Azərbaycan atalar sözləri/T

←Ş

Azərbaycan atalar sözləri Müəllif: Şifahi xalq ədəbiyyatı

U→

Həmçinin baxın: Haqqında • < Mündəricat

Ta

• Taxçadakı qarnında, boxçadakı əynində.
• Taxt mənimdir, üstündə yatmıram, altında yatıram.
• Taxtına nə baxırsan, baxtına bax.
• Tale insanla oynayır.
• Tamahkar öz nəfsinin quludur.
• Tamah ağlı zay edər.
• Tamahkardan dost olmaz, namərddən köməkçi.
• Tamahkarı yalanşı aldadar.
• Tamahkarın gözü kor olar.
• Tamahkarın gözünü torpaq doydurar.
• Tamarzıdan al, öyrənmişə ver.
• Tanımadığın adamı evinə buraxma.
• Tanrı ac istəyəni bəndə doyura bilməz.
• Tanrı bir yandan bağlasa, bir yandan açar.
• Tanrı dadına çatsın.
• Tanrı dəvəyə qanad versəydi, yıxmadığı dam qalmazdı.
• Tanrı qoruyanı qurd yeməz.
• Tanrı verən dövləti bəndə ala bilməz.
• Tanrı verən dövlətin zavalı olmaz.
• Tanrıdan gəlməsə, bəndədən nə gələr?!
• Tanrısını tanımayandan nə umursan?
• Tapan tapanın olsa, çöldə çoban bəy olardı.
• Tar çalan simi gözlər.
• Tarlada izi olmayanın süfrədə üzü olmaz.
• Tat ata mindi, Tanrısını tanımadı.
• Taylı tayın tapmasa, günü ah-vayla keçər.
• Tazının topal olduğu dovşanın qulağına yetişib.
• Tazının yiyəsi varsa, dovşanın da Allahı var.
• Tazısız ova gedən, dovşansız evə qayıdar.

Te

• Tez duran, tez evlənən peşiman olmaz.
• Tez qaçan, tez yorular.

Tə

• Təcrübə biliyin anasıdır.
• Təcrübə yüksəlişin qanadıdır.
• Təəssüf,tənbəl yatıb.
• Təqsir oldu lələdə, saqqalı verdi ələ.
• Tək ağacdan bağ olmaz.
• Tək daşdan divar olmaz.
• Tək əldən səs çıxmaz.
• Tək gəzən dananı qurd yeyər.
• Tək qoyundan sürü olmaz.
• Təkə sürüyə böyük olmazdı, qoyunlar qoyun olsaydı.
• Təkədə qoç hünəri olmaz.
• Təkədən qoç olmaz.
• Təkədən pendir tutmaq olmaz.
• Təklik Allaha yaraşır.
• Təkrar biliyin anasıdır.
• Tələsən gecəyə düşər.
• Tələsən yolda qalar.
• Tələsənin kündəsi küt gedər.
• Tələsik işə şeytan qarışar.
• Tələsirsən, yavaş get.
• Təmiz hava girməyən evə həkim girər.
• Təmizlik sağlamlığın rəhnidir.
• Tənbəl adam varlı olmaz.
• Tənbəl dağda qar gördü, yorğanına büründü.
• Tənbəl deyər: ver yeyim, ört yatım, gözlə canım çıxmasın.
• Tənbəl dilənçinin qardaşıdır.
• Tənbəl eşşək hoşu Allahdan istər.
• Tənbələ dedilər: qapını ört, dedi: yel əsir, örtər.
• Tənbəl deyər: ver yeyim, ört yatım, gözlə canım çıxmasın!
• Tənbəl günortayacan neyləyib ki, günortadan sonra neyləsin?!
• Tənbəl yatağan olar.
• Tənbələ həftənin hər günü cümədir.
• Tənbələ iş buyur, o sənə ağıl öyrətsin.
• Tənbələ iş buyur, o sənə nağıl danışsın.
• Tənbəllik azar artırar, işləmək canı saf eylər.
• Təpik atma, qısır qalarsan.
• Tərə yeyən də yaza çıxır, kərə yiyən də.
• Tərəkəmə pendirində qurd görməz.
• Tərəkəmə öz obasını Bağdaddan böyük bilər.
• Tərəzi gözü kimi iki tərəfə əyilmə.
• Tərlan oylağında sar ola bilməz.
• Tərlan yerin çalağan tutmaz.
• Təzə ay doğanda köhnə ayı doğrayıb ulduz elərlər.
• Təzə bardaq, təzə su.
• Təzə gəldi bazardan, köhnə düşdü nəzərdən.
• Təzə kuzə suyu sərin saxlar.
• Təzə süpürgə, təmiz süpürər.
• Təzəcə çıxıb təndirdən, minnəti yox pendirdən.

