Abbasqulu ağa Bakıxanov

Vikisitat saytından
Jump to navigation Jump to search
Wikipedia logo
Abbasqulu ağa Bakıxanov haqqında Vikipediyada məqalə var.



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Ağılla dərk edirik nöqsan cəhətləri biz,
Nöqsanını dərk edən ağıllıdır şübhəsiz.
  • Azadlıq ifrat dərəcəsinə çatdıqda özbaşınalığa çevrilir.

B[redaktə]

  • Başqasına pislik etməyə çalışan bir adama yaxşılıq eləmə. Bu pislərə yaxşılıq etmək, yaxşılara pislik etmək kimi bir şeydir.
  • Bekarçılıqdan qorx ki, ən böyük eyib odur. Dünyada heç bir şey bekarçılıqdan pis ola bilməz... Sən əgər bekar otursan, deməli, daş və palçıq səndən daha yaxşıdır, çünki onlar heç olmazsa, ev tikmək işində kara gəlirlər.
  • Bədbəxt o adama deyərlər ki, başqasına yaxşılıq etməyi bacardığı halda, etməsin..
  • Bil ki, təvazökar və şirindilli adamların dostları da çox olar.
  • Bir işin tədbirində tələsmə, icrasında isə tələs. Çünki bir işi anlamaq üçün çox vaxt lazımdır, icra üçün az.

D[redaktə]

  • Dəniz özü üçün dalğalanır, çöpə isə elə gəlir ki, dəniz onun üçün dalğalanmışdır.
  • Dostu çox olan adamlar xoşbəxtdirlər.
  • Dünya malını sevən və mövqe axtarmağa həris olan adam dostluğa yaramaz.

E[redaktə]

  • Elə danış ki, sonradan onu xatırlamağa məcbur olmayasan.
  • Elm və kamal təhsilinə hər şeydən çox çalış, çünki hər şey onların köməyilə əldə edilir.
  • Eşq ağlabatan və məqbul olarsa, əsl xoşbəxtlikdir.

Ç[redaktə]

  • Çox yeməkdən özünü qoru, çünki bədənin sağlamlığına və ağla ziyan vurur.

G[redaktə]

  • Gözlü o adamdır ki, özünü görə bilsin.

H[redaktə]

  • Hər kimə yaxşılıq etdikdə açıq və ya işarə ilə ona minnət qoyma ki, yaxşılığın qiyməti itər və xoşluq əvəzinə inciklik yaranar.
  • Hər işdə özündən bilikli və qərəzsiz adamlarla məsləhət elə, insanın öz əqli hər işi bacarmağa qadir deyil.

X[redaktə]

  • ...Xəsislər həmişə qorxu və çətinlik içində yaşayırlar. Təkəbbürlü adamlar xalq içərisində alçaq görünər, xudpəsənd özünü camaata güldürər.

İ[redaktə]

  • İnsan təbiətinin başlıca mənəvi tələbi eşqdir.
  • İnsan yaxşı əməldən iki dəfə zövq alar: birisi onu edən zaman, ikincisi əvəzini görən zaman.
  • İnsanın şərafəti öz qabiliyyətinə görədir, nəslinə görə deyildir. Ağıllı övladın nəslə ehtiyacı yoxdur, naxələf övlad isə nəslin adını batırır.

K[redaktə]

  • Kimsə var-dövlət, cah-cəlalı çox sevirsə, onunla dostluq yaramaz, çünki o, həmişə öz xeyrinə və başqasının zərərinə çalışacaqdır.

Q[redaktə]

  • Qorxusu olan adam yaşayış ləzzətindən məhrum olar.

M[redaktə]

  • Mərd o adamdır ki, öz eybini özgələrinin eybindən artıq görsün, öz hünərini kiçik şey sansın.

N[redaktə]

  • Nəfsin istəyəni etmə, əqlin istəyinə əməl et. Çünki yaxşı və pisi ağıl seçir.

O[redaktə]

  • O adam ağıllı hesab olunur ki, öz nöqsanını başqalarından çox görsün və hünərini az bilsin.
  • O adamlarla otur-dur ki, hamı onları yaxşı hesab edir, əclaf və hərzə adamlardan uzaq ol ki, sən də onlar kimi olmayasan.

P[redaktə]

  • Paxıllıq qabiliyyətin yoxluğundan doğar. Hər kəs öz qüvvəsinə inansa, o, istədiyini əldə etməyə qadirdir.

Ş[redaktə]

  • Şöhrətpərəstlik insana qalib gəlsə, onu öz nəfsinin qurbanı edər.

T[redaktə]

  • Tez deyib peşiman olmaqdansa, gec demək məsləhətdir.

V[redaktə]

  • Vay o adamın halına ki, ölü nəcabəti ilə fəxr edir.

Y[redaktə]

  • Yalan danışmaqdan çəkin. Çünki hər kəs sənin bu xasiyyətini bilərsə, doğru sözünə də inanmaz.
  • Yalan danışmağa adət edən adam tez rüsvay olar və çox ehtimal ki, onun doğru sözünə də inanmazlar.
  • Yamanlara yaxşılıq etmək, yaxşıların haqqında pislik etmək kimidir.

Z[redaktə]

  • Zehnin itiliyi fəsad və puç xəyallara qapılarsa, axmaqlığa çevrilər.