Miqel de Servantes

Vikisitat saytından
Jump to navigation Jump to search
Migel de Servantes

Migel de Servantes Saavedra (ispan dilində: Miguel de Cervantes Saavedra; 29 sentyabr 1547 - 23 aprel 1616) — ispan yazıçısı, şair və dramaturqu. Onun "Don Kixot" romanı klassik Qərb və dünya ədəbiyyatının ən yaxşı romanlarından biri sayılır. Servantesin bədii üslubu ispan dilinin inkişafında mühüm rol oynamışdır.



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Aclıq, dünyanın ən gözəl sousudur.
  • Axmaqlara yaxşılıq etmək, dənizə su tökmək kimidir.
  • Ağılsızlıqla müşayiət olan cəsarət özündə dəyanətdən çox dəliliyi birləşdirir.
  • Alçaq insanlara yaxşılıq etmək, dənizə su daşımağa bənzər.
  • At, sahibinə görə kişnəyər.
  • Atanın xidmətləri oğula aid deyil.

B[redaktə]

  • Bal, eşşəyin ağızı üçün deyil.
  • Bir qapı bağlıdırsa, digəri açılır.
  • Biz bu dünyanı tərk edəndə və bizi torpağa tapşıranda, bizim də, knyazın da dəfn edildiyi yer bir parça eyni torpaqdan ibarət olur.
  • Bizim hər birimiz - öz əməyimizin övladlarıyıq.
  • Borcunu ödəməmək qərarıyla alver edən üçün, qiymətin əhəmiyyəti yoxdur.
  • Böyük insanlar böyük yaxşılıqlar etməyə qadirdirlər.
  • Bu dünyaya çılpaq gəldim, çılpaq da gedirəm.
  • Bütün ağrılara dözmək olar, yetər ki çörəyin olsun.
  • Bütün oxucuları məmnun edəcək bir əsər yazmaq tamamilə mümkün deyil.

C[redaktə]

  • Cəsarətli ürəkdə bütün çətinliklər qırılır.

Ç[redaktə]

  • Çox içki içən adam sirr saxlamır və vədlərini yerinə yetirmir.

D[redaktə]

  • Dost uğrunda ölmək asan, lakin uğrunda ölünəcək dostu tapmaq çətindir.
  • Dövlətdəki avara insanlar arı pətəyində işçi arıların balını yeyən erkək arılar kimidir.
  • Döyüşə hazırlaşan onun yarısını udmuş olur.
  • Dünyada heç bir şey nəzakət qədər ucuz başa gəlmir və insanlar tərəfindən onun qədər yüksək qiymətləndirilmir.
  • Düşünmədən danışmaq, nişan almamış atəş açmaq kimidir.
  • Dürüst bir qadının gözəlliyi atəşə bənzər: Yaxınlaşmayana heç bir zərəri toxunmaz.
  • Dürüstlük ən yaxşı siyasətdir.

E[redaktə]

  • Elə bir cismani və ruhi ağrı, iztirab yoxdur ki, o zamanı zəiflədib ölümü sağalda bilməsin.
  • Eşq hər kəsi bərabər edər.
  • Eşq nə ilə bəslənər? İltifat ilə.
  • Eşqin eynəkləri elə çəhrayıdır ki, misi qızıl, yoxluğu varlıq, gözdəki çapığı inci kimi göstərər.

Ə[redaktə]

  • Əgər səliqəsiz geyinənin səliqəsizliyində ikiüzlülük gizlənmirsə, səliqəsizlik onun ruhunun zəifləməsinə dəlalət edir.
  • Əgər şeirdə adı dəqiq və aydın göstərilməyən qadın heç vaxt şeirin ona həsr edildiyinə inanmayacaq.
  • Əqlə, düşüncəyə istinad etməyən şücaət dəlilikdir.
  • Əldəki sərçə, uçan durnadan yaxşıdır
  • Ən böyük fəlakət ölümdür.
  • Əsl dost sağlamlıq kimidir: dəyəri itirildikdən sonra bilinir.

F[redaktə]

  • Fəlakəti vaxtı boş keçirməklə, nə də tənbəlliklə aradan qaldırmaq mümkün deyil.
  • Fəzilət yolu çox dar, qüsur yolu isə genişdir.
  • Fiziki zəifliyi dəf edə bilməyənin ruhi iztirabları ağır keçir.

G[redaktə]

  • Gələn xoşbəxtlikdən istifadə edə bilməyən, tərk edilən xoşbəxtlikdən şikayət etməməlidir.
  • Günorta yeməyini az, axşam yeməyini isə daha az yeyin. Çünki bütün bədənin sağlamlığı mədəmizdən asılıdır.

H[redaktə]

  • Hazırcavablılıq ağıllılıq əlamətidir.
  • Heç vaxt heç kimi sevməyən qadın qısqanclıq yarada bilməz.
  • Həqiqət bəzən əyilir, lakin heç vaxt sınmır və yağ suyun üzünə çıxdığı kimi, o da yalanın üzərinə çıxır.
  • Həqiqətlə yaşa-ən yaxşı xütbə budur.
  • Hər bir insan göylərin onu yaratdığı kimidir, bəzən isə daha pisdir.
  • Hər bir oğru elə bilir ki, hamı oğurluq edir.
  • Hər kəsin özünə görə bəzi dərdləri vardır, amma bu kimində qramladır, kimində kiloyla.
  • Həyat xarab pul kimidir. İstədiyiniz qədər xərcləyə bilərsiniz. Amma yalnız bir dəfə.
  • Həyatda ölümdən başqa hər şeyi düzəltmək olar.

