Azərbaycan atalar sözləri/T

Vikisitat saytından
Keçid et: naviqasiya, axtar
< Azərbaycan atalar sözləri
  • Taxçadakı qarnında, boxçadakı əynində.
  • Taxt mənimdir, üstündə yatmıram, altında yatıram.
  • Tamahkar öz nəfsinin quludur.
  • Tamahkarı yalanşı aldadar.
  • Tamarzıdan al, öyrənmişə ver.
  • Tanrı ac istəyəni bəndə doyura bilməz.
  • Tanrı bir yandan bağlasa, bir yandan açar.
  • Tanrı dəvəyə qanad versəydi, yıxmadığı dam qalmazdı.
  • Tanrı verən dövləti bəndə ala bilməz.
  • Tanrıdan gəlməsə, bəndədən nə gələr?!
  • Tapan tapanın olsa, çöldə çoban bəy olardı.
  • Tarlada izi olmayanın süfrədə üzü olmaz.
  • Tat ata mindi, Tanrısını tanımadı.
  • Taylı tayın tapmasa, günü ah-vayla keçər.
  • Tazının topal olduğu dovşanın qulağına yetişib.
  • Tazının yiyəsi varsa, dovşanın da Allahı var.
  • Tək daşdan divar olmaz.
  • Tək əldən səs çıxmaz.
  • Tək gəzən dananı qurd yeyər.
  • Tək qoyundan sürü olmaz.
  • Təkə sürüyə böyük olmazdı, qoyunlar qoyun olsaydı.
  • Təkədən qoç olmaz.
  • Təklik Allaha yaraşır.
  • Tələsənin kündəsi küt gedər.
  • Tələsik işə şeytan qarışar.
  • Tələsirsən, yavaş get.
  • Tənbəl dağda qar gördü, yorğanına büründü.
  • Tənbəl deyər: ver yeyim, ört yatım, gözlə canım çıxmasın.
  • Tənbəl eşşək hoşu Allahdan istər.
  • Tənbələ dedilər: qapını ört, dedi: yel əsir, örtər.
  • Tənbəl günortayacan neyləyib ki, günortadan sonra neyləsin?!
  • Tənbələ həftənin hər günü cümədir.
  • Tənbələ iş buyur, o sənə ağıl öyrətsin.
  • Tənbələ iş buyur, o sənə nağıl danışsın.
  • Tənbəllik azar artırar, işləmək canı saf eylər.
  • Tərə yeyən də yaza çıxır, kərə yiyən də.
  • Tərəkəmə pendirində qurd görməz.
  • Tərəkəmə öz obasını Bağdaddan böyük bilər.
  • Tərlan yerin çalağan tutmaz.
  • Təzə ay doğanda köhnə ayı doğrayıb ulduz elərlər.
  • Təzə gəldi bazardan, köhnə düşdü nəzərdən.
  • Təzə kuzə suyu sərin saxlar.
  • Tikan əkən gül götürməz.
  • Tikan olub ayağa batınca, gül ol yaxaya sancıl.
  • Tikə qarın doyurmaz, məhəbbət artırar.
  • Tox it ac bəydən yaxşıdır.
  • Toxun acdan nə xəbəri?!
  • Topal eşşəklə karvana qoşulma.
  • Tora düşən səbr eləməsə, özünü ölümə verər.
  • Torpaq deyər: "Öldür məni, dirildim səni!".
  • torpaq deyər:-Sən mənə tər ver, mən sənə zər verim.
  • Toy da olsa toyuğun vayıdır, vay da olsa.
  • Toyuq yumurtasına görə qaqqıldar.
  • Toyuğun cəriməsi yumurtasıdır.
  • Toyuğun gözü küllükdədir.
  • Toyuğun uçuşu zibilliyə qədər olar.
  • Tövbəsini sındıran məlundur.
  • Tutulmamış oğru, xandan-bəydən doğru.
  • Tülək tərlan yerinə sar bağlamaq olmaz.
  • Tülkü tülkülüyünü bildirincə, dərisini boğazından çıxararlar.
  • Tülkü tülküyə, tülkü quyruğuna.
  • Tülkünün gedib-gələcəyi kürkçü dükanıdır.
  • Tülkünün meydanda nə işi var, dərisinə qiymət qoysunlar?!.
  • Tülkünün şahidi quyruğudur.
  • Türk söydükcə qızar, durduqca bezər.
  • Türkü at yıxar, tatı ət.
  • Türkün sonrakı ağlı.