Abbasqulu ağa Bakıxanov

Vikisitat saytından
Jump to navigation Jump to search



A B C Ç D E Ə F G H X  İ   J  K Q L M N O Ö P R S Ş T U Ü V Y Z


A[redaktə]

  • Ağılla dərk edirik nöqsan cəhətləri biz,
Nöqsanını dərk edən ağıllıdır şübhəsiz.
  • Azadlıq ifrat dərəcəsinə çatdıqda özbaşınalığa çevrilir.

B[redaktə]

  • Başqasına pislik etməyə çalışan bir adama yaxşılıq eləmə. Bu pislərə yaxşılıq etmək, yaxşılara pislik etmək kimi bir şeydir.
  • Bil ki, təvazökar və şirindilli adamların dostları da çox olar.

D[redaktə]

  • Dəniz özü üçün dalğalanır, çöpə isə elə gəlir ki, dəniz onun üçün dalğalanmışdır.
  • Dostu çox olan adamlar xoşbəxtdirlər.
  • Dünya malını sevən və mövqe axtarmağa həris olan adam dostluğa yaramaz.

E[redaktə]

  • Eşq ağlabatan və məqbul olarsa, əsl xoşbəxtlikdir.
  • Elə danış ki, sonradan onu xatırlamağa məcbur olmayasan.

Ç[redaktə]

  • Çox yeməkdən özünü qoru, çünki bədənin sağlamlığına və ağla ziyan vurur.

G[redaktə]

  • Gözlü o adamdır ki, özünü görə bilsin.

İ[redaktə]

  • İnsan təbiətinin başlıca mənəvi tələbi eşqdir.
  • İnsanın şərafəti öz qabiliyyətinə görədir, nəslinə görə deyildir. Ağıllı övladın nəslə ehtiyacı yoxdur, naxələf övlad isə nəslin adını batırır.

Q[redaktə]

  • Qorxusu olan adam yaşayış ləzzətindən məhrum olar.

M[redaktə]

  • Mərd o adamdır ki, öz eybini özgələrinin eybindən artıq görsün, öz hünərini kiçik şey sansın.

Ş[redaktə]

  • Şöhrətpərəstlik insana qalib gəlsə, onu öz nəfsinin qurbanı edər.

T[redaktə]

  • Tez deyib peşiman olmaqdansa, gec demək məsləhətdir.

V[redaktə]

  • Vay o adamın halına ki, ölü nəcabəti ilə fəxr edir.

Y[redaktə]

  • Yalan danışmaqdan çəkin. Çünki hər kəs sənin bu xasiyyətini bilərsə, doğru sözünə də inanmaz.
  • Yalan danışmağa adət edən adam tez rüsvay olar və çox ehtimal ki, onun doğru sözünə də inanmazlar.
  • Yamanlara yaxşılıq etmək, yaxşıların haqqında pislik etmək kimidir.

Z[redaktə]

  • Zehnin itiliyi fəsad və puç xəyallara qapılarsa, axmaqlığa çevrilər.