan məxluqları deyillər. Təbiət cədvəlində onlar oranqutanlardan aşağıda yerləşirlər.
  • Mənim istədiyim yeganə şey konstruktiv müzakirədən sonra arzularımla razılaşmaq idi.
  • Məsələ yaşda yox, ünsiyyət mədəniyyətində və intellektual inkişaf səviyyəsindədir.
  • Məsuliyyət, hakimiyyət üçün ödədiyimiz qiymətdir.
  • Mövcud siyasi institutlarda bəzən başqalarının fikirləri ilə hesablaşmaq lazım gəlir.
  • Mövqe böyük dəyişikliklər yaradan balaca bir şeydir.
  • Müharibə - bu, başqalarının maraqları naminə tamamilə günahsız insanların məhv olmasıdır.
  • Müharibə, ümumiyyətlə kobud səhvlərin kataloqudur.
  • Müharibə vaxtı Çörçill həmişə saat 9-dan yatmağa gedərmiş. Biri dəfə də ondan: “Cənab Çörçill, ölkədə müharibə var, siz niyə yatırsınız?” – soruşurlar. Çörçill də: “İngiltərənin sabah sağlam və dinc Çörçillə ehtiyacı var”, — deyə cavab verib.
  • Müharibə zamanı həqiqət o qədər qiymətli olur ki, onu yalanın keşikçiləri qorumalıdır.
  • Mükəmməlləşmək dəyişmək deməkdir. Mükəmməl olmaq tez-tez dəyişməkdir.
  • Münasibətləri korlamağın ən yaxşı üsulu onları aydınlaşdırmaqdır.
==
  • Narahatlığa vaxt itirmək üçün çox məşğulam.

O[redaktə]

  • O, qətiyyətsizliyi ilə hamıdan qətiyyətli, zəifliyi ilə hamıdan güclüdür.
  • O, məndə nifrət oyadan bütün fəzilətlərə malik idi, amma məni heyran edə biləcək heç bir qüsura malik deyildi.
  • O vaxtaşırı həqiqətlə rastlaşır, "bağışlayın" deyib yoluna davam edir.
  • On min sərəncam olan yerdə qanuna heç bir hörmət ola bilməz.

Ö[redaktə]

  • Ölkəmin əhalisi konstitusiyaya uyğun olaraq, yaşadıqları idarəetmə formasını seçmək və ya dəyişdirmək üçün gizli səsvermə yolu ilə azad seçkilər keçirmək hüququna malikdirlər və olmalıdırlar.
  • Öz dilini yaxşı bilməyən, başqasının dilini öyrənə bilməz.

P[redaktə]

  • Pessimist hər fürsətdə çətinliklər, optimist isə hər çətinlikdə imkanlar görür.
  • Pul yığmaq yaxşı şeydir. Xüsusilə də bunu valideynləriniz ediblərsə...
  • Pulsuz sülh olmaz.

R[redaktə]

  • Ruslar dardüşüncəli, sırtıq, hətta axmaq görünə bilərlər, amma onların qarşısına çıxanlara dua etməkdən başqa ayrı əlac qalmır.
  • Ruslara hər zaman lazımi qiymət verilməyib. Buna baxmayaraq, onlar sirlərini həm düşmənlərindən, həm də dostlarından gizli saxlamağı bacarırlar.

S[redaktə]

  • Sağlamlıq və zənginlik diləməyin, ancaq uğurlar diləyin, çünki Titanikdə hamı varlı və sağlam idi, amma uğur tək-tük adama qismət oldu və onlar sağ qaldılar!
  • Sənin düşmənlərin var? Yaxşı. Deməli, sən nə vaxtsa, nəyisə müdafiə etmisən.
  • Sitatları həmişə yoxla: özününküləri söyləməmişdən qabaq, özgələrinkini isə söylənildikdən sonra.
  • Siyasət də müharibə kimi maraqlıdır. Amma daha təhlükəlidir. Müharibədə sizi yalnız bir dəfə öldürə bilərlər, siyasətdə isə dəfələrlə.
  • Siyasətçi sabah, bir həftə, bir ay və bir il sonra nə olacağını proqnozlaşdırmağı və sonra bunun niyə baş vermədiyini izah etməyi bacarmalıdır..
  • Siyasətçinin ən mühüm keyfiyyəti gələcək hadisələri düzgün qiymətləndirib vaxtında tədbir görməsidir.
  • Strategiya nə qədər mükəmməl olursa-olsun, arabir nəticələrinə də göz gəzdirmək lazımdır.
  • Sülhməramlı - timsahın onu ən sonda yeyəcəyi ümidi ilə timsahı bəsləyən adamdır.

Ş[redaktə]

  • Şahin quşu küləyin istiqamətində yox, küləyə qarşı uçanda yüksəyə qalxır.
  • Şəraitdən istifadə etmək azdır, onu yaratmağı bacarmaq lazımdır.

T[redaktə]

  • Tarixi öyrənin. Tarixdə siyasi uzaqgörənliyin bütün sirləri var.
  • Təbliğat lazım gələrsə, yalan üstündə də qurular.
  • Təcrübə insanın işinə həmişə yaraya bilməz. Çünki heç bir hadisə eyni formada iki dəfə təkrarlanmır.
  • Tənqidlə razılaşmamaq olar, amma vacibliyi danılmazdır. O, bədəndəki hər hansı ağrı ilə eyni funksiyanı yerinə yetirir; diqqətini bədəninin qeyri-sağlam yerinə yönəldir.

U[redaktə]

  • - Uinston, əgər mən sizin arvadınız olsaydım, qəhvənizə zəhər qatardım. - Əgər mən sizin əriniz olsaydım, o qəhvəni içərdim.
  • - Uinston, siz sərxoşsunuz! - Düzdür. Siz isə eybəcərsiniz. Mən sabah səhər ayılacam, amma siz eybəcər də qalacaqsınız.
  • Uğur hələ nöqtə deyil, uğursuzluq hələ son deyil: əhəmiyyət kəsb edən yeganə şey mübarizəni davam etdirmək cəsarətidir.
  • Uğur, həvəs itirmədən bir uğursuzluqdan digərinə addımlamaq bacarığıdır. (Uğur qazanmaq, iradəsini itirmədən ardıcıl məğlubiyyətlərə dözmək bacarığı deməkdir).
  • Uğur sonsuz deyil; uğursuzluq da ölüm deyil. Əsas olan davam etmək üçün cəsarətini toplamaqdır.
  • Uzun ömürlülüyümə görə idmana borcluyam. Mən onunla heç vaxt məşğul olmamışam.

Y[redaktə]

  • Yaradanla görüşməyə hazıram. Amma məsələ ondadır ki, Yaradan da mənimlə görüşmək kimi çətin sınağa hazırdırmı?
  • Yaşayışı aldıqlarımızla qururuq, həyatımızı verdiklərimizlə.
  • Yer üzündə İsa peyğəmbərin meydana gəlməsində, Hitlerin doğulmasında günahkar demokratiyadır.

V[redaktə]

  • Vaxt və pul bir-birinə bağlıdır.
  • Vicdanı olmayan xalqın ruhu da olmaz. Ruhu olmayan xalq sağ qala bilməz.

Z[redaktə]

  • Zaman pis məsləhətçidir.
  • Zaman və pul, ümumiyyətlə bir-birini əvəz edir.
  • Zarafat çox ciddi şeydir.