Azərbaycan atalar sözləri/N

←M

Azərbaycan atalar sözləri Müəllif: Şifahi xalq ədəbiyyatı

O→

Həmçinin baxın: Haqqında • < Mündəricat

Na

• Nabələdə gün də buluddur.
• Nacins ağac düyünlü olar.
• Nacins qarpızın tumu çox olar.
• Nadan dostdan ağıllı düşmən yaxşıdır.bebeişkooo

• Nadan əlindən su içmə, ab-həyat olsa da.
• Nadan özünü öyər, kor gözünü.
• Nadana halva acı olar.
• Nadanı kötək düzəldər, qozbeli qəbir.
• Nadanın düşməni özüdür.
• Nadanlıq nəsilnən, insanlıq əsilnən
• Nadiri taxtda görüb, Şah Abbası qundaqda.
• Nadürüst nəslinə çəkər.
• Nahaq ayaq tutub yeriməz.
• Nahaq iş ayaq tutmaz.
• Nahaq qan batmaz.
• Nahaq qan yerdə qalmaz.
• Nahaq qapıdan gələndə haqq bacadan çıxar.
• Naxçıvanın duzu, qızı, qarpızı.
• Naxır gəlməsə, axşam olmaz.
• Naxır itib, ala dananı qovur.
• Naxır yeri ilə gedib, ala dananı axtarır.
• Naxır yerli-dibli yoxdur, bu, ala dana axtarır.
• Naxıra gedirəm - çoban olmaz, axura gedirəm - saman.
• Naxırçı qızı arpa çörəyi arzular.
• Naxırçı qızı naxırçı çörəyi arzular.
• Naxırçı qızından xanım olmaz.
• Naxırçı qızını verdi, torpa dağarcığı da üstəlik.
• Naxırçı qızının qeyrəti naxır gələndə tutar.
• Naxırçının faydası havayı eşşək minməkdir.
• Naxırçının könlü naxır çörəyi istər.
• Naxırda malın yox, növbədə başın yarılır.
• Nakəsə borclu olma.
• Nakəslə comərdin xərci birdir.
• Nakəslərə yoldaş olan xar olur
• Naqqa balıq tasa yerləşməz.
• Naqqalar olmasaydı, dünya laləzara dönərdi.
• Nağd alverdən ətir iyi gələr.
• Nağdı əldən vermə. (Nağdı qoyub nisyənin dalınca düşmə).
• Nağıl dili yüyrək olar.
• Nalını almamış mıxını çalma.
• Namaz qıla-qıla yıxdın evimi, indi başlamısan həccə getməyə.
• Namaza meyli olanın qulağı azanda olar.
• Namazdan əvvəl boğazdır.
• Namazı əkib, orucluğa gedir.
• Namə vüsalın yarısıdır.
• Namə yazmaq asandır, yetirmək çətin.
• Namərd adam haqqı qoyub, nahaqqın dalınca gedər.
• Namərd gəlib mərd olmaz. Boyunca qızıl qala.
• Namərd gəlib mərd olmaz, yüz ətəklə, yüz yalvar.
• Namərd körpüsündən rahat keçincə, qoy aparsın o sellər məni.
• Namərd namərddən kəsər, Allah da hər ikisindən.
• Namərd yəhərdə tanınar, mərd kəhərdə.
• Namərdə tuş olanın ciyəri qana dönər.
• Namərdə yaxa vermə, mərdə arxa ol.
• Namərdə möhtac olma.
• Namərdə möhtac olunca dəryada qərq ol
• Namərdə tuş olanın ürəyi qana dönər.
• Namərddən keç, mərddə dur.
• Namərdi bir gördün, bir də görsən namərdsən.
• Namərdi qova-qova mərd еylərsən
• Namərdin adı olmaz.
• Namərdin çörəyi dizinin üstə olar.
• Namərdin gözü dar olar.
• Namərdin otağından, mərdin ağac kölgəsi.
• Namərdin plovundan, mərdin qaşıq aşı.
• Namərdin sözünü söz eləmək olmaz.
• Namı-nişanı qalmayıb.
• Namus gedər, dönməz geri, yoxdur onun bəlil yeri.
• Namus insanın cövhəridir.
• Namus insanın qan bahasıdır.
• Namussuz qohum qoltuq yarasıdır, nə açıb göstərmək olur, nə qoparıb atmaq.
• Namusu itə atdılar, it yemədi.
• Nanəcibdən ağa olmaz, təkədən qoç.
• Nanəcibdən kənar gəz.
• Nanəcibə hörmət edərsən, deyər ki, məndən qorxur.
• Nanəcibə min dəfə yaxşılıq et, bir dəfə salam verməsən hamısı heçdir.
• Nanəcibə salam verərsən, deyər - Qorxdu məndən.
• Nanəcibə salam ver, keç.
• Napakı hamam təmizləməz.
• Nar ağacı - istək ağacı.
• Nar üstündən turp yeməzlər.
• Naşı bilməz xara nədir, bez nədir?!
• Naşı oğru özünü samanlığa vurar.
• Naşı ovçu dağı adlayar, ov vura bilməz.
• Naşılığını mənim başımda göstərir.
• Naşıya zurna vеrəndə yoğun başından yapışar.
• Naümid şeytandır.

