Lev Tolstoy

Vikisitat saytından
Keçid et: naviqasiya, axtar
Lev Tolstoy

Lev Nikolayeviç Tolstoy - rus yazıçısı və mütəfəkkiri.

A[redaktə]

  • Adamlar qarşısında həyalı olmaq yaxşı hissdir-öz-özünün qarşısında həyalı olmaq daha yaxşıdır.
  • Ailə kişi üçün bir malikanə, qadın üçün isə bir istehkamdır.
  • Ağıla mümkün qədər çox qida verməyə çalışın.
  • Alimliyə bir tac kimi baxma, onunla öyünəsən, bir inək kimi baxma, onu sağasan.

B[redaktə]

  • Başqa hər şey də olduğu kimi riyazi bir nəzəriyyə üçün də elədir; gözəllik qəbul edilə bilər lakin açıqlana bilməz.
  • Başqaları üçün özünüzü unudun o zaman sizi də xatırlayacaqlar.
  • Başların sayı qədər düşüncə növü olduğu kimi, qəlblərin sayı qədər də sevgi növü vardır.
  • Bəd əməllərin kökü bəd fikirlərdir.
  • Bilik o vaxt bilikdir ki, o hafizə gücünə deyil, əql gücünə qazanılmışdır.
  • Biliklərin çoxluğu yox, keyfiyyəti əhəmiyyətlidir. Çox şey bilən, ən lazımlı şeyləri bilməyə bilər.
  • Bilməməkdən qorxma, səhv bilməkdən qorx! Çünki bütün fəlakətlər ondan baş verir.
  • Bir insanı olduğu mövqe ilə deyil, göz qoyduğu mövqe ilə ölçmək lazımdır.
  • Birinin digəri üzərində hakimiyyəti ilk növbədə hökmranlıq edəni məhv edir.
  • Biz həm qurdların doymasını, həm də qoyunların sağ qalmasını istəyirik.
  • Biz yalnız başqaları üçün yaşayan zaman özümüz üçün yaşayırıq.
  • Bizim hamımızın həyatdakı tək məqsədi sadəcə olaraq sevgini böyütməkdir.
  • Böyük həqiqətlər ən sadə olanlardır.
  • Böyük izlər qoyan böyük fikirlər həmişə sadədir.
  • Böyük nəticələrə sahib olmuş bütün fikirlər öz sadəliyi ilə seşilib.
  • Bütün xoşbəxt ailələr bir-birlərinə bənzəyirlər, hər bədbəxt ailənin isə özünə xas bir bədbəxtliyi vardır.

D[redaktə]

  • Dil mədəniyyətlə birgə boy atır.
  • Dil millətin ruhudur. Dil ideyanın, hissin, təfəkkürün canıdır.
  • Doğruçuluq olmayan yerdə xeyirxahlıq da olmaz.
  • Dünya əziyyət çəkən insanların hesabına fırlanır.
  • Düzgünlük hər yerdə, xüsusən də tərbiyədə başlıca şərtdir.

E[redaktə]

  • Elə bir yaramaz yoxdur ki, axtarsa, hansısa baxımdan, özündən daha yaramazını tapmasın. Buna görə özlərindən razı olurlar.
  • Elə şərait yoxdur ki, insan alışa bilməsin, bütün ətrafdakıların o şəraitdə yaşadığını bilən adam üçünsə alışmaq daha asandır.
  • Elə xoruzlar var ki, banladıqları üçün səhərin açıldığını düşünürlər.
  • Elmin vəzifəsi adamlara xidmət etməkdir.
  • Evliliyə müqəddəslik verən, eşqdir.

Ə[redaktə]

  • Ən böyük həqiqətlər – ən sadə şeylərdir.
  • Ən heyrətamiz yanılmalardan biri budur: insan xoşbəxtliyinin heç nə etmədən oturmaq olduğunu düşünürlər.
  • Ən yaxşı tərbiyə - yaxşı nümunədir.
  • Əsl sevgi bir insanı sevmək deyil, ruh halını hamını sevməyə hazırlamaqdır.
  • Əvvəllər fahişələrlə yatıb sonra ev qızlarını alırdıq. İndi ev qızlarını alıb fahişələrlə yatırıq.

G[redaktə]

  • Gözəl bir gülüş qaranlıq evə girən günəş işığına bənzər.
  • Gözəl olan sevgili deyil, sevgili olan gözəldir.
  • Güclü insanlar həmişə sadədir.

