Azərbaycan atalar sözləri/V
| ←Ü | Azərbaycan atalar sözləri Müəllif: Şifahi xalq ədəbiyyatı |
Y→ |
 Həmçinin baxın: Haqqında • |
- Vaxt atlı, biz piyada.
- Vaxt ikən ağla, aşiq, el gələr, tühlük olar.
- Vaxt insana hər şeyi öyrədər.
- Vaxt olar ki, şahın da qaraçıya işi düşər.
- Vaxtını itirən, bəxtini itirər
- Vaxtsız açılan gül tez solar.
- Vaxtsız banlayan xoruzun başını kəsərlər.
- Vaxtsız qonaq öz kisəsindən yeyər.
- Var evi-kərəm evi, Yox evi, vərəm evi.
- Var günün dostu çox olar.
- Var var üstündən gələr.
- Var yıxmayanı fələk də yıxmaz.
- Varını verən utanmaz, yoxdan verən axmaqdır.
- Varlı kisəsini döyər, kasıb dizini.
- Varlı olub qəm-qüssə ilə yaşamaqdansa, kasıb olub şad-xürrəm yaşamaq yaxşıdır.
- Varlı umduğunu yeyər, kasıb - olduğunu.
- Varlığa güvənməzlər.
- Varlığa nə darlıq?!
- Varlılığa tələsən yoxsulluğa tez düşər.
- Varlının çörəyi kasıbın çənəsini yarar.
- Varlının eşşəyi də yeyin gedər.
- Varlının xoruzu da yumurtlayar.
- Varlının iti harın olar.
- Varlının malı, kasıbın övladı.
- Varlının malı gedər, muzdurun canı.
- Varlının torpağından çay keçər, kasıbınkından yol.
- Varlının varı yoxsulun çənəsini yorar.
- Varsa əgər hünərin, hara getsən var yerin.
- Vay o kişinin halına ki, yeməyi, içməyi saxlaya arvadının sonrakı ərinə.
- Vay o gündən ki, adamın öz iti özünü tuta.
- Vay o gündən ki, varlı adam yoxsulun əlinə düşsün.
- Verən əl alan əlin üstündə olar.
- Verən əli kəsməzlər.
- Verəndə imam olur, alanda şümür.
- Verərsən pendir - elərəm kəndir, verərsən aş - elərəm baş.
- Verim vara baxmaz.
- Vəfalı dost yad olmaz, görməsə yüz il səni.
- Vəsiyyət yüngüllükdür.
- Vəsmə bol olanda qaşa da çəkərlər, gözə də.
- Vətən daşı olmayandan, olmaz vətəndaşı.
- Vətən elin evi, dayağıdır.
- Vətən həsrəti çəkdim, gözlərimə qan gəldi.
- Vətən uğrunda qan, dostunuz uğrunda göz yaşı, ailəniz uğrunda tər tökün.
- Vətən viranə də olsa,yəqin,cənnətdir.
- Vətən yadına düşən qərib, ağlamasın neyləsin?
- Vətənə gəldim, imana gəldim.
- Vətəndən ayrı düşsəm, viran ollam, talannam.
- Vətəni yadına düşən qərib ağlamasın, neyləsin?
- Vətənin bir qışı, qürbətin yüz baharından yaxşıdır.
- Vətənin tüstüsü də şirindir.
- Vətənsiz oğul olmaz.
- Vəz oxumaq asan işdir, əməl eləyən gərək.
- Vur dedik, öldür demədik.
- Vur deyənlə vuran yarıdır.
- Vur ki, beşik daldadı, Seyyid Əli xırmandadı.
- Vura bilməyən daşın böyüyündən yapışar.
- Vuran igid dayısına gəyişməz.
- Vuran oğul ataya baxmaz.
- Vuran öküzə Allah buynuz verməz.