Ne

• Necə gəlmisən, elə də get.
• Neştərsiz əqrəb olmaz.
• Neyləyirəm gözəlliyi, gözəl baxtım olaydı.
• Neyləyirəm qızıl taxtı, bir qızıl baxtım olaydı.
• Neyləyirəm qızıl teşti, içində qan qusacam.

Ne

• Nə ağacı tovla, nə də iti hürdür.
• Nə ağız yandıran aşdır, nə baş sındıran daş.
• Nə alacağı var, nə verəcəyi.
• Nə alandır, nə satan.
• Nə altda undur, nə üstdə kəpək.
• Nə arabada, nə dünbədə.
• Nə at var, nə meydan.
• Nə baxırsan taxtına, sən baxginən baxtına.
• Nə bağım var, nə də çaqqalla davam.
• Nə balanı istəyirəm, nə də balasını.
• Nə başı var, nə ayağı.
• Nə belə vəslin olaydı, nə elə hicranın.
• Nə biçinini biçirəm, nə ayranını içirəm.
• Nə coraba yamaqdır, nə tumana bağ.
• Nə çəkərsə öküz çəkər, araba yolu ilə gedər.
• Nə daş atdın ki, qolun da ağrısın.
• Nə dəlini işlət, nə də dəli üçün işlə.
• Nə dərin suya gir, nə də Xıdır Nəbini çağır.
• Nə dəvəni görmüşəm, nə də ləpirini.
• Nə dəvənin südün istə, nə ərəbin üzün gör.
• Nə dil bilsin, nə dodaq.
• Nə diriyə hay verər, nə ölüyə pay.
• Nə doğrarsan aşına, o çıxar qaşığına.
• Nə dost kimi dostdur, nə düşmən kimi düşmən.
• Nə əkərsən, onu da biçərsən.
• Nə ərəbin üzün gör, nə Şamın şəkərin.
• Nə gecəm gecədir, nə gündüzüm gündüz.
• Nə gələndən üz çevir, nə gedəni qovan ol.
• Nə görməli günlərim varmış!...
• Nə görmüşəm, nə eşitmişəm.
• Nə günahı var, nə savabı.
• Nə xalqa dayaqdır, nə palaza yamaq.
• Nə xeyrə yarar, nə şərə.
• Nə ilə ölçərsən, onunla da ölçülərsən.
• Nə ins var, nə cins.
• Nə istərsən bacından, bacın ölür açından.
• Nə istisi var, nə soyuğu.
• Nə işim var bayırda, çaqqal məni çığırda.
• Nə işim var, nə macalım.
• Nə it yiyəsdir, nə gön yiyəsi.
• Nə itirib, nə axtarırsan?
• Nə iyi var, nə səsi.
• Nə izi var, nə tozu.
• Nə qaldırsa üzünə, o görünür gözünə.
• Nə qanır, nə də qandırır.
• Nə qədər qoca olsa, min cavana dəyər.
• Nə qədər uzaq olsa, yol yaxşıdır, nə qədər yaman olsa, el yaxşıdır.
• Nə qədər uzun olsa lülə, bir o qədər uzun gеdər güllə.
• Nə qorx, nə də qorxunu ürəyindən çıxart.
• Nə qoyun olub otdan doydum, nə quzu olub süddən
• Nə qoyuna gedər, nə qapıda hürər.
• Nə mülk ilədir, nə mai ilədir, gülüm, ululuq kamal ilədir.
• Nə o yanlıqdır, nə bu yanlıq.
• Nə ölən kimi ölür, nə də qalan kimi qalır.
• Nə ölüyə hay verir, nə diriyə pay.
• Nə özü işləyir, nə də işləyəni qoyur işləsin.
• Nə özü yeyir, nə itə verir, iylətdirir, itə verir.
• Nə özündədir, nə sözündə.
• Nə salam, nə kəlam.
• Nə sən dedin, nə mən eşitdim.
• Nə sən gəl, nə ilin axır çərşənbəsi.
• Nə sərvətə bel bağla, nə fələyə güvən gəz.
• Nə səs var, nə səmir.