H[redaktə]

  • Hakimiyyət öz gücünü xalqın savadsızlığından alır, özü də bunu bilir, odur ki, həmişə maarifçiliklə mübarizə aparacaq.
  • Haqlı bir düşüncənin baş verməməsi mümkün deyil.
  • Hamı insanlığı dəyişmək istəyir, ancaq heç kim özünü dəyişmək haqqında düşünmür.
  • Hamı planlar qurur, ancaq heç kim bilmir ki, axşama qədər yaşaya biləcəkmi.
  • Hamımız itirdiyimiz, ya da əlimizin yetmədiyi hər şey üçün zamanı günahlandırırıq. Zamanın dili olsa, danışsa, hamımız utanarıq.
  • Hamıya elə gəlir ki, bizi yaxşı olduğumuzdan sevirlər. Heç ağlımıza gəlmir ki, bizi yaxşı olduqlarına görə sevirlər.
  • Heykəli görünüşü, insanı əməlləri zinətləndirir.
  • Həqiqət hər yerdə, xüsusilə tərbiyədə vacib şərtdir.
  • Həqiqəti sevən adamı yalançı qohumlarından üstün tut.
  • Hər xoşbəxtlik bir-birinin eynidir, amma hər bədbəxtlik özünə xasdır.
  • Hər kəs insanlığı dəyişdirməyi düşünür, amma heç kim əvvəl özünü dəyişdirməyi düşünmür.
  • Hər kəs insanlığın pisə getdiyini qəbul edər də; Heç kim özünün pisə getdiyini qəbul etməz.
  • Hər şey gözləməyi bilən insana öz-özlüyündən gələr.
  • Hər zaman qəlbimizdən gələn və doğru olduğuna inandığımız səsə tabe olmalıyıq. Çünki o səs heç bir zaman yalan söyləməz.
  • Həsəd insanı alçaldan və kiçildən duyğudur.
  • Həyatdan qəfil hədiyyələr gözləməkdən əl çək, həyatını özün qur.
  • Həyatın ən gözəl tərəfi özünü tanımaqdır. Ancaq bunu bilmək bədbəxtliyə də apara bilər.
  • Hiyləgərliklə edilən "xeyirxahlıq" aşkar edilən açıq bədxahlıqdan qat-qat artıq nifrət doğurur.

X[redaktə]

  • Xeyirxahlıq səmimilikdən, yaxşılıq düzgünlükdən ayrılmazdır.
  • Xoşbəxt olmaq istəyiriksə. həqiqi həyatın cismdə deyil, ruhda olduğuna inanmalıyıq.
  • Xoşbəxt olmaq üçün xoşbəxtliyin mümkün olduğuna inanmaq lazımdır.
  • Xoşbəxtliyi və həqiqəti axtarın, qalan hər şey sizə bəxş olunacaqdır. Lakin insan qalan şeyləri axtarır daima…

İ[redaktə]

  • İdeal - yol göstərən mayakdır.
  • İdealsız düzgün istiqamət götürmək, istiqamət götürmədən də yaşamaq olmaz.
  • İqtidar, ancaq onu əyilib ala bilmə cəsarətini göstərənlərə verilir.
  • Inam vicdanın iradə ilə razılaşmasıdır.
  • İnanc həyatın qüvvətidir.
  • İnsan həmişə xoşbəxt olmalıdır. Xoşbəxtlik sona çatırsa harda səhv etdiyini axtarmalıdır.
  • İnsanın doğruçuluq səviyyəsi onun mənəvi kamillik dərəcəsinin göstəricisidir.
  • İnsanın xoşbəxtliyi haqqında yanlış və təəccüblü olan bir şey var: onun heç nə etməməsi.
  • İnsanlar adətən öz vicdanlarının təmizliyilə qürrələnirlər, çünki yaddaşları zəifdir.
  • İnsanlar çox dəyişdi, diqqət yetirmək lazımdır, biriylə əl sıxışdıqdan sonra, beşi də yerindəmi deyə, barmaqlarını saymaq məcburiyyətindəsən.
  • İnsanlara ən ədalətli şəkildə paylanan nemət ağıldır. Çünki heç kim ağlından şikayətçi deyildir.
  • İşıq saça bilmirsənsə, heç olmasa, işığın qabağını kəsmə.
  • İşləmək məcburiyyətindəyəm, yoxsa əxlaqım pozular.

K[redaktə]

  • Kimi sevirsənsə deməli yaşayırsan – sevgi budur.

Q[redaktə]

  • Qadın elə bir mövzudur ki, onu nə qədər araşdırırsan araşdır hər vaxt yenidir.
  • Qadının saxladığı yeganə sirr yaşıdır.
  • Qorxaq dost düşməndən də qorxuludur, çünki düşməndən ehtiyat etdiyin halda, dosta bel bağlayırsan.
  • Qoy hər kəs öz qapısının ağzını süpürsün. Onda bütün küçə təmiz olar.

M[redaktə]

  • Məhəbbət ölümü məhv edir və onu boş xəyala çevirir. O, həyatı mənalı, xoşbəxt edir.
  • Mən Allaha inanıram. Onu hər şeyin başlanğıcı, ruh və sevgi kimi qavrayıram. Mən ondayam, o da məndə. Hamının Tanrı kimi qəbul elədiyi İsaya dua etməsini ən böyük günah sayıram.
  • Məndə sevdiyim hər şey yoxdur. Amma əlimdə olan hər şeyi sevirəm.
  • Məsələ çox bilməkdə deyil, lazım olanı bilməkdədir.
  • Müəllim üçün öyrətmək asan olduqca, şagird üçün öyrənmək çətin olur.
  • Müharibənin nəticələri həmişə böyük fəlakət və ümumi əxlaq pozğunluğuna gətirib çıxaracaq.

N[redaktə]

  • Nə qədər baş varsa, o qədər düşüncə tərzi olduğuna görə, nə qədər ürək varsa, o qədər də sevmək tərzi var.

Ö[redaktə]

  • Ölmək üçün doğulmuşdur insan, ona görə də hər yağış sonrası torpaq qoxusunu sevər.
  • Özündən başqa heç kimə pislik etmə.

P[redaktə]

  • Pislik bizim içimizdədir, daha doğrusu elə yerdədir ki, onu oradan çıxartmaq mümkündür.

S[redaktə]

  • Sadəlik, xeyirxahlıq və həqiqət olmayan yerdə dahilik yoxdur.
  • Sadəlik mənəvi gözəlliyin əsas şərtidir.
  • Sevgisiz yaşamaq asandır, ancaq mənasızdı.
  • Sevgisiz yaşamaq daha asan olardı. Amma nə mənası olardı o həyatın?!
  • “Sən yalanların içində yaşayırsan, mən isə həqiqətlərin” — Bir insanın digərinə deyə biləcəyi ən amansız sözdür bu.
  • Söz böyük şeydir, ona görə böyükdür ki, sözlə insanları birləşdirmək də olar, ayırmaq da, sözlə məhəbbət də qazanmaq olar ədavət və düşmənçilik də.
  • Sus, ya da susmaqdan da qiymətli söz söylə!

Ş[redaktə]

  • Şagirdlər müəllimlərin səhvləri kimi heç bir şeyi möhkəm yadda saxlamırlar.
  • Şər içimizdədir, yəni çıxarılması mümkün olan yerdə.
  • Şair həyatında yaxşi nə varsa götürür və öz əsərinə daxil edir. Ona görə onun əsəri gözəl, həyatı isə çirkin olur.
  • Şikayətləndiyiniz həyat bəlkə də başqası üçün xəyaldır.

T[redaktə]

  • Tərbiyə ilə təhsil ayrılmazdır.

U[redaktə]

  • Uğurun asılı olduğu yeganə şərt səbrdir.

V[redaktə]

  • Vaxt rahatlıq bilmədən əbədi hərəkətdədir və onu başqa cür düşünmək olmaz.
  • Vətənə məhəbbət mücərrəd anlayış deyil, o, təşkilatçılıq, inkişaf və mədəniyyət tələb edən real mənəvi qüvvədir.
  • Vicdan-insanların həyatının doğru yol göstəricisidir.

Y[redaktə]

  • Yaxşı kitab eynən ağıllı bir adamla söhbət etməkdir. Oxucu kitabdan bilik alır, həyatı ümumiləşdirmək, dərk etmək qabiliyyətini öyrənir.
  • Yaxşı nümunə uşaq üçün ən yaxşı tərbiyədir.
  • Yaxşı şeylər gözləməyi bacaran adama gəlir.
  • Yalan həmişə çoxsözlü, mürəkkəb, qəlizttəmtəraqlı olur.
  • Yalnız gözləməyi bilənlərə hər şey gələcək.

Məqalə ilə əlaqəli digər Vikimedia səhifələri:

Wikimedia Commonsda Lev Tolstoy ilə əlaqəli mediafayllar var.

Vikpediyada Lev Tolstoy haqqında məqalə var.

Mənbə[redaktə]

  • f.e.n. B.Çərkəsov "Aforizmlər və hikmətli sözlər", elmi redaktor: f.e.d. K.Məmmədov, Bakı, Azərnəşr, 2005-ci il, səh. 111.
  • Aforizmlər və hikmətli sözlər. Bakı,2005