Azərbaycan atalar sözləri/C

←B

Azərbaycan atalar sözləri Müəllif: Şifahi xalq ədəbiyyatı

Ç→

Həmçinin baxın: Haqqında • < Mündəricat

• Cahil axırda tula quyruğu xınalar.
• Cahil dirilərin ölüsüdür.
• Cahil ilə bal yemə, ahıl ilə daş daşı.
• Cahil ilə çıxma yola, gətirər başına min bir bəla.
• Cahıl ilə daş daşı, ahıl ilə yemə aşı.
• Cahil özünə düşməndir, başqasına necə dost ola bilər?!
• Cahildə söz əylənməz.
• Cahangirdən qorx, dəlidən qorxma
• Cahilə qoşulan cahil olar.
• Cahil söz qandırmaq, dəvəyə xəndək atdırmaq kimidir.
• Cahili cahillər mədh eylər.
• Cahilin ağlı başında yoх, gözündə olar.
• Cahilin ibadətindən alimin yuxusu yaxşıdır.
• Cahilin sözü - eşşəyin anqırtısı.
• Cahillikdə bəzənmədim, hayıf mənə, qocalıqda bəzənmişəm, ayıb mənə.
• Cahıla gedən keyf çəkər, ahıla gedən of çəkər.
• Camaat sevəni Allah da sevər.
• Camadarın şahlığı hamamçılıqdır.
• Camal gedər, kamal gələr.
• Camala baхma, kamala baх.
• Came nə qədər böyük olsa, imam yenə bildiyini oxur.
• Camış ola, qamış ola, ondan yeməmiş ola.
• Can alan baxışından bəlli olar.
• Can baladan şirindir.
• Can bazarda satılmaz.
• Can can üçün yanar, yadın harası yanar?
• Can candan ayrıdır.
• Can de, can eşit.
• Can deməklə can əskilməz.
• Can deyən çox olar, can verən olmaz.
• Can gedincə mal getsin.
• Can mənim canım, çıxsın sənin canın.
• Can sağlığı dövlətdir, demə, babam, yoxsulam.
• Can sağlığı – dünya varlığı.
• Can sənin, cəhənnəm Tanrının.
• Can şirin olur.
• Can verəndə boz sərçəyə ver, qaranquş gəldi-gedərdir.
• Can verirsən qardaşa ver, min il keçsə yad olmaz.
• Can verməyən canana yetməz.
• Can versən, qardaşa ver, min il keçə yad olmaz.
• Cana gələn mala gəlsin.
• Canandan ayrılan candan ayrılar.
• Cananı sevən canından keçər.
• Canavar canavarın dərisini çıxarmaz.
• Canavar özü hürmür, iti hürməyə məcbur edir.
• Canavar tək qalanda başına çaqqallar yığışar.
• Canavardan qorxan meşəyə girməz.
• Canavarın üzü ağ olsa, kəndə gündüzlər gələr.
• Canavarlar ağız-ağıza yatarlar.
• Canbaz ipdə gəzər, balıq - suda.
• Candan qonşu payı olmaz.
• Candır, badımcan deyil.
• Candır çəkər, qandır qaynıyar.
• Canı ağrıyan eşşək, atdan yeyin gedər.
• Canı canan yolunda deyən çox olar, qıyan az.
• Canı nədir, cəsədi nə olsun?!
• Canı olanın, qayğısı da olar.
• Canı yanan eşşək, atdan yeyin gedər.
• Canı yanan ya bir olar, ya iki.
• Canım qurban yaxşı qonaq, gəl ocağa bir də qonaq.
• Canımdan tikan çıxartdı.
• Canımı da alsan gülə-gülə al.
• Canını cibində gəzdirir.
• Canını yaxşı saxla qəfil əcəldən.
• Cavahirin qiyməti var, amma atalar sözünün qiyməti yoxdur.
• Cavan baş bir çanax qandır.