• Nə soyuğa tabım var, nə pulum var kürk alım.
• Nə şaşqın ol basıl, nə daşqın ol, asıl.
• Nə şeytan görüm, nə qulfallah oxuyum.
• Nə şeytanı gör, nə bismillah de.
• Nə şilləmsən, nə şapalağım.
• Nə şiş yansın, nə kabab.
• Nə titrərsən, əllərim, verməyincə ala bilməzsən.
• Nə tiyanda barama var, nə cəhrədə ipək.
• Nə tökərsən aşına, o da cıxar qaşığına.
• Nə tüfəngə çaxmaqdır, nə dünbəyə toxmaq.
• Nə ucu var, nə bucağı.
• Nə ucudu, nə ortası, qırılıb qarın qartası.
• Nə umursan bacından, bacın ölür acından.
• Nə vaxt tülkü olsan, çarığımı çeynərsən.
• Nə varlıya borclu ol, nə yoxsuldan alacaqlı.
• Nə ver, nə al.
• Nə ver, nə də dalınca get.
• Nə vermişdi ki, ala bilmədi?!
• Nə versən adındı, nə yesən dadındı, qalanı yadındı.
• Nə yada sirrini ver, nə namərdə bel bağla.
• Nə yaraşır arığa, gedə girə qoruğa?
• Nə yardan doyur, nə əldən qoyur.
• Nə yaş olub sıxılmalı, nə quru olub qırılmalı.
• Nə yatdı ki, nə yuxu görsün?!
• Nə yatdıq, nə uzandıq, hazır oğlan qazandıq.
• Nə yazılıb, o da olacaq.
• Nə yer qəbul eləyir, nə göy.
• Nə yeyilir, nə atılır.
• Nə yoxsuldan alacağım olsun, nə varlıya verəcəyim.
• Nə yoğurdum, nə yapdım, hazırca kökə tapdım.
• Nə zalım ol asıl, nə miskin ol basıl.
• Nəbzi mənim əlimdədir.
• Nəcabət adamın zatında olar.
• Nəcabət ata-ana ilə ölçülməz.
• Nəciblik canda dеyil, qandadır.
• Nəfəs haqdandır.
• Nəfəs nəfəsdir, bədnəfəsin adı bədnamdır.
• Nəfəsi gedir gəlir yalandır.
• Nəfəsi isti yerdən çıxır.
• Nəhəng dəryada olar.
• Nələr gəldi, nələr keçdi fələkdən?!
• Nənə evin kötüyüdür.
• Nənə nəvənin oyuncağıdır.
• Nənə yarım dənə ilə də keçinər.
• Nənəsinə naməhrəmdir.
• Nər yükünü nər çəkər.
• Nərdivana ilk pillədən çıxarlar.
• Nərin dili bağlı gərək.
• Nəslində olan dırnağında bildirər.
• Nəvə övladdan şirindir.
• Nəzir seyidə düşər, fitrə yoxsula.

Ni

• Nisyə baldan nağd sirkə yaxşıdır.
• Nisyə çaxır içən iki dəfə keflənər.
• Nisyə - girməz kisəyə.
• Nisyə quyruqdan nağd yumruq yaxşıdır.
• Nisyə vermərəm, dalınca da getmərəm.
• Niyə elə yerdə yatıram ki, altıma su düşsün?!
• Niyyətin hara - mənzilin ora.

No

• Noxudların hesabına baxanda gorünür heç bayram olmayacaq.
• Novruzdan sonra qırx gün kötük yanar.
• Novruzgülü ilə bənövşə bir-birini görməzlər.

Nö

• Nökər nədir, bekar nədir?
• Nökərsən, niyə bekarsan? Aç qapını, ört qapını.
• Növbə bizə çatanda çırağın yağı qurtarar.
• Növbə yetimə çatanda qaşığın dəstəsi sınar.
• Növbə yetimə çatanda ya hərifin pulu qurtarar, ya çırağın yağı.

Nu

• Nuh deyər, peyğəmbər deməz.
• Nuh əyyamından qalıb.
• Nuh-Nəbidən qalıb.
• Nur gözdə olar.