X[redaktə]

  • Xəyanət, bəlkə də kiməsə xoş gəlir, amma xainlərə hamı nifrət edir.
  • Xoşbəxt o adamdır ki, səma ona bir tikə çörək göndərir və onun səmadan başqa heç kimə təşəkkür etməyə borcu yoxdur.

İ[redaktə]

  • İnsan təhsillə doğulmaz, amma təhsillə yaşayar.
  • İnsanların nə danışmasından asılı olmayaraq vicdanınıza uyğun yaşayın.
  • İstənilən gözəllik sevilməyə layiq deyil: bəzən o, baxışı sevindirir, amma, ürəyi fəth etmir.
  • İşsizliyin ən yaxşı dərmanı daimi və halal zəhmətdir.

K[redaktə]

  • Kasıblıq, eşqin böyük düşmənidir.
  • Kədər əziyyət çəkənin dilini həm bağlaya, həm də aça bilər.
  • Kisəni həddən artıq doldurmaq onun yırtılması ilə nəticələnir.

Q[redaktə]

  • Qadının görünə biləcəyindən daha az gözəl görünməsi günahdır.
  • Qadınlar onları sevənlərə laqeyd yanaşır, ona laqeyd olanları sevirlər.
  • Qanuni arvad, ölənə qədər səndən əl çəkməyən, boynuna atılmış, sonradan düyünə çevrilən bir ilgəkdir.
  • Qəddarlıq şücaətin yoldaşı ola bilməz.
  • Qısqanclıq həmişə kiçik əşyaları böyüdən, cırtdanları nəhəng, şübhələri həqiqət edən müşahidə borusundan baxır.
  • Quru şalvar ilə balıq tutulmaz.

M[redaktə]

  • Mahiyyət kimdən doğulduğunda yox, kiminlə yaşamağındadır.
  • Məcburi sevmək olmaz.
  • Müdrik insan bütün yumurtaları bir səbətə yığmır.

N[redaktə]

  • Nəzakət qədər ucuz başa gələn, amma yüksək qiymətləndirilən heç nə ola bilməz.

Ö[redaktə]

  • Ölüm senyorunun gücü zərifliyindən daha çoxdur.
  • Özünü öküzün önündən, qatırın arxasından, keşişin isə hər tərəfindən qoru.
  • Özünü tərifləmək insanı alçaldır.

P[redaktə]

  • Paltar insanı geyindirir və soyundurur.
  • Parıldayan hər şey qızıl olsaydı, qızıl çox ucuz olardı.
  • Pis hərəkətlər, nə qədər yerdən birdən bitən bitkilərə bənzəsə də, yenə də insan onlardan asanca bir çox şeylər öyrənə bilər.
  • Pisə malik olmaqdansa, yaxşını gözləmək sərfəlidir.

R[redaktə]

  • Ruh bədəndən üstün olduğu kimi, müəllim də atadan üstündür. Çünki ata bədəni, müəllim isəə ruhu inkişaf etdirir.

S[redaktə]

  • Sevgi elə bir eynək taxır ki,ondan baxanda kasıblıq zənginlik kimi,od zərrələri qızıl və mirvari kimi görünür.
  • Sevgi, misi qızıl, yoxsulluğu sərvət, alov qığılcımlarını isə mirvari kimi görən eynək taxır.
  • Sevgini dəf etməyin yeganə yolu ondan qaçmaqdır.
  • Səy göstərmək uğur qazanmağın anasıdır.
  • Söz daş kimidir. Atdınsa, geri qaytara bilməzsən.

Ş[redaktə]

  • Şərəfim həyatımdan daha qiymətlidir.
  • Şiddətli fırtınanın arxasından sükunət gəlir.
  • Şöhrətpərəstliyimizin digərinə zərər verməməsi çox nadir hallarda, daha doğrusu, heç vaxt olmur.

T[redaktə]

  • Taleyin çarxı yel dəyirmanın pərlərindən daha sürətli fırlanır və dünən zirvəyə çatanlar bu gün zirvənin dibinə düşürlər.
  • Tarix- əməllərimizin xəzinəsi, keçmişin şahidi, indiki zaman üçün nümunə və ibrət, gələcək üçün isə bir xəbərdarlıqdır.
  • Təqib olunan və divara qısnanan pişik pələngə çevrilir.
  • Tərif o zaman yaxşıdır ki, tərifləyən adam yaxşı olsun.

U[redaktə]

  • Ucuz başa gələn şey aşağı qiymətləndirilir.
  • Uzunçuluq həmişə xoşagəlməzdir.
  • Uzunçuluq adətən cansıxıcılıq yaradır.

Ü[redaktə]

  • Üzdəki boyadansa, ürəkdəki ləkə yaxşıdır.

V[redaktə]

  • Verən qoy sussun, alan danışsın.

Y[redaktə]

  • Yaxşı bir ağaca sarılan kölgəsiz qalmaz.
  • Yaxşı ər - arvadın iki ruhu, bir iradəsi var.
  • Yalançı tarixçiləri saxta pul kəsənlər kimi edam etmək lazımdır.
  • Yaşamaq və öyrənmək gözəl şeylərdir.
  • Yatmayan fəlakətlərdən xilas olmaq üçün ən yaxşı dərman yuxudur.
  • Yersiz zarafatlar kədərli sonluqla bitir.
  • Yoldaş uğrunda ölmək asandır, lakin uğrunda ölünəcək yoldaşı tapmaq çətindir.

Z[redaktə]

  • Zamanın unutdura bilməyəcəyi xatirə, ölümün dindirə bilməyəcəyi acı yoxdur.
  • Zənginlik, var-dövlətə sahib olmaqdan yox, ondan necə istifadə etmək bacarığına malik olmaqdan ibarətdir.
  • Zorla sevgi olmur.

Vikianbarda Miqel de Servantes ilə əlaqəli mediafayllar var.