Ti

• Ticarət al-verdədir.
• Ticarət dostluq körpüsüdür.
• Ticarətin əvvəli də - insaf, sonrası da insafdır.
• Tikan əkən gül dərməz.
• Tikan olub ayağa batınca, gül ol yaxaya sancıl. 0776435443
• Tikə qarın doyurmaz, məhəbbət artırar.

To

• Tox it ac bəydən yaxşıdır.
• Tox nə bilir ki, ac nə çəkir?
• Toxun acdan xəbəri olmaz.
• Toxun acdan nə xəbəri?!
• Topal eşşəklə karvana qoşulma.
• Topal ilə gəzən axsamaq öyrənər.
• Tora düşən səbr eləməsə, özünü ölümə verər.
• Torbada pişik var.
• Torpaq deyər: "Öldür məni, dirildim səni!".
• Torpaq deyər:-Sən mənə tər ver, mən sənə zər verim.
• Torpaq - uğrunda ölən varsa vətəndir.
• Torpağın qarası - üz ağardar.
• Toy - bayram bizim küçədə də olar.
• Toy da olsa toyuğun vayıdır, vay da olsa.
• Toy xərci ilə ev almaq olmaz.
• Toy tulasıdır, arada gəzir.
• Toyda oynamaz, vayda ağlamaz.
• Toydan sonra nağara?!
• Toyuq anasından süd görməyib.
• Toyuq bir qıçlıdır ki, bir qıçlı.
• Toyuq bir içər, bir göyə baxar.
• Toyuq qaz yerişini yerisə, öz yerişini də itirər.
• Toyuq yumurtasına görə qaqqıldar.
• Toyuğun cəriməsi bir yumurtadır.
• Toyuğun gözü küllükdədir.
• Toyuğun uçuşu zibilliyə qədər olar.
• Toyun yaraşığı oynamaqdır.
• Toz ayrı - duman ayrı.

Tö

• Tövbəsini sındıran məlundur.
• Tövləyə buraxmırlar ki, quşqun oğurlayar.

Tu

• Tufan palıd ağacınıməcbur edir ki, daha dərinə kök atsın.
• Tula itdən də murdar.
• Tumanı çırıq kəndxuda, istəyir bizi qorxuda.
• Tut ağacı əkən ipək dərər.
• Tutmusan ucundan, gedirsən ucuzluğa.
• Tutulmamış oğru, xandan-bəydən doğru.

Tü

• Tülək tərlan yerinə sar bağlamaq olmaz.
• Tülkü çox bilmişliyindən tələyə düşər.
• Tülkü tülkülüyünü bildirincə, dərisini boğazından çıxararlar.
• Tülkü tülküyə, tülkü quyruğuna.
• Tülkünün gedib-gələcəyi kürkçü dükanıdır.
• Tülkünün meydanda nə işi var, dərisinə qiymət qoysunlar?!.
• Tülkünün şahidi quyruğudur.
• Türk söydükcə qızar, durduqca bezər.
• Türkü at yıxar, tatı ət.
• Türkün sonrakı ağlı.