• Cavan əvvəl göyü görər, sonra yeri.
• Cavan işə, qoca aşa.
• Cavan işlər, qoca dişlər.
• Cavanlıq bir dəfə olar, qocalıq da bir dəfə.
• Cavanlıq gözəllikdir, onu boyamaq artıqdır.
• Cavanlıq soltanlıqdır, bacarsan saxla.
• Cavanlıqda daş daşı, qocalıqda ye aşı.
• Cavanlıqda qocalığa güc saxla, pullu gündə pulsuz günə pul saxla, savaşanda barışmağa üz saxla.
• Cavanlıqda zəhmət çəkən, qocaldıqda möhnət çəkməz.
• Cavanlığın qədrini bilmək gərək.
• Ceyran qovan çiçəyə batar, donuz qovan lehməyə.
• Ceyranın qaçmasın gördüm, ətindən əl üzdüm.
• Cəfa çəkməyən səfa görməz.
• Cəfasın çəkən səfasın görər.
• Cəfasını mən çəkdim, səfasını yad gördü.
• Cəhalət səfalət doğurar.
• Cəhd çarıq yırtar, iş odur haqqa vara.
• Cəhd elə dost qazan, düşmən ocaq başında.
• Cəhənnəmdə də adamın dayısı gərək.
• Cəhənnəmə gedən gələr, müştərinin gedəni gəlməz.
• Cəhənnəmə gedən özünə yoldaş axtarar.
• Cəhənnəmə gedən yoldaşını çox istər.
• Cəhənnəmə girsə, üzü qızarmaz.
• Cəhənnəmin qapısın mal-dövlət açar.
• Cəhrə əyirsən – don geyərsən.
• Cəhrə əyirsən don yiyəsi olarsan.
• Cənnət də bu dünyadı, cəhənnəm də.
• Cənnəti istəmədi, cəhənnəmə də getmədi, qaldı yolda sərgəndar.
• Cənnətin yaylağı, cəhənnəmin qışlağı.
• Cərgədən qalan keçəl olar.
• Cərgədən qalan qotur olar.
• Cəsarətin bitdiyi yerdə əsarət başlayır.
• Cəsur olana çomaq da silahdır.
• Cəvahir bazarında muncuq satılmaz.
• Cəvahirin qiyməti var, sözün qiyməti yoxdur.
• Cəvahirin qiymətini sərraf bilər, nə bilər hər divanə.
• Cibin boşsa, sözün keçməz.
• Cibində ki, yüzlük var, kovxa yanında düzlük var.
• Cida ilə qulağa pambıq yeritmək olmaz.
• Cidanı çuvalda gizlətmək olmaz.
• Ciki mənim –biki mənim, alçı dursa –sənin bəxtinə.
• Cin ayrı, şeytan ayrı.
• Cin bismillahdan qorxar.
• Cinə börk tikər, şeytana papış.
• Cinə dəmir göstərdilər.
• Cins cinsə əsər eləməz.
• Cins cinsinə meyl edər.
• Cins xoruz yumurtada banlayar.
• Cins madyan balanı döşündə saxlar.
• Cinsini danan bicdir.
• Cismin qidası –yemək, ruhun qidası –oxumaq.
• Cığala Tanrı verməz, versə də qarnı doymaz.
• Comərd deyib maldan elərlər, igid deyib candan elərlər.
• Cöngə öküz olunca, yiyəsi donuza dönər.
• Cuhud qan görüb?
• Culfa kəfənsiz ölər.
• Cücə ağgünlü olsaydı, toyuq əmcəkli olardı.
• Cücə həmişə hində qalmaz.
• Cücə səbət altında qalmaz.
• Cücə nənəsindən süd görməyib.
• Cücəni çalağandan sonra sayarlar.
• Cücəyə bəylik verdilər, anasını eşşəyə mindirdi.
• Cücəni payızda sayarlar.
• Cümə günü, bazar, onu da yağış pozar.
• Cürətli şəhər alar, kəm cürət küncdə qalar.
• Cütçü yağış istər, yolçu quraqlıq.
• Cütə gedən öküz gözündən tanınar.
• Cütə getməyən öküzü ətlik adına satarlar.