Azərbaycan atalar sözləri/Ö

Vikisitat saytından
Keçid et: naviqasiya, axtar
< Azərbaycan atalar sözləri
  • Öküz altında buzov axtarır.
  • Öküz öldü, ortaq ayrıldı.
  • Öküzü buynuzundan, adamı sözündən tutarlar.
  • Ölən canını qurtarır, vay qalanın halına.
  • Ölər, Koroğlu getməz bu yurddan.
  • Ölmək ölməkdir, xırıldamaq nə deməkdir.
  • Ölməz, itməz Xədicə, görər nəvə-nəticə.
  • Ölüdən pay umur.
  • Ölüm qaş ilə göz arasındadır.
  • Ölümdən başqa hər şeyə çarə var.
  • Ölümə çarə yoxdur.
  • Ölülər elə bilir, dirilər halva yeyir.
  • Ölünün dalınca danışmazlar.
  • Ölünün vəsiyyəti özü ilə gedər.
  • Ölürsə yer bəyənsin, qalırsa el bəyənsin.
  • Ölüsü olan bir gün ağlar, dəlisi olan hər gün.
  • Örtülü bazar dostluğu pozar.
  • Övlad ata-ananın ürəyidir.
  • Övlad bir turş almaya bənzər, yeyənin dişi qamaşar, yeməyənin könlü istər.
  • Övlad can yanğısıdır.
  • Övlad insanın məbədidir.
  • Övlad kivar, badamdır, nəvə məğzbadamdır.
  • Övlad könül meyvəsidir.
  • Övlad pəncərədən düşən işıqdır.
  • Övlad sərmayədir.
  • Övlad tapılar, ata-ana tapılmaz.
  • Övlad ya ataya oxşar, ya anaya.
  • Övladda atadan nişanə olmalıdır.
  • Övladda nəvə, dövlətdə dəvə.
  • Öz adını özgələrə qoyma.
  • Öz ağam, öz qulum.
  • Öz ağlını özgə ağlına vermə.
  • Öz anasını sevən, özgə anasını söyməz.
  • Öz anasını sevməyən, özgə anasını sevməz.
  • Öz arşını ilə ölçür.
  • Öz atının noxtasından yapış.
  • Öz bəxtindən küs.
  • Öz çörəyini özgə süfrəsində yemə.
  • Öz daş - tərəzisi ilə çəkir.
  • Öz evimin nökəriyəm, özgə evinin-ağası.
  • Öz evində öz başını bağlaya bilmir, özgə evində gəlin başı bağlayır.
  • Öz əlim, öz başım.
  • Öz gözündə tiri görmür, özgə gözündə qıl axtarır.
  • Öz ipini özü eşir.
  • Öz qədrini bilməyənin qədrini özgəsi də bilməz.
  • Öz quru çörəyim özgənin plovundan yaxşıdır.
  • Öz səsi özünə xoş gəlir.
  • Öz yağı öz başına.
  • Özgə atına minən tez düşər.
  • Özgə buzovunu güdənin çatısı əlində qalar.
  • Özgə qapısını bağlı istəyənin öz qapısı bağlı qalar.
  • Özgənin sözünü özgəyə deməyə nə var?
  • Özgəyə it hürər, bizə Mazandaran çaqqalı.
  • Özgəyə quyu qazan özü düşər.
  • Özgəsinə göz qoyan özünkünü itirər.
  • Özü ölçür, özü biçir.
  • Özü yıxılan ağlamaz.
  • Özüm qoturam, keçim ki qotur deyil.
  • Özüm özümə elədim, külü gözümə elədim.
  • Özümə yer eylərəm, gör sənə nə eylərəm.
  • Özündən güclü ilə vuruşma.
  • Özündən yuxarı baxanda, özündən aşağı da bax.
  • Özünə qıymadığını, özgəyə də qıyma.