Azərbaycan atalar sözləri/M

←L

Azərbaycan atalar sözləri Müəllif: Şifahi xalq ədəbiyyatı

N→

Həmçinin baxın: Haqqında • < Mündəricat

• Mal gedər bir yana, iman gedər min yana.
• Mal itdi, iman itdi.
• Mal yiyəsinə oxşamasa haramdı.
• Malı gedənin imanı da gedər.
• Malı qırov öldürər, qışın adı bədnamdır.
• Malı mal yanında tanıyarlar.
• Malı yox - oğru apara, imanı yox - şeytan apara.
• Malım budu, yarısı sudu, alsan da budu, almasan da.
• Malın əziz tutan canın zəlil tutar.
• Maşını sürdüm daşlığa soxaram belə qardaşlığa
• Malın tapıldı, üzün qara oldu.
• Malın yeməzin malını yeyərlər.
• Malını bəylər apardı, camalına nə oldu?!
• Malını itlər yeyər, canını bitlər.
• Malını yaxşı saxla, qonşunu oğru tutma.
• Mamaça çox olanda uşaq tərs gələr.
• Matahın matah olunca, bazarın bazar olsun.
• Maya doğar, nər doğmaz.
• Mayasız fətir olar.
• Mehtərin səsi uzaqdan xoş gələr.
• Meşə çaqqalsız olmaz.
• Meşədə ağacın düzün seçərlər.
• Meşəyə gedən öz ağacın kəsər.
• Meşəyə od düşəndə quru da yanar, yaş da.
• Mazanın səsinə oxşuyur? Bu dal
• Meyxanaçıdan şahid istədilər, sərxoşu göstərdi.
• Meyxanaçının şahidi üzüm ayaqlayan olar.
• Meymuna dedilər oyna, dabanını qovzadı.
• Məkkə evin içidir.
• Məkkədən gələn mən, xəbər verən sən.
• Məkkəyə gedən dəvə hacı olmaz.
• Məkkəyə gedir, sünni olur, geri qayıdır, şiə olur.
• Mərddən bir xəta, namərddən min.
• Mərd əli kasad olmaz.
• Mərd oğul zalıma baş əyməz.
• Mərdi qova-qova namərd eləmə.
• Mərdi qova-qova namərd edərlər.
• Mərd igidlər süfrə açar, ad alar.
• Mərd ilə gəzən mərd olar, namərdlə gəzən biyabangərd olar.
• Mərdin gözü tox olar, namərdin gözü ac.
• Mərd gördüyün deməz.
• Mərd mərdi qanar, Bərkdə oduna yanar.
• Mərd özündən bilər,
• Mərdə güllə kürəyindən dəyməz.
• Məzlumun ahı, devirər şahı.
• Minarə başında qoz dayanmaz.
• Miyançının kisəsi gen olar.
• Milçək bir şey deyil, könül bulandırır.
• Molla alacağın unutmaz.
• Molla bəyə qoşuldu, xalqın evi yıxıldı.
• Molla evindən aş çıxmaz, kor gözündən yaş.
• Molla halvanı yedi, yasini unutdu.
• Molla Qurandan kəsər, şeytan imandan.
• Molla Nəsrəddin sağ ola, eşşəklərini qurd yeyə?!
• Molla olmaq çox asan, adam olmaq çox çətin.
• Molla tuluq zurnasıdı, qarnı dolmasa, səsi çıxmaz.
• Mollanı iki yerə çağıranda bağrı çatlar.
• Mollaya dedilər: qonşuda bir kasıb ölmüş, dedi: naxoşam.
• Motala dadanan köpək bir də gələr.
• Murdar əsgiyə od düşməz.
• Murdarı murdar aparar.
• Muzdur, yerində düz dur.
• Müftə sirkə baldan şirin olar.
• Müxənnətlə ehsan yeməyə də getmə.
• Müştəridə göz olsa, satan acından ölər.

Mənbə

• Atalar sözü, Bakı,2